ງານວາງສະແດງປ້ອງກັນຊາດສາກົນຫວຽດນາມ 2024 ດໍາເນີນແຕ່ວັນທີ 19 ຫາວັນທີ 22 ທັນວາ ທີ່ສະໜາມບິນຢາເລິມ (ຝຸກດົ່ງ, ລອງບຽນ, ຮ່າໂນ້ຍ). ງານວາງສະແດງແມ່ນການເຄື່ອນໄຫວຈຸດສຸມ, ສ້າງຈຸດໂດດເດັ່ນທີ່ມີຄວາມໝາຍ, ລະດັບສາກົນ, ໄດ້ຈັດຕັ້ງພ້ອມກັບບັນດາການເຄື່ອນໄຫວ, ເຫດການຕ່າງໆເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ, 35 ປີແຫ່ງວັນບຸນປ້ອງກັນຊາດທົ່ວປວງຊົນ.
    |
 |
|
ບັນດາຜູ້ແທນ ຢ້ຽມຊົມເຂດວາງສະແດງກາງແຈ້ງ. ພາບ: qdnd.vn |
ບັນດາວິສາຫະກິດເຂົ້າຮ່ວມງານວາງສະແດງ, ແນະນໍາບັນດາພາຫະນະຕໍ່ສູ້, ມາດຕະການເຕັກໂນໂລຢີ, ອາວຸດ, ອຸປະກອນນໍາໃຊ້ໃຫ້ກໍາລັງທະຫານເຮືອ, ທະຫານບົກ, ທະຫານອາກາດ, ສູ້ຮົບໃນລະບົບເຄືອຂ່າຍອິນເຕີແນັດ ແລະບັນດາອຸປະກອນພະລາທິການ, ເຕັກນິກ.
ໃນຂອບເຂດລາຍການພົບປະແລກປ່ຽນ “ຕໍາຫຼວດທະເລຫວຽດນາມ ແລະບັນດາເພື່ອນມິດ” ຄັ້ງທີ 2, ຄະນະຈັດຕັ້ງລາຍການ ໄດ້ສົມທົບກັບບັນດາອົງການທີ່ກ່ຽວຂ້ອງຂອງກະຊວງປ້ອງກັນປະເທດ, ຄື: ກົມພົວພັນຕ່າງປະເທດ, ກົມປ້ອງກັນພາຍໃນກອງທັບ... ສ້າງແຜນການເພື່ອນໍາຄະນະຜູ້ແທນກໍາລັງປະຕິບັດກົດໝາຍຢູ່ທະເລບັນດາປະເທດມາຢ້ຽມຊົມງານວາງສະແດງເພື່ອແລກປ່ຽນ, ຊອກຮູ້ທ່າອ່ຽງພັດທະນາຂອງພາຫະນະ, ອາວຸດຍຸດໂທປະກອນເຕັກນິກໃນໂລກ ແລະແບ່ງປັນບົດຮຽນການຈັດຊື້, ນໍາໃຊ້ອາວຸດຍຸດໂທປະກອນເຕັກນິກເຂົ້າໃນການປະຕິບັດກົດໝາຍ, ປ້ອງກັນ, ຕ້ານໄພທໍາມະຊາດ, ກູ້ໄພຢູ່ທະເລ...
|
|
 |
|
ບັນດາຜູ້ແທນຂອງສູນບັນຊາການເດີນເຮືອ ໄທ ຢ້ຽມຊົມຮ້ານວາງສະແດງຢູ່ງານວາງສະແດງ. ພາບ: qdnd.vn |
|
|
 |
|
ຄະນະຜູ້ແທນຕໍາຫຼວດທະເລອິນໂດເນເຊຍ ທີ່ງານວາງສະແດງ. ພາບ: qdnd.vn |
ເມື່ອແລກປ່ຽນກັບນັກຂ່າວ, ທ່ານພົນຈັດຕະວາ Sao Sokvinda, ຫົວໜ້າກົມແຜນການ, ຄະນະກໍາມະການແຫ່ງຊາດຄວາມໝັ້ນຄົງການເດີນເຮືອກໍາປູເຈຍ ສະແດງຄວາມຂອບໃຈມາຍັງຕໍາຫຼວດທະເລຫວຽດນາມ ທີ່ໄດ້ຈັດໃຫ້ຄະນະໄປຢ້ຽມຊົມງານວາງສະແດງປ້ອງກັນຊາດສາກົນຫວຽດນາມ 2024.
|
|
 |
|
ທ່ານພົນຈັດຕະວາ Sao Sokvinda, ຫົວໜ້າກົມແຜນການ, ຄະນະກໍາມະການແຫ່ງຊາດຄວາມໝັ້ນຄົງການເດີນເຮືອກໍາປູເຈຍ ໃຫ້ສໍາພາດຕໍ່ນັກຂ່າວ. ພາບ: qdnd.vn |
ຕີລາຄາກ່ຽວກັບງານວາງສະແດງ, ທ່ານພົນຈັດຕະວາ Sao Sokvinda ໃຫ້ຂໍ້ສັງເກດວ່າ ຂ້າພະເຈົ້າ ຮູ້ສຶກປະທັບໃຈກ່ຽວກັບຂະໜາດ, ລະດັບຂອງເຫດການໂດຍກະຊວງປ້ອງກັນປະເທດຫວຽດນາມ ຈັດຕັ້ງ. ໃນເຫດການໄດ້ວາງສະແດງອາວຸດຍຸດໂທປະກອນທັນສະໄໝຫຼາຍປະເພດ. ອາວຸດການທະຫານໃໝ່ຫຼາຍປະເພດ ໂດຍແມ່ນຂະແໜງອຸດສາຫະກໍາປ້ອງກັນຊາດຫວຽດນາມ ພັດທະນາ, ຜະລິດເອງ, ເປັນຄັ້ງທໍາອິດທີ່ໄດ້ນຳມາວາງສະແດງຢູ່ໃນງານ. ທ່ານພົນຈັດຕະວາ Sao Sokvinda ສະແດງຄວາມປິຕິຊົມຊື່ນເມື່ອໄດ້ເຫັນປະຈັກຕາອາວຸດຍຸດໂທປະກອນທີ່ທັນສະໄໝນີ້.
ໂດຍ: ໄຊນີດາ