ອາເມລິກາ ແບ່ງປັນສານ “ສັນຕິພາບ, ມິດຕະພາບ, ການຮ່ວມມື ພ້ອມກັນພັດທະນາ” ຂອງຫວຽດນາມ
ກປ.ອອນໄລ - ທ່ານພົນເອກ Samuel Paparo ຜູ້ບັນຊາການກອງບັນຊາການມະຫາສະໝຸດອິນເດຍ-ປາຊີຟິກ ຂອງອາເມລິກາ; ທ່ານ Jedidiah Royal ຮອງຜູ້ຊ່ວຍວຽກລັດຖະມົນຕີ ຜູ້ປະຈໍາການກະຊວງປ້ອງກັນປະເທດອາເມລິກາ ຮັບຜິດຊອບບັນດາບັນຫາຄວາມໝັ້ນຄົງມະຫາສະໝຸດ ອິນເດຍ-ປາຊີຟິກ ພ້ອມກັບທ່ານ Marc Knapper ເອກອັກຄະລັດຖະທູດອາເມລິກາ ປະຈໍາ ຫວຽດນາມ ລ້ວນແຕ່ສະແດງຄວາມປະທັບໃຈຕໍ່ພິທີເປີດງານວາງສະແດງປ້ອງກັນຊາດສາກົນຫວຽດນາມ 2024.
ໃນການປະຊຸມຂ່າວທີ່ສະໜາມບິນຢາເລິມ (ຮ່າໂນ້ຍ) ໃນຕອນເຊົ້າວັນທີ 19 ທັນວານີ້, ເຊິ່ງແມ່ນສະຖານທີ່ດໍາເນີນງານວາງສະແດງປ້ອງກັນຊາດສາກົນຫວຽດນາມ 2024, ທ່ານພົນເອກ Samuel Paparo ຕີລາຄາວ່າ ພິທີເປີດແມ່ນເຫດການ “ສຸດຍອດ”, ສະແດງໃຫ້ເຫັນກໍາລັງແຮງຢ່າງຈະແຈ້ງ, ສະແດງໃຫ້ເຫັນຄວາມຊັດເຈນຂອງກອງທັບປະຊາຊົນຫວຽດນາມ ໃນບັນດາການເຄື່ອນໄຫວ. ໃນຂະນະນັ້ນ, “ຄວາມປະທັບໃຈ”, “ໃຫຍ່ໂຕໂອ້ໂຖງ” ແມ່ນສິ່ງທີ່ທ່ານ Marc Knapper ແລະທ່ານ Jedidiah Royal ໄດ້ເວົ້າຕາມລຳດັບກ່ຽວກັບພິທີເປີດ.
    |
 |
|
ທ່ານພົນເອກ Samuel Paparo ຜູ້ບັນຊາການກອງບັນຊາການມະຫາສະໝຸດອິນເດຍ-ປາຊີຟິກ ຂອງອາເມລິກາ ກ່າວຄໍາເຫັນທີ່ການປະຊຸມຂ່າວ. |
|
|
 |
|
ທ່ານ Jedidiah Royal ຮອງຜູ້ຊ່ວຍວຽກລັດຖະມົນຕີຜູ້ປະຈໍາການກະຊວງປ້ອງກັນປະເທດອາເມລິກາ ຮັບຜິດຊອບບັນດາບັນຫາຄວາມໝັ້ນຄົງມະຫາສະໝຸດອິນເດຍ-ປາຊີຟິກ ກ່າວວ່າ: “ພວກຂ້າພະເຈົ້າ ຍາມໃດກໍ່ຊົມເຊີຍບັນດາກາລະໂອກາດຮ່ວມມືຢ່າງແຂງແຮງກວ່າກັບຫວຽດນາມ”. |
|
|
 |
|
ທ່ານ Marc Knapper ຢັ້ງຢືນວ່າ ອາເມລິກາ ປາດຖະໜາຢາກເຮັດໃຫ້ການພົວພັນກັບຫວຽດນາມ ເລິກເຊິ່ງຂຶ້ນຕື່ມ. |
ທີ່ກອງປະຊຸມຂ່າວ, ທ່ານພົນເອກ Samuel Paparo ຕີລາຄາວ່າ ຫວຽດນາມ ມີບົດບາດສະເໝີພາບກັບທຸກປະເທດ. ຫວຽດນາມ “ເອກະລາດ, ປົກປ້ອງບັນດາຜົນປະໂຫຍດຂອງຕົນ ແລະປະກອບສ່ວນໃຫ້ແກ່ປະຊາຄົມສາກົນ”. ທ່ານພົນເອກ Samuel Paparo ເນັ້ນໜັກວ່າ “ຫວຽດນາມ ໄດ້ເຂົ້າຮ່ວມບັນດາການເຄື່ອນໄຫວຮ່ວມມືໜູນຊ່ວຍມະນຸດສະທໍາ, ກອບກູ້ໄພພິບັດ, ການແພດທະຫານ, ປະກອບສ່ວນຊຸກຍູ້ບົດບາດໃຈກາງຂອງອາຊຽນ, ຊຸກຍູ້ຄວາມເປັນລະບຽບຮຽບຮ້ອຍສາກົນ ໂດຍອີງໃສ່ລະບຽບກົດໝາຍ, ເພື່ອຄວາມໝັ້ນຄົງ, ເອກະລາດ, ພັດທະນາໃນພາກພື້ນ.
ໂດຍ: ໄຊນີດາ