ຫວຽດນາມ ມີພື້ນຖານນິຕິກຳ ແລະຫຼັກຖານປະຫວັດສາດຢ່າງຄົບຖ້ວນ ເພື່ອຢັ້ງຢືນອະທິປະໄຕ ສໍາລັບໝູ່ເກາະຮວ່າງຊາ ແລະເຈື່ອງຊາ
ກປ.ອອນໄລ - ວັນທີ 21 ພະຈິກ, ທີ່ກອງປະຊຸມຂ່າວນັດສາມັນ ຂອງກະຊວງການຕ່າງປະເທດ, ເມື່ອຕອບຄໍາຖາມຂອງນັກຂ່າວທີ່ສະເໜີໃຫ້ຮູ້ປະຕິກິລິຍາຂອງຫວຽດນາມ ຕໍ່ເລື່ອງ ທ່ານປະທານາທິບໍດີຟີລິບປິນ ເຊັນປະກາດໃຊ້ກົດໝາຍວ່າດ້ວຍບັນດາເຂດທະເລ, ກົດໝາຍວ່າດ້ວຍເສັ້ນທາງເດີນທະເລເຂດນ່ານນໍ້າໝູ່ເກາະຂອງຟີລິບປິນ ແລະເລື່ອງຈີນ ປະກາດ “ແຈ້ງການຊື່ເອີ້ນມາດຕະຖານບັນດາໝູ່ເກາະ, ດອນພາກສ່ວນໜຶ່ງຂອງຈີນ” ຢູ່ທະເລຕາເວັນອອກ ລວມມີ 64 ໂຄງສ້າງ, ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດຫວຽດນາມ ຊີ້ແຈ້ງວ່າ:
    |
 |
|
ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດຫວຽດນາມ. ພາບ: ໜັງສືພິມເອເລັກໂຕນິກພັກກອມມູນິດ. |
ດັ່ງທີ່ໄດ້ຢັ້ງຢືນມາເປັນຫຼາຍຄັ້ງແລ້ວວ່າ, ຫວຽດນາມ ມີພື້ນຖານນິຕິກຳ ແລະຫຼັກຖານປະຫວັດສາດຢ່າງຄົບຖ້ວນ ເພື່ອຢັ້ງຢືນອະທິປະໄຕຂອງຫວຽດນາມ ສຳລັບໝູ່ເກາະຮວ່າງຊາ ແລະໝູ່ເກາະ ເຈື່ອງຊາ ແມ່ນສອດຄ່ອງກັບກົດໝາຍສາກົນ ກໍຄືອະທິປະໄຕ, ສິດອະທິປະໄຕ ແລະອໍານາດສານສໍາລັບບັນດາເຂດທະເລ ທີ່ໄດ້ກຳນົດສອດຄ່ອງກັບສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລ (UNCLOS) ປີ 1982.
ຫວຽດນາມ ເຄົາລົບສິດຂອງບັນດາປະເທດແຄມທະເລໃນການປະກາດໃຊ້ກົດໝາຍພາຍໃນ ແລະບັນດາຂໍ້ກໍານົດທີ່ກ່ຽວຂ້ອງເຖິງທະເລທີ່ສອດຄ່ອງກັບ UNCLOS 1982. ພ້ອມດຽວກັນນັ້ນ, ຫວຽດນາມ ກໍສະເໜີໃຫ້ບັນດາ ປະເທດອື່ນເຄົາລົບອະທິປະໄຕອັນຄົບຖ້ວນຂອງຫວຽດນາມ ສໍາລັບໝູ່ເກາະເຈື່ອງຊາ ແລະບັນດາສິດຂອງຫວຽດນາມ ສໍາລັບບັນດາເຂດທະເລຂອງຫວຽດນາມ ທີ່ໄດ້ກໍານົດສອດຄ່ອງກັບ UNCLOS 1982. ຫວຽດນາມ ເດັດດ່ຽວ, ຢຶດໝັ້ນປະຕິບັດມາດຕະການຕ່າງໆທີ່ສອດຄ່ອງກັບກົດໝາຍສາກົນ, ໃນນັ້ນມີ UNCLOS 1982, ເພື່ອປະຕິບັດອະທິປະໄຕສໍາລັບໝູ່ເກາະ ເຈື່ອງຊາ ຂອງຫວຽດນາມ; ອະທິປະໄຕ, ສິດອະທິປະໄຕ, ອໍານາດສານ ແລະຜົນປະໂຫຍດອັນຊອບທໍາໃນບັນດາເຂດທະເລຂອງຕົນ. ຫວຽດນາມ ພ້ອມແລ້ວທີ່ຈະພ້ອມກັບບັນດາຝ່າຍແກ້ໄຂການຂັດແຍ້ງ, ຄວາມບໍ່ລົງລອຍກັນໂດຍສັນຕິວິທີ, ສອດຄ່ອງກັບກົດໝາຍສາກົນ, ພິເສດແມ່ນ UNCLOS 1982.
ໂດຍ: ໄຊຊະນະ