ເຂົ້າຮ່ວມພິທີ ມີບັນດາສະຫາຍ: ພັນເອກ ພັນສີ ຊ່ອນມີໄຊ, ຫົວໜ້າການເມືອງກອງບັນຊາການທະຫານແຂວງຫົວພັນ, ຫົວໜ້າຄະນະ; ພັນເອກພິເສດ ຫງວຽນຈ້ອງຍີ້ ຮອງຫົວໜ້າການທະຫານ, ຫົວໜ້າເສນາທິການກອງບັນຊາການທະຫານແຂວງແທັງຮວ໊າ.
    |
 |
|
ທ່ານພັນເອກ ພັນສີ ຊ່ອນມີໄຊ ປະດັບຫຼຽນໄຊພິລະອາດຫານຊັ້ນ II ຂອງກະຊວງປ້ອງກັນປະເທດ ລາວ ໃສ່ທຸງໄຊກອງບັນຊາການທະຫານແຂວງແທັງຮວ໊າ. ພາບ: qdnd.vn |
|
|
 |
|
ທ່ານພັນເອກ ພັນສີ ຊ່ອນມີໄຊ ມອບຫຼຽນໄຊພິລະອາດຫານຊັ້ນ II ຂອງກະຊວງປ້ອງກັນປະເທດ ລາວ ໃຫ້ກອງບັນຊາການທະຫານແຂວງ ແທັງຮວ໊າ. ພາບ: qdnd.vn |
ທີ່ພິທີ, ໂດຍໄດ້ຮັບການມອບສິດຈາກລັດຖະມົນຕີກະຊວງປ້ອງກັນປະເທດ ລາວ, ທ່ານພັນເອກ ພັນສີ ຊ່ອນມີໄຊ ຫົວໜ້າການເມືອງກອງບັນຊາການທະຫານແຂວງຫົວພັນ ໄດ້ຂຶ້ນຜ່ານຂໍ້ຕົກລົງ ແລະປະດັບຫຼຽນໄຊພິລະອາດຫານ ຊັ້ນ II ຂອງກະຊວງປ້ອງກັນປະເທດລາວ ໃຫ້ກອງບັນຊາການທະຫານແຂວງແທັງຮວ໊າ. ນີ້ແມ່ນຫຼັກຖານພະຍານທີ່ສະແດງໃຫ້ເຫັນນ້ຳໃຈສາມັກຄີອ້າຍນ້ອງ, ຄວາມສະໜິດຕິດພັນສັດຊື່ບໍລິສຸດຜ່ອງໃສລະຫວ່າງສອງພັກ, ສອງລັດ, ປະຊາຊົນ ແລະກອງທັບສອງປະເທດ ຫວຽດນາມ-ລາວ ເວົ້າລວມ, ເວົ້າສະເພາະແມ່ນກອງບັນຊາການທະຫານແຂວງ ແທັງຮວ໊າ ແລະຫົວພັນ.
|
|
 |
|
ບັນຍາກາດທີ່ພິທີ. ພາບ: qdnd.vn |
|
|
 |
|
ຜູ້ແທນເຂົ້າຮ່ວມພິທີ. ພາບ: qdnd.vn |
ກ່າວຄໍາເຫັນທີ່ພິທີ, ການນໍາກອງບັນຊາການທະຫານແຂວງແທັງຮວ໊າ ໄດ້ສະແດງຄວາມຂອບອົກຂອບໃຈອັນເລິກເຊິ່ງມາຍັງບັນດາສະຫາຍການນໍາພັກ, ລັດ, ສະພາແຫ່ງຊາດ, ລັດຖະບານ, ກະຊວງປ້ອງກັນປະເທດ ແລະປະຊາຊົນລາວ ອ້າຍນ້ອງທຸກຖ້ວນໜ້າ ເວົ້າລວມ; ເວົ້າສະເພາະແມ່ນການນໍາພັກ, ອໍານາດການປົກຄອງ, ປະຊາຊົນ ແລະກອງບັນຊາການທະຫານແຂວງຫົວພັນ.
ໃນຊຸມປີຜ່ານມາ, ພາຍໃຕ້ການນໍາພາຂອງສອງພັກ, ສອງລັດ ແລະຄະນະພັກ, ອໍານາດການປົກຄອງສອງແຂວງ ແທັງຮວ໊າ ແລະຫົວພັນ, ວຽກງານສົມທົບກັນປະຕິບັດໜ້າທີ່ການທະຫານ, ການປ້ອງກັນຊາດລະຫວ່າງສອງແຂວງ ນັບມື້ນັບພັດທະນາຮອບດ້ານຢ່າງບໍ່ຢຸດຢັ້ງ, ນັບມື້ນັບເຂົ້າສູ່ລວງເລິກ, ບັນລຸໄດ້ໝາກຜົນພົ້ນເດັ່ນຫຼາຍຢ່າງ. ກອງບັນຊາການທະຫານສອງແຂວງ ໄດ້ຮັກສາເປັນຢ່າງດີວຽກງານແລກປ່ຽນສະພາບການ, ສົມທົບກັບກໍາລັງປ້ອງກັນຄວາມສະຫງົບ, ທະຫານຊາຍແດນ ເປັນເສນາທິການໃຫ້ຄະນະພັກ, ອໍານາດການປົກຄອງ ປະຕິບັດວຽກງານໂຄສະນາໃຫ້ແກ່ປະຊາຊົນສອງແຂວງ ກ່ຽວກັບການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງສອງພັກ, ສອງລັດ ແລະສອງແຂວງ, ບັນດາຂໍ້ກໍານົດ, ກົດລະບຽບຊາຍແດນທີ່ສອງປະເທດ ໄດ້ລົງນາມເປັນຢ່າງດີ. ການນໍາກອງບັນຊາການທະຫານແຂວງແທັງຮວ໊າ ຫວັງວ່າ ໃນໄລຍະຈະມາເຖິງ, ກອງບັນຊາການທະຫານແຂວງຫົວພັນ ແລະກອງບັນຊາການທະຫານແຂວງແທັງຮວ໊າ ຈະສືບຕໍ່ເພີ່ມທະວີການເຄື່ອນໄຫວພົວພັນຕ່າງປະເທດດ້ານການທະຫານ, ການປ້ອງກັນຊາດ, ປະກອບສ່ວນເພີ່ມພູນຄູູນສ້າງນໍ້າໃຈມິດຕະພາບ ຫວຽດນາມ-ລາວ “ໃຫ້ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ”.
* ຕອນບ່າຍວັນດຽວກັນ, ກອງບັນຊາການທະຫານຊາຍແດນແຂວງ ແທັງຮວ໊າ ໄດ້ຈັດພິທີປະດັບຫຼຽນໄຊພິລະອາດຫານຊັ້ນ II ຂອງກະຊວງປ້ອງກັນປະເທດ ລາວ ມອບໃຫ້.
ເຂົ້າຮ່ວມພິທີ ມີບັນດາສະຫາຍ: ພັນເອກ ພັນສີ ຊ່ອນມີໄຊ, ຫົວໜ້າການເມືອງກອງບັນຊາການທະຫານແຂວງຫົວພັນ; ພັນເອກພິເສດ ຫງວຽນວັນຖຸຍ ຮອງຫົວໜ້າກົມພະລາທິການ-ເຕັກນິກ ກອງບັນຊາການທະຫານຊາຍແດນ; ພັນເອກພິເສດ ໂດ໋ຫງອັກວິ້ງ ຫົວໜ້າການທະຫານກອງບັນຊາການທະຫານຊາຍແດນແຂວງ; ພັນເອກພິເສດ ຮວ່າງວັນຮຸ່ງ ເລຂາຄະນະພັກ, ຫົວໜ້າການເມືອງກອງບັນຊາການທະຫານຊາຍແດນແຂວງແທັງຮວ໊າ.
|
|
 |
|
ທ່ານພັນເອກ ພັນສີ ຊ່ອນມີໄຊ ປະດັບຫຼຽນໄຊພິລະອາດຫານຊັ້ນ II ຂອງ ກະຊວງປ້ອງກັນປະເທດ ລາວ ໃຫ້ກອງບັນຊາການທະຫານຊາຍແດນແຂວງ ແທັງຮວ໊າ. ພາບ: qdnd.vn |
ທີ່ພິທີ, ໂດຍໄດ້ຮັບການມອບສິດຈາກລັດຖະມົນຕີກະຊວງປ້ອງກັນປະເທດ ລາວ, ທ່ານພັນເອກ ພັນສີ ຊ່ອນມີໄຊ ໄດ້ຂຶ້ນຜ່ານຂໍ້ຕົກລົງ ແລະປະດັບຫຼຽນ ໄຊພິລະອາດຫານ ຊັ້ນ II ຂອງກະຊວງປ້ອງກັນປະເທດລາວ ໃຫ້ກອງບັນຊາ ການທະຫານຊາຍແດນແຂວງແທັງຮວ໊າ. ນີ້ແມ່ນຫຼັກຖານພະຍານທີ່ ສະ ແດງໃຫ້ເຫັນນ້ຳໃຈສາມັກຄີ, ຄວາມສະໜິດຕິດພັນສັດຊື່ບໍລິສຸດລະຫວ່າງ ສອງພັກ, ສອງລັດ, ປະຊາຊົນ ແລະກອງທັບສອງປະເທດ ຫວຽດນາມ-ລາວ ເວົ້າລວມ ເວົ້າສະເພາະແມ່ນກອງບັນຊາການທະຫານຊາຍແດນແຂວງ ແທັງຮວ໊າ ແລະກອງບັນຊາການທະຫານແຂວງຫົວພັນ.
ໃນຊຸມປີຜ່ານມາ, ພາຍໃຕ້ການນໍາພາຂອງສອງພັກ, ສອງລັດ ແລະຄະນະພັກ, ອໍານາດການປົກຄອງສອງແຂວງ ແທັງຮວ໊າ ແລະຫົວພັນ, ກໍາລັງກອງບັນຊາການທະຫານຊາຍແດນແຂວງແທັງຮວ໊າ ແລະກອງບັນຊາການທະຫານແຂວງຫົວພັນ ໄດ້ພັດທະນາຮອບດ້ານຢ່າງບໍ່ຢຸດຢັ້ງ
ນັບມື້ນັບເຂົ້າສູ່ລວງເລິກ, ບັນລຸໝາກຜົນໃນຫຼາຍຂົງເຂດ, ຄື: ການຄຸ້ມຄອງ, ປົກປັກຮັກສາຊາຍແດນ; ແຮກສ່ຽວດ່ານ, ປ້ອມຊາຍແດນ, ກໍ່ສ້າງກຸ່ມບ້ານຊາຍແດນ, ຊ່ວຍເຫຼືອຫຼ້າ; ຕໍ່ສູ້ສະກັດກັ້ນ ແລະຕ້ານອາດຊະຍາກໍາຂ້າມຊາຍແດນ, ເຂົ້າອອກເມືອງຜິດກົດໝາຍ; ສະກັດກັ້ນການອົບພະຍົບເສລີ; ຊອກຫາ, ທ້ອນໂຮມ ແລະຈັດສົ່ງອັດຖິທະຫານອາສາສະໝັກ ແລະຊ່ຽວຊານ ທີ່ເສຍສະຫຼະຊີວິດໃນປາງສົງຄາມຢູ່ລາວ ກັບຄືນປະເທດ.
ໂດຍ: ໄຊຊະນະ