ສະຫາຍ ຫງວຽນຈ້ອງເຫງ້ຍ ສົ່ງພອນໄຊອັນປະເສີດທີ່ສຸດມາຍັງຄູອາຈານ, ພະນັກງານຄຸ້ມຄອງການສຶກສາລຸ້ນຕ່າງໆ ຂອງວິທະຍາຄານເຕັກນິກການທະຫານ; ຍ້ອງຍໍຊົມເຊີຍຜົນງານດີເດັ່ນຂອງພະນັກງານ, ຄູອາຈານ, ນັກສຶກສາ, ພະນັກງານ, ນັກຮົບຂອງວິທະຍາຄານ ໃນໄລຍະຜ່ານມາ, ເປັນຕົ້ນແມ່ນໃນວຽກງານອົບຮົມຫັດແອບ, ສຶກສາ-ບຳລຸງກໍ່ສ້າງ, ຄົ້ນຄວ້າວິທະຍາສາດ; ຮຽກຮ້ອງໃຫ້ຄະນະພັກ, ຄະນະອໍານວຍການວິທະຍາຄານ ສືບຕໍ່ປະຕິບັດທັດສະນະ, ເປົ້າໝາຍ, ໜ້າທີ່, ມາດຕະການປ່ຽນແປງໃໝ່ການສຶກສາ-ບໍາລຸງກໍ່ສ້າງໂດຍພື້ນຖານ ແລະຮອບດ້ານ, ພັດທະນາວິທະຍາສາດ ແລະເຕັກໂນໂລຢີ; ພັດທະນາອຸດສາຫະກຳປ້ອງກັນຊາດ; ກໍ່ສ້າງ ແລະເສີມຂະຫຍາຍບົດບາດຂອງຖັນແຖວປັນຍາຊົນ, ຕອບສະໜອງຄວາມຮຽກຮ້ອງຕ້ອງການກໍ່ສ້າງ ແລະ ຫັນກອງທັບເປັນທັນສະໄໝ ແລະພັດທະນາປະເທດຊາດໃນໄລຍະໃໝ່.
    |
 |
|
ສະຫາຍ ຫງວຽນຈ້ອງເຫງ້ຍ ຢ້ຽມຊົມຮູບຈຳລອງ, ອຸປະກອນການຮຽນຂອງວິທະຍາຄານເຕັກນິກການທະຫານ. ພາບ: qdnd.vn |
* ວັນທີ 18 ພະຈິກ, ກ່າວຄໍາເຫັນຊົມເຊີຍວິທະຍາຄານພະລາທິການ ເນື່ອງໃນໂອກາດສະເຫຼີມສະຫຼອງ 42 ປີແຫ່ງວັນຄູຫວຽດນາມ, ທ່ານພົນໂທ ເລຮຸຍວິ້ງ, ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ ໄດ້ຮັບຮູ້ ແລະຍ້ອງຍໍຊົມເຊີຍບັນດາຜົນງານພົ້ນເດັ່ນຂອງພະນັກງານ, ຄູອາຈານ, ນັກສຶກສາ, ພະນັກງານ, ນັກຮົບວິທະຍາຄານ ທີ່ບັນລຸໄດ້ໃນໄລຍະຜ່ານມາ. ທ່ານຮອງລັດຖະມົນຕີກະຊວງປ້ອງກັນປະເທດ ໃສ່ໃຈວ່າ: ຄະນະພັກ, ຄະນະອໍານວຍການວິທະຍາຄານ ຕ້ອງເອົາໃຈໃສ່ຫຼາຍກວ່າອີກເຖິງວຽກງານບໍາລຸງສ້າງ, ຍົກສູງຄຸນນະພາບຖັນແຖວພະນັກງານ, ຄູອາຈານ, ສ້າງສະພາບແວດລ້ອມທີ່ສະດວກເພື່ອໃຫ້ຖັນແຖວນີ້ ປະຕິບັດສຳເລັດໜ້າທີ່ສຶກສາ-ກໍ່ສ້າງ, ຄົ້ນຄວ້າວິທະຍາສາດ; ເອົາໃຈໃສ່ຄົ້ນຄວ້າຮັບປະກັນພະລາທິການ ໃນສົງຄາມທັນສະໄໝ; ເພີ່ມເວລາການຝຶກແອບຝຶກຫັດ ໃຫ້ແກ່ນັກສຶກສາ; ຍູ້ແຮງການຫັນເປັນດິີຈີຕອນ...
|
|
 |
|
ທ່ານພົນໂທ ເລຮຸຍວິ້ງ ພ້ອມດ້ວຍບັນດາຜູ້ແທນ ອວຍພອນວິທະຍາຄານພະລາທິການ ເນື່ອງໃນໂອກາດສະເຫຼີມສະຫຼອງ 42 ປີແຫ່ງວັນຄູຫວຽດນາມ. ພາບ: qdnd.vn |
* ວັນທີ 18 ພະຈິກ, ທ່ານພົນໂທ ຫງວຽນວັນເຫງ້ຍ, ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ ໄດ້ໄປຢ້ຽມຢາມ ແລະອວຍພອນວິທະຍາຄານການແພດກອງທັບ ເນື່ອງໃນໂອກາດສະເຫຼີມສະຫຼອງ 42 ປີແຫ່ງວັນຄູຫວຽດນາມ.
|
|
 |
|
ທ່ານພົນໂທ ຫງວຽນວັນເຫງ້ຍ ມອບຊໍ່ດອກໄມ້ ໃຫ້ວິທະຍາຄານການແພດ ເນື່ອງໃນໂອກາດ 42 ປີແຫ່ງວັນຄູຫວຽດນາມ. ພາບ: qdnd.vn |
ທ່ານພົນໂທ ຫງວຽນຈ້ອງເຫງ້ຍ ຮຽກຮ້ອງໃຫ້ວິທະຍາຄານການແພດກອງທັບ ຊາບຊຶມ ແລະຜັນຂະຫຍາຍການປະຕິບັດຄໍາສັ່ງ, ມະຕິ, ຂໍ້ສະຫຼຸບຂອງພັກ, ລັດ, ຄະນະພັກການທະຫານສູນກາງ ແລະກະຊວງປ້ອງກັນປະເທດ ກ່ຽວກັບວຽກງານສຶກສາ-ບຳລຸງກໍ່ສ້າງ, ຄົ້ນຄວ້າວິທະຍາສາດ; ປາດຖະໜາວ່າ ຖັນແຖວພະນັກງານ, ຄູອາຈານ, ພາລະກອນ, ນັກສຶກສາຂອງວິທະຍາຄານການແພດກອງທັບ ຍາມໃດກໍ່ເຊີດຊູຄວາມຮັບຜິດຊອບ, ສາມັກຄີ, ມີຫົວຄິດປະດິດສ້າງ, ເປັນເຈົ້າການແກ້ໄຂຄວາມຫຍຸ້ງຍາກ, ຮັບປະກັນໃຫ້ວິທະຍາຄານການແພດກອງທັບ ປ່ຽນແປງໃໝ່ປະດິດສ້າງຢ່າງບໍ່ຢຸດຢັ້ງ, ພັດທະນາຢ່າງເຂັ້ມແຂງ, ປະຕິບັດສໍາເລັດທຸກໜ້າທີ່ທີ່ໄດ້ຮັບມອບໝາຍ.
* ຕອນເຊົ້າວັນທີ 18 ພະຈິກ, ທ່ານພົນຕີ ຫງວຽນວັນດຶກ, ຫົວໜ້າກົມໂຄສະນາອົບຮົມ, ກົມໃຫຍ່ການເມືອງກອງທັບປະຊາຊົນຫວຽດນາມ ມາຢ້ຽມຢາມ ແລະອວຍພອນຖັນແຖວຄູອາຈານ, ພະນັກງານຄຸ້ມຄອງການສຶກສາ ໃນໂຮງຮຽນນາຍທະຫານການເມືອງ ເນື່ອງໃນໂອກາດສະເຫຼີມສະຫຼອງ 42 ປີແຫ່ງວັນຄູຫວຽດນາມ. ຊົມເຊີຍບັນດາຜົນງານດີເດັ່ນ ເຊິ່ງຖັນແຖວຄູອາຈານ ແລະພະນັກງານຄຸ້ມຄອງການສຶກສາ ບັນລຸໄດ້, ທ່ານພົນຕີ ຫງວຽນວັນດຶກ ສະແດງຄວາມປາດຖະໜາວ່າ ທາງໂຮງຮຽນ ຈະແກ້ໄຂຄວາມຫຍຸ້ງຍາກ, ຮັກສາ ແລະເສີມຂະຫຍາຍຈິດໃຈສາມັກຄີ, ປະດິດຄິດສ້າງ; ຖັນແຖວພະນັກງານ, ຄູອາຈານ, ນັກສຶກສາ, ພາລະກອນ, ນັກຮົບ ຈະແຂ່ງຂັນສອນດີ, ຮຽນເກັ່ງ, ປະຕິບັດງານດີ, ປະຕິບັດສຳເລັດທຸກໜ້າທີ່ທີ່ໄດ້ຮັບມອບໝາຍ, ຕອບສະໜອງຄວາມຮຽກຮ້ອງຕ້ອງການຂອງພາລະກິດການສຶກສາ-ບຳລຸງກໍ່ສ້າງ ໃນສະພາບການໃໝ່.
ໂດຍ: ທູຈາງ