    |
 |
|
ທ່ານພົນເອກ ຟານວັນຢາງ ແລະທ່ານພົນເອກ Tea Seiha ກວດແຖວກຽດຕິຍົດກອງທັບແຫ່ງລາຊະອານາຈັກກໍາປູເຈຍ. ພາບ: ທູຈາງ. |
ທ່ານພົນເອກ ຟານວັນຢາງ ສະແດງຄວາມປິຕິຊົມຊື່ນເມື່ອໄດ້ຢ້ຽມຢາມກໍາປູເຈຍ ຢ່າງເປັນທາງການ, ເຂົ້າຮ່ວມການພົບປະລະຫວ່າງ 3 ລັດຖະມົນຕີກະຊວງປ້ອງກັນປະເທດ ຫວຽດນາມ-ລາວ-ກໍາປູເຈຍ ແລະຊົມການຝຶກຊ້ອມກອບກູ້ໄພພິບັດຮ່ວມລະຫວ່າງກອງທັບ 3 ປະເທດ ຫວຽດນາມ-ລາວ-ກໍາປູເຈຍ; ເຊື່ອໝັ້ນວ່າ ບັນດາເຫດການນີ້ຈະປະສົບຜົນສໍາເລັດຢ່າງຈົບງາມ, ປະກອບສ່ວນສືບຕໍ່ເຮັດໃຫ້ການພົວພັນສາມັກຄີ, ສະໜິດຕິດພັນລະຫວ່າງ ສາມປະເທດ ເວົ້າລວມ, ເວົ້າສະເພາະແມ່ນກອງທັບສາມປະເທດ ເລິກເຊິ່ງຂຶ້ນຕື່ມ.
|
|
 |
|
ບັນຍາກາດການພົບປະວົງແຄບລະຫວ່າງທ່ານພົນເອກ ຟານວັນຢາງ ແລະທ່ານພົນເອກ Tea Seiha. ພາບ: ທູຈາງ. |
ທ່ານພົນເອກ ຟານວັນຢາງ ເນັ້ນໜັກວ່າ ຫວຽດນາມ ຍາມໃດກໍຖືເປັນສໍາຄັນ, ສະຫງວນບຸລິມະສິດແຖວໜ້າໃຫ້ແກ່ການປັບປຸງ ແລະພັດທະນາການພົວພັນບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຍືນຍົງຍາວນານກັບກໍາປູເຈຍ ຢ່າງບໍ່ຢຸດຢັ້ງ; ສະໜັບສະໜູນປະເທດ ກໍາປູເຈຍ ເອກະລາດ, ສັນຕິພາບ, ພັດທະນາວັດທະນາຖາວອນ ແລະນັບມື້ນັບສວມບົດບາດອັນໃຫຍ່ຫຼວງຂຶ້ນຕື່ມໃນເວທີສາກົນ.
|
|
 |
|
ທ່ານພົນເອກ ຟານວັນຢາງ ແລະທ່ານພົນເອກ Tea Seiha ທີ່ການພົບປະສອງຝ່າຍ. ພາບ: ທູຈາງ. |
ສ່ວນທ່ານພົນເອກ Tea Seiha ສະແດງຄວາມຍິນດີຕ້ອນຮັບທ່ານພົນເອກ ຟານວັນຢາງ ທີ່ດຳເນີນການຢ້ຽມຢາມກໍາປູເຈຍ ຢ່າງເປັນທາງການ, ເຂົ້າຮ່ວມການພົບປະລະຫວ່າງ 3 ລັດຖະມົນຕີກະຊວງປ້ອງກັນປະເທດ ຫວຽດນາມ-ລາວ-ກໍາປູເຈຍ ແລະຊົມການຝຶກຊ້ອມກອບກູ້ໄພພິບັດຮ່ວມລະຫວ່າງກອງທັບ 3 ປະເທດ ຫວຽດນາມ-ລາວ-ກໍາປູເຈຍ. ທ່ານພົນເອກ Tea Seiha ຂອບໃຈກອງທັບປະຊາຊົນຫວຽດນາມ ທີ່ໄດ້ໜູນຊ່ວຍກໍ່ສ້າງກອງທັບແຫ່ງລາຊະອານາຈັກ ກໍາປູເຈຍ ພັດທະນາຄືໃນປັດຈຸບັນ; ຢັ້ງຢືນວ່າ ຈະສືບຕໍ່ສືບທອດ, ເສີມຂະຫຍາຍບັນດາໝາກຜົນທີ່ການນໍາຮຸ່ນກ່ອນ ໄດ້ເພີ່ມພູນຄູນສ້າງໃຫ້ແກ່ການພົວພັນລະຫວ່າງສອງປະເທດ, ສອງກອງທັບ.
|
|
 |
|
ທ່ານພົນເອກ ຟານວັນຢາງ ກ່າວຄໍາເຫັນທີ່ການພົບປະສອງຝ່າຍ. ພາບ: ທູຈາງ. |
ທີ່ການພົບປະສອງຝ່າຍ, ທ່ານພົນເອກ ຟານວັນຢາງ ແລະທ່ານພົນເອກ Tea Seiha ສະແດງຄວາມປິຕິຊົມຊື່ນເມື່ອເຫັນວ່າ ການພົວພັນດ້ານປ້ອງກັນຊາດສອງຝ່າຍ ນັບມື້ນັບພັດທະນາອັນດີງາມ. ບັນດາຂົງເຂດໃນອະນຸສັນຍາວ່າດ້ວຍການຮ່ວມມືດ້ານປ້ອງກັນຊາດ ໄລຍະ 2020-2024 ໄດ້ຜັນຂະຫຍາຍ ຢ່າງມີປະສິດທິຜົນ. ການແລກປ່ຽນຄະນະຜູ້ແທນທຸກຂັ້ນ, ໂດຍສະເພາະແມ່ນ ຂັ້ນສູງ ໄດ້ຖືເປັນສໍາຄັນ; ບັນດາຮູບການ, ກົນໄກຮ່ວມມືນັບມື້ນັບອຸດົມສົມບູນຂຶ້ນກວ່າເກົ່າ, ມີປະສິດທິຜົນແທດຈິງກວ່າ. ການຮ່ວມມືຄຸ້ມຄອງ, ປົກປັກຮັກສາຊາຍແດນທາງບົກ, ໃນທະເລຢ່າງມີປະສິດທິຜົນ, ປະກອບສ່ວນສໍາຄັນເຂົ້າໃນການປັບປຸງປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍຢູ່ເຂດຊາຍແດນສອງປະເທດ. ການຮ່ວມມືກໍ່ສ້າງ, ຊອກຄົ້ນ, ທ້ອນໂຮມ, ຈັດສົ່ງອັດຖິທະຫານອາສາສະໝັກ ແລະຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ກໍາປູເຈຍ ກັບຄືນປະ ເທດ... ສືບຕໍ່ໄດ້ຮັບການຊຸກຍູ້ ແລະບັນລຸໝາກຜົນແທດຈິງຫຼາຍຢ່າງ. ສອງຝ່າຍໄດ້ສົມທົບກັນຢ່າງແໜ້ນແຟ້ນ, ສະໜັບສະໜູນເຊິ່ງກັນແລະກັນທີ່ເວທີປາໄສຫຼາຍຝ່າຍ ແລະບັນດາເຫດການສາກົນ ໂດຍແຕ່ລະຝ່າຍ ຈັດຕັ້ງ, ໂດຍສະເພາະແມ່ນໃນປີປະທານອາຊຽນ 2020 ຂອງຫວຽດນາມ ແລະປີປະທານອາຊຽນ 2022 ຂອງກໍາປູເຈຍ.
|
|
 |
|
ທ່ານພົນເອກ ຟານວັນຢາງ ແລະທ່ານພົນເອກ Tea Seiha ທີ່ພິທີລົງນາມ. ພາບ: ທູຈາງ. |
|
|
 |
|
ທ່ານພົນເອກ ຟານວັນຢາງ ແລະທ່ານພົນເອກ Tea Seiha. ພາບ: ທູຈາງ. |
ໃນໄລຍະຈະມາເຖິງ, ສອງຝ່າຍເຫັນດີເປັນເອກະພາບນໍາການຮ່ວມມືດ້ານປ້ອງກັນຊາດສອງຝ່າຍ ໃຫ້ນັບມື້ນັບເຂົ້າສູ່ລວງເລິກ, ມີປະສິດທິຜົນ, ແທດຈິງ, ສືບຕໍ່ປັບປຸງຖານະບົດບາດ, ທີ່ຕັ້ງແມ່ນໜຶ່ງໃນບັນດາເສົາຄໍ້າສໍາຄັນໃນການພົວພັນ ຫວຽດນາມ-ກໍາປູເຈຍ. ໃນນັ້ນສຸມໃສ່ເຂົ້າໃນບັນດາຂົງເຂດ: ຮັກສາການພົບປະຂັ້ນສູງ ແລະບັນດາກົນໄກຮ່ວມມືທີ່ມີໃນປັດຈຸບັນ; ເພີ່ມທະວີການຮ່ວມມືໃນຂົງເຂດການເມືອງ, ແນວຄິດ, ຍູ້ແຮງການໂຄສະນາເຜີບແຜ່, ສຶກສາອົບຮົມກ່ຽວກັບປະຫວັດສາດ, ຄວາມໝາຍ, ຄວາມສໍາຄັນຂອງການພົວພັນສາມັກຄີ ຫວຽດນາມ-ກໍາປູເຈຍ; ເພີ່ມທະວີການຮ່ວມມືຄຸ້ມຄອງ, ປົກປັກຮັກສາຊາຍແດນທາງບົກ, ໃນທະເລ; ແບ່ງປັນຂໍ້ມູນຂ່າວສານ, ສະພາບການ, ເພີ່ມທະວີການລາດຕະເວນຮ່ວມເປັນປົກກະຕິ, ຄົ້ນພົບຢ່າງທັນການ ແລະສົມທົບກັນແກ້ໄຂບັນຫາທີ່ເກີດຂຶຶ້ນຈາກຮາກຖານ ຢ່າງມີປະສິດທິຜົນ, ຕໍ່ສູ້ກັບອາດຊະຍາກໍາຂ້າມຊາຍແດນປະເພດຕ່າງໆຢ່າງມີປະສິດທິຜົນ; ສ້າງເງື່ອນໄຂສະດວກໃຫ້ແກ່ປະຊາຊົນທີ່ຢູ່ສອງ ຟາກຊາຍແດນ ແລະຊາວປະມົງ ພັດທະນາເສດຖະກິດ; ຍົກສູງປະສິດທິຜົນ, ຄຸນນະພາບການກໍ່ສ້າງຊັບພະຍາກອນມະນຸດ; ສືບຕໍ່ສະໜັບສະໜູນເຊິ່ງກັນ ແລະກັນໃນບັນດາບັນຫາສາກົນ, ພາກພື້ນ, ປະກອບສ່ວນສໍາຄັນເຂົ້າໃນ ຄວາມສາມັກຄີ ແລະບົດບາດໃຈກາງຂອງອາຊຽນ...
ສິ້ນສຸດການພົບປະສອງຝ່າຍ, ທ່ານພົນເອກ ຟານວັນຢາງ ແລະທ່ານພົນເອກ Tea Seiha ໄດ້ເຊັນອະນຸສັນຍາວ່າດ້ວຍການຮ່ວມມືດ້ານປ້ອງກັນຊາດ ໄລຍະ 2025-2029 ແລະແຜນການຮ່ວມມື ປີ 2025 ລະຫວ່າງສອງກະຊວງປ້ອງກັນປະເທດ.
|
|
 |
|
ທ່ານພົນເອກ ຟານວັນຢາງ ແລະຄະນະຜູ້ແທນຂັ້ນສູງກະຊວງປ້ອງກັນປະເທດຫວຽດນາມ ຖະຫວາຍທູບທຽນ, ວາງພວງມາລາຢູ່ອະນຸສາວະລີມິດຕະພາບຫວຽດນາມ-ກໍາປູເຈຍ ຢູ່ນະຄອນຫຼວງພະນົມເປັນ. ພາບ: ທູຈາງ. |
ກ່ອນໜ້ານັ້ນ, ຕອນເຊົ້າວັນດຽວກັນ, ທ່ານພົນເອກ ຟານວັນຢາງ ແລະຄະນະຜູ້ແທນຂັ້ນສູງກະຊວງປ້ອງກັນປະເທດຫວຽດນາມ ໄດ້ໄປຖະຫວາຍທູບທຽນ, ວາງພວງມາລາ ຢູ່ອະນຸສາວະລີມິດຕະພາບ ຫວຽດນາມ-ກໍາປູເຈຍ ຢູ່ນະຄອນຫຼວງພະນົມເປັນ.
ໂດຍ: ໄຊຊະນະ