ດົນຕີເຊື່ອມຕໍ່ນໍ້າໃຈມິດຕະພາບ

ທ່ານພົນເອກ ຫງວຽນເຕິນເກືອງ, ກໍາມະການສູນກາງພັກ, ຄະນະປະຈໍາຄະນະພັກການທະຫານສູນກາງ, ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ແລະບັນດາສະຫາຍການນໍາກະຊວງປ້ອງກັນປະເທດ, ກົມໃຫຍ່ເສນາທິການກອງທັບປະຊາຊົນຫວຽດນາມ ທີ່ພິທີເປີດ. ພາບ: qdnd.vn

ງານພົບປະແລກປ່ຽນກອງແກ້ວົງກອງທັບປີ 2024 ໄດ້ດຳເນີນໄປຢູ່ຮ່າໂນ້ຍ ແຕ່ວັນທີ 19 ຫາວັນທີ 22 ທັນວາ, ໂດຍການເຂົ້າຮ່ວມຂອງກອງແກ້ວົງຂອງກອງທັບປະຊາຊົນຫວຽດນາມ, ຕໍາຫຼວດປະຊາຊົນ ພ້ອມກັບກອງແກ້ວົງຂອງກອງທັບບັນດາປະເທດ ລາວ, ກໍາປູເຈຍ, ຈີນ, ມາເລເຊຍ ແລະມຽນມາ.

ທ່ານພົນໂທ ຫງວຽນວັນເຫງັຍ ກ່າວຄຳເຫັນທີ່ພິທີເປີດ. ພາບ: qdnd.vn

ກ່າວຄຳເຫັນທີ່ພິທີເປີດ, ທ່ານພົນໂທ ຫງວຽນວັນເຫງັຍ ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຫົວໜ້າຄະນະຈັດຕັ້ງງານພົບປະແລກປ່ຽນໄດ້ເນັ້ນໜັກວ່າ ງານພົບປະແລກປ່ຽນກອງແກ້ວົງກອງທັບ ບໍ່ພຽງແຕ່ແມ່ນເວທີສະແດງສິລະປະ ເທົ່ານັ້ນ ຫາກຍັງແມ່ນໂອກາດເພື່ອຮັດແໜ້ນນ້ຳໃຈສາມັກຄີມິດຕະພາບລະຫວ່າງກຳລັງປະກອບອາວຸດ, ລະຫວ່າງບັນດາປະເທດຢູ່ພາກພື້ນ ແລະໃນທົ່ວໂລກ. ດົນຕີ ແລະການສະແດງດົນຕີຂອງກອງແກ້ວົງກອງທັບປະເທດຕ່າງໆແມ່ນສານແຫ່ງຄວາມຮັກແພງສັນຕິພາບ, ການຮ່ວມມື ແລະການພັດທະນາແບບຍືນຍົງ; ປະກອບສ່ວນເພີ່ມທະວີນໍ້າໃຈສາມັກຄີ, ມິດຕະພາບ, ການຮ່ວມມືໃນຂົງເຂດວັດທະນະທຳລະຫວ່າງກອງທັບປະຊາຊົນຫວຽດນາມ ກັບກອງທັບບັນດາປະເທດຢູ່ພາກພື້ນ ແລະໃນໂລກ. ນີ້ກໍ່ແມ່ນໂອກາດເພື່ອໃຫ້ບັນດາຜູ້ແທນມາຢ້ຽມຢາມ ແລະເຂົ້າໃຈກ່ຽວກັບປະເທດຊາດ, ຊາວຫວຽດນາມ ແລະມູນເຊື້ອຂອງກອງທັບປະຊາຊົນຫວຽດນາມ ວິລະຊົນ ຕື່ມອີກ.

ທີ່ພິທີເປີດ, ຜູ້ແທນ, ປະຊາຊົນ ແລະນັກທ່ອງທ່ຽວ ໄດ້ຮັບຊົມບັນດາການສະແດງລວມ ແລະລາຍການສະແດງຕ່າງຫາກຢູ່ເທິງເວທີ, ຂະບວນແຫ່ຕາມຖະໜົນ (ຫງວຽນຈີເຟືອງ, ດ້ຽນບຽນຝູ, ດົກເລິບ, ຮວ່າງວັນທູ້, ຮວ່າງຢ້ຽວ) ຂອງກອງແກ້ວົງກອງທັບປະເທດຕ່າງໆ.

ໂດຍ: ເຈິ່ນຮວ່ຽນ