    |
 |
|
ທ່ານພົນຕີ ເລກວາງມິງ ຢ້ຽມຢາມ, ໃຫ້ກໍາລັງໃຈ, ມອບຂອງຂວັນຂອງຄະນະພັກການທະຫານສູນກາງ, ກະຊວງປ້ອງກັນປະເທດ ໃຫ້ປະຊາຊົນບ້ານລາງນູ (ຕາແສັງບ້າວແຄ໋ງ, ເມືອງບ້າວອຽນ, ແຂວງລາວກາຍ). ພາບ: ຟ້າມຮຶງ. |
ພາຍຸ ຫົວທີ 3 ໄດ້ສ້າງຄວາມເສຍຫາຍອັນໜັກໜ່ວງກ່ຽວກັບຄົນ ແລະຊັບສິນໃນບໍລິເວນແຂວງລາວກາຍ. ເພື່ອປະກອບສ່ວນໜູນຊ່ວຍປະຊາຊົນມີຊີວິດການເປັນຢູ່ເປັນປົກກະຕິໂດຍໄວ, ໃນວັນທີ 21 ແລະວັນທີ 22 ກັນຍາ, ຄະນະກໍາມະການປະຊາຊົນແຂວງລາວກາຍ ໄດ້ຈັດພິທີລົງມືກໍ່ສ້າງເຂດຈັດສັນ ບ້ານລາງນູ ແລະບ້ານນໍ້າຕົງ ຄືນໃໝ່; ແມ່ນທັບນ້ອຍ 12, ກະຊວງປ້ອງກັນປະເທດ ແມ່ນກົມກອງກໍ່ສ້າງໂດຍກົງ. ຕາມແຜນການທີ່ໄດ້ອະນຸມັດຜ່ານ, ບ້ານລາງນູ ກໍ່ສ້າງເຮືອນ 40 ຫຼັງໃຫ້ແກ່ພໍ່ແມ່ປະຊາຊົນຊາວເຜົ່າໄຕ່, ມີສະຖາປັດຕະຍະກໍາເຮືອນຮ້ານ, ເນື້ອທີ່ປະມານ 96 ຕາແມັດ/ຫຼັງ; ເຮືອນດໍາເນີນຊີວິດຂອງວົງຄະນະຍາດ 1 ຫຼັງ ມີເນື້ອທີ່ປະມານ 300 ຕາແມັດ; ໂຮງຮຽນ 1 ຫຼັງ ມີເນື້ອທີ່ປະມານ 220 ຕາແມັດ ແລະພື້ນຖານໂຄງລ່າງຄົມມະນາຄົມ, ໄຟຟ້າ, ນໍ້າປະປາ.
|
|
 |
|
ທ່ານພົນຕີ ເລກວາງມິງ ຢ້ຽມຢາມ, ໃຫ້ກໍາລັງໃຈ, ມອບຂອງຂວັນຂອງຄະນະພັກການທະຫານສູນກາງ, ກະຊວງປ້ອງກັນປະເທດ ໃຫ້ປະຊາຊົນບ້ານນໍ້າຕົງ (ຕາແສງນໍ້າລຸກ, ເມືອງບັກຮ່າ, ແຂວງລາວກາຍ). ພາບ: ຟ້າມຮຶງ. |
ຕາມການລາຍງານສະພາບການກໍ່ສ້າງຂອງແມ່ທັບນ້ອຍ 12, ຈົນຮອດວັນທີ 22 ພະຈິກ, ພາຍຫຼັງກໍ່ສ້າງເປັນເວລາສອງເດືອນ, ກົມກອງ ຍາມໃດກໍຮັບປະກັນຄວາມຄືບໜ້າ ແລະຄຸນນະພາບ; ດ້ວຍການຕັດສິນໃຈສູງ, ສູ້ຊົນມອບເຮືອນໃຫ້ພໍ່ແມ່ປະຊາຊົນ ກ່ອນວັນທີ 22 ທັນວາ 2024. ໃນວິວັດການກໍ່ສ້າງ ຍາມໃດກໍຮັບປະກັນຄວາມປອດໄພ 100%, ຈັດຕັ້ງການກໍ່ສ້າງເປັນມືອາຊີບ, ມີແບບມີແຜນ, ຄຸນນະພາບຖືກກັບຄວາມຕ້ອງການດ້ານເຕັກນິກ, ມີລັກສະນະວິຈິດສິນສູງ, ໄດ້ຮັບການຕີລາຄາສູງຈາກອໍານາດການປົກຄອງທ້ອງຖິ່ນ, ຄະນະ, ຂະແໜງການ ແລະພໍ່ແມ່ປະຊາຊົນບ້ານລາງນູ.
ຜ່ານການກວດກາຕົວຈິງ ແລະຮັບຟັງບັັນດາກົມກອງ ລາຍງານຄວາມຄືບໜ້າຂອງການກໍ່ສ້າງ, ທ່ານພົນຕີ ເລກວາງມິງ ຍ້ອງຍໍຊົມເຊີຍຄວາມຮັບຜິດຊອບຂອງພະນັກງານ, ນັກຮົບ, ຜູ້ອອກແຮງງານຂອງທະຫານເຂດ 2 ແລະແມ່ທັບນ້ອຍ 12 ໃນການຜັນຂະຫຍາຍປະຕິບັດໜ້າທີ່ອັນມີຄວາມໝາຍນີ້. ກໍານົດວ່ານີ້ແມ່ນ “ຄໍາສັ່ງຈາກຫົວໃຈ”, ແມ່ນ “ໜ້າທີ່ພິເສດ 100 ວັນ” ຂອງແມ່ທັບນ້ອຍ 12, ພະນັກງານ, ນັກຮົບ, ຜູ້ອອກແຮງງານຂຶ້ນກັບແມ່ທັບນ້ອຍ ໄດ້ມານະພະຍາຍາມ, ຕັດສິນໃຈສູງ. “ໝູ່ບ້ານແຫ່ງຄວາມຜາສຸກ” ພວມປະກົດຕົວຂຶ້ນ, ຜ່ານການຢ້ຽມຢາມ ແລະກວດກາກິດຈະການຍ່ອຍ ລ້ວນແຕ່ຮັບປະກັນຄວາມຄືບໜ້າ.
|
|
 |
|
ທ່ານພົນຕີ ເລກວາງມິງ ກວດກາຄວາມຄືບໜ້າ, ຄຸນນະພາບການກໍ່ສ້າງເຂດຈັດສັນບ້ານລາງນູ ຄືນໃໝ່. ພາບ: ຟ້າມຮຶງ. |
ເພື່ອສືບຕໍ່ຜັນຂະຫຍາຍບັນດາໜ້າທີ່ໃນໄລຍະຈະມາເຖິງຢ່າງມີປະສິດທິຜົນ, ທ່ານພົນຕີ ເລກວາງມິງ ສະເໜີບັນດາອົງການ, ກົມກອງສືບຕໍ່ຊາບຊຶມຢ່າງເລິກເຊິ່ງ, ປະຕິບັດຢ່າງເຂັ້ມງວດຂໍ້ສະຫຼຸບຂອງກົມການເມືອງ ແລະການຊີ້ນໍາຂອງທຸກຂັ້ນ ກ່ຽວກັບການແກ້ໄຂຜົນຮ້າຍຢ້ອນຫຼັງຈາກພາຍຸຫົວທີ 3; ພ້ອມທັງຍູ້ແຮງຄວາມຄືບໜ້າບັນດາໂຄງການລົບລ້າງເຮືອນຢູ່ຊົ່ວຄາວ, ເຮືອນ ຊຸດໂຊມໃນຂອບເຂດທົ່ວປະເທດ ເວົ້າລວມ, ໃນບໍລິເວນທະຫານເຂດ 2 ເວົ້າສະເພາະ. ພະນັກງານ, ນັກຮົບ, ຜູ້ອອກແຮງງານຂອງທະຫານເຂດ 2 ແລະແມ່ທັບນ້ອຍ 12 ຕ້ອງຮັບຮູ້ຢ່າງເລິກເຊິ່ງວ່າ ນີ້ແມ່ນໜ້າທີ່ການເມືອງອັນສູງສົ່ງ, ແມ່ນການສະແດງໃຫ້ເຫັນທາດແທ້, ມູນເຊື້ອທະຫານລຸງໂຮ່ ຢ່າງຊີວິດຊີວາ; ຢັ້ງຢືນການພົວພັນສາມັກຄີ, ສະໜິດຕິດພັນແບບເລືອດເນື້ອລະຫວ່າງທະຫານກັບປະຊາຊົນ. ຈາກນັ້ນ, ດ້ວຍອາລົມຈິດ ແລະຄວາມຮັບຜິດຊອບຂອງຕົນ, ສືບຕໍ່ສາມັກຄີເປັນເອກະພາບ, ມານະພະຍາຍາມຜ່ານຜ່າຄວາມຫຍຸ້ງຍາກ, ຕັ້ງໜ້າກໍ່ສ້າງໃຫ້ຖືກກັບຄວາມຄືບໜ້າ, ຄຸນນະພາບຂອງໂຄງການ, ຮັບປະກັນຄວາມປອດໄພ 100%.
ເນື່ອງໃນໂອກາດນີ້, ທ່ານພົນຕີ ເລກວາງມິງ ໄດ້ມອບຂອງຂວັນຂອງຄະນະພັກການທະຫານສູນກາງ, ກະຊວງປ້ອງກັນປະເທດ ໃຫ້ປະຊາຊົນບ້ານລາງນູ, ບ້ານນໍ້າຕົງ; ພະນັກງານ, ນັກຮົບ, ຜູ້ອອກແຮງງານຂອງແມ່ທັບນ້ອຍ 12 ແລະທະຫານເຂດ 2 ທີ່ພວມປະຕິບັດໜ້າທີ່ກໍ່ສ້າງເຂດຈັດສັນບ້ານລາງນູ ແລະນໍ້າຕົງ ຄືນໃໝ່; ລວມມູນຄ່າທັງໝົດແມ່ນ 150 ກວ່າລ້ານດົ່ງ.
ໂດຍ: ໄຊຊະນະ