ເພີ່ມທະວີການຮ່ວມມືລະຫວ່າງກໍາລັງຕໍາຫຼວດທະເລຫວຽດນາມ ແລະກໍາລັງປ້ອງກັນຝັ່ງທະເລ ອິນເດຍ

ບັນດາຜູ້ແທນເຂົ້າຮ່ວມງານລ້ຽງ. ພາບ: qdnd.vn

ທ່ານ ພັນເອກພິເສດ ຫງວຽນມິງແຄ໊ງ ກ່າວຄໍາເຫັນທີ່ງານລ້ຽງ. ພາບ: qdnd.vn

ເຂົ້າຮ່ວມງານລ້ຽງ ມີທ່ານພົນຕີ Bhisham Sharma ຜູ້ບັນຊາການຝັ່ງຕາເວັນຕົກ (ກໍາລັງປ້ອງກັນຝັ່ງທະເລອິນເດຍ); ທ່ານພົນຈັດຕະວາ N Ravi ຜູ້ບັນຊາການກໍາລັງປ້ອງກັນຝັ່ງທະເລອິນເດຍ ເຂດ 4; ທ່ານ ພັນເອກພິເສດ ຫງວຽນມິງແຄ໊ງ ຮອງຜູ້ບັນຊາການ, ຫົວໜ້າເສນາທິການກອງບັນຊາການ ຕໍາຫຼວດທະເລ ເຂດ 3, ຫົວໜ້າຄະນະ ພ້ອມດ້ວຍພະນັກງານ, ລູກເຮືອຂອງສອງກໍາລັງ.

ທ່ານ ພັນເອກພິເສດ ຫງວຽນມິງແຄ໊ງ ມອບຂອງຂວັນເປັນທີ່ລະນຶກໃຫ້ທ່ານພົນຕີ Bhisham Sharma. ພາບ: qdnd.vn

ກ່າວຄໍາເຫັນທີ່ງານລ້ຽງ, ທ່ານພັນເອກພິເສດ ຫງວຽນມິງແຄ໊ງ ໄດ້ສະແດງຄວາມຂອບໃຈຕໍ່ການຕ້ອນຮັບອັນສົມກຽດ, ອົບອຸ່ນ, ເຕັມໄປດ້ວຍໄມຕີຈິດມິດຕະພາບຂອງກໍາລັງປ້ອງກັນຝັ່ງທະເລອິນເດຍ ທີ່ສະຫງວນໃຫ້ແກ່ຄະນະ; ພ້ອມທັງສະແດງຄວາມປິຕິຊົມຊື່ນເມື່ອໄດ້ມາຢ້ຽມຢາມນະຄອນ Kochi ທີ່ສວຍງາມ, ເປັນມິດ, ຮັກແຂກແພງຄົນ; ເນັ້ນໜັກວ່າ ໂດຍສືບຕໍ່ມູນເຊື້ອຮັກຫອມສັນຕິພາບຂອງຊາດ, ຕໍາຫຼວດທະເລຫວຽດນາມ ຍາມໃດກໍເຊີດຊູນໍ້າໃຈສາມັກຄີສາກົນ, ຄວາມມານະພະຍາຍາມປະຕິບັດໜ້າທີ່ປະຕິບັດກົດໝາຍຢູ່ທະເລ ເປັນຢ່າງດີ; ເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນຂອງກັນ; ເຄົາລົບກົດໝາຍສາກົນ; ສະເໝີພາບ, ຕ່າງຝ່າຍຕ່າງມີຜົນປະໂຫຍດ, ສູ້ຊົນນໍາການພົວພັນຮ່ວມມືລະຫວ່າງບັນດາກໍາລັງປະຕິບັດກົດໝາຍຢູ່ທະເລ ບັນດາປະເທດ ໃຫ້ເຂົ້າສູ່ລວງເລິກ, ມີປະສິດທິຜົນ, ປະກອບສ່ວນແທດຈິງເຂົ້າໃນການຮັກສາບັນດາເຂດທະເລສັນຕິພາບ, ສະຖຽນລະພາບ, ພັດທະນາຢູ່ພາກພື້ນ ແລະໃນໂລກ.

ທ່ານພົນຕີ Bhisham Sharma ກ່າວຄໍາເຫັນທີ່ງານລ້ຽງ. ພາບ: qdnd.vn

ທ່ານພົນຕີ Bhisham Sharma ມອບຂອງຂວັນເປັນທີ່ລະນຶກໃຫ້ທ່ານ ພັນເອກພິເສດ ຫງວຽນມິງແຄ໊ງ. ພາບ: qdnd.vn

ທ່ານພົນຕີ Bhisham Sharma ແລະທ່ານພັນເອກພິເສດ ຫງວຽນມິງແຄ໊ງ ຖ່າຍຮູບລວມກັບບັນດາຜູ້ແທນ. ພາບ: qdnd.vn

ກ່າວຄໍາເຫັນທີ່ງານລ້ຽງ, ທ່ານພົນຕີ Bhisham Sharma ຫວັງວ່າ ໃນໄລຍະຈະມາເຖິງ, ສອງກໍາລັງຕ້ອງເພີ່ມທະວີການຮ່ວມມືໃຫ້ຫຼາຍກວ່າອີກບົນພື້ນຖານບົດບັນທຶກຊ່ວຍຈໍາວ່າດ້ວຍການຮ່ວມມືລະຫວ່າງຕໍາຫຼວດທະເລຫວຽດນາມ ແລະກໍາລັງປ້ອງກັນຝັ່ງທະເລອິນເດຍ ທີ່ໄດ້ລົງນາມໃນປີ 2015 ກ່ຽວກັບການສ້າງຕັ້ງການພົວພັນສົມທົບກັນແນໃສ່ສະກັດກັ້ນ, ຕ້ານອາດຊະຍາກໍາຂ້າມຊາດ ແລະພັດທະນາການຮ່ວມມືລວມ, ແນໃສ່ຍົກສູງກໍາລັງຄວາມສາມາດໃຫ້ແກ່ພະນັກງານ, ລູກເຮືອຂອງສອງກໍາລັງໃນວິວັດການປະຕິບັດໜ້າທີ່ຢູ່ທະເລ; ພ້ອມທັງປະກອບສ່ວນຮັດ ແໜ້ນຄວາມສາມັກຄີ, ສະໜິດຕິດພັນ, ໄວ້ເນື້ອເຊື້ອໃຈ, ຄວາມເຂົ້າໃຈເຊິ່ງກັນແລະກັນກວ່າອີກ, ພ້ອມກັນກໍ່ສ້າງເຂດທະເລແຫ່ງສັນຕິພາບ, ສະຖຽນລະພາບ, ໝັ້ນຄົງ, ປອດໄພ ແລະພັດທະນາ.

ຄະນະປະຕິບັດງານຕໍາຫຼວດທະເລຫວຽດນາມ ຮັບຟັງການແນະນໍາກ່ຽວກັບພາຫະນະເຕັກນິກຮັບມືກັບອຸບັດຕິເຫດຢູ່ທະເລ ທີ່ສູນອົບຮົມຫັດແອບ ຂຶ້ນກັບກໍາລັງປ້ອງກັນຝັ່ງທະເລອິນເດຍ ເຂດ 4. ພາບ: qdnd.vn

ກ່ອນໜ້ານັ້ນ, ຕອນບ່າຍວັນດຽວກັນ, ຄະນະປະຕິບັດງານຕໍາຫຼວດທະເລຫວຽດນາມ ໄດ້ຮັບຟັງການແນະນໍາກ່ຽວກັບພາຫະນະເຕັກນິກຮັບມືກັບອຸບັດຕິເຫດຢູ່ທະເລ ທີ່ສູນອົບຮົມຫັດແອບ ຂຶ້ນກັບກໍາລັງປ້ອງກັນຝັ່ງທະເລອິນເດຍ ເຂດ 4.

ໂດຍ: ໄຊຊະນະ