ສ້າງແຫຼ່ງຄູຝຶກຕໍາຫຼວດຮັກສາສັນຕິພາບສະຫະປະຊາຊາດ

ຊຸດຝຶກອົບຮົມມີນັກສໍາມະນາກອນເຂົ້າຮ່ວມ 18 ຄົນ, ນອກຈາກນັກສໍາມະນາກອນຫວຽດນາມ ແລ້ວ, ຍັງມີນັກສໍາມະນາກອນມາຈາກ ກຳປູເຈຍ, ອິນໂດເນເຊຍ, ເນປານ, ສີລັງກາ. 3 ຫົວຂໍ້ທີ່ກ່ຽວຂ້ອງເຖິງຕຳຫຼວດຮັກສາສັນຕິພາບ ສປຊ ທີ່ໄດ້ນຳມາສິດສອນໃນຊຸດຝຶກອົບຮົມຄັ້ງນີ້ ລວມມີ: ການຄຸ້ມຄອງຄວາມເປັນລະບຽບຮຽບຮ້ອຍ; ການກໍ່ສ້າງ ແລະພັດທະນາກຳລັງຕຳຫຼວດ ແລະຕິດຕາມກວດກາ, ຊີ້ນຳ, ໃຫ້ຄຳປຶກສາ.

ມອບໃບຢັ້ງຢືນໃຫ້ນັກສຳມະນາກອນ ພາຍຫຼັງສຳເລັດການຝຶກອົບຮົມ. ພາບ: qdnd.vn

ນັບແຕ່ປີ 2022 ມາຮອດປະຈຸບັນ, ກະຊວງຕໍາຫຼວດ ໄດ້ສົ່ງ 4 ໜ່ວຍປະຕິບັດງານໄປເຂົ້າຮ່ວມການເຄື່ອນໄຫວຮັກສາສັນຕິພາບ ທີ່ຄະນະປະຕິບັດງານ ຊູດັງໃຕ້, ຄະນະປະຕິບັດງານປ້ອງກັນຄວາມສະຫງົບຊົ່ວຄາວ ສປຊ ຢູ່ເຂດ Abyei ແລະນາຍຕຳຫຼວດໜຶ່ງຄົນ ເຮັດວຽກຢູ່ຫ້ອງການຕຳຫຼວດ, ກົມເຄື່ອນໄຫວສັນຕິພາບຢູ່ສໍານັກງານຂອງສະຫະປະຊາຊາດ (ນິວຢອກ, ສະຫະລັດອາເມລິກາ) ຕາມຮູບການບຸກຄົນ. ຄຽງຄູ່ກັບການຜັນຂະຫຍາຍນາຍຕໍາຫຼວດສ່ວນບຸກຄົນ, ກະຊວງຕຳຫຼວດຫວຽດນາມ ໃຫ້ຄຳໝັ້ນສັນຍາຜັນຂະຫຍາຍກອງຕຳຫຼວດ (FPU) ເພື່ອແນໃສ່ໜູນຊ່ວຍການເຄື່ອນໄຫວຮັກສາສັນຕິພາບຂອງ ສປຊ ແລະວາງເປົ້າໝາຍຍົກລະດັບຄວາມພ້ອມໃນການຜັນຂະຫຍາຍຂຶ້ນລະດັບ 3 ຂອງ ສປຊ ຈາກລະດັບ 2 ໃນປະຈຸບັນ.

ຊຸດຝຶກອົບຮົມສ້າງແຫຼ່ງຄູຝຶກຕຳຫຼວດຮັກສາສັນຕິພາບ ສປຊ ໃນຄັ້ງນີ້ ແມ່ນແນໃສ່ເພີ່ມທະວີຖັນແຖວຄູຝຶກທີ່ໄດ້ຮັບການຢັ້ງຢືນຈາກ ສປຊ; ສ້າງກຸ່ມຄູຝຶກເພື່ອເຂົ້າຮ່ວມການເຄື່ອນໄຫວຝຶກບຳລຸງກໍ່ສ້າງຕໍາຫຼວດຮັກສາສັນຕິພາບໃນທົ່ວໂລກ ແລະເພື່ອໃຫ້ປະເທດສະມາຊິກສາມາດຈັດການຝຶກອົບຮົມລະດັບຊາດທີ່ຄ້າຍຄືກັນນີ້ດ້ວຍຕົນເອງ.

ໂດຍ: ຈາງຫງວຽນ