ໂຮງຮຽນນາຍທະຫານສື່ສານຝຶກອົບຮົມໃຫ້ພະນັກງານກອງທັບລາວ ແລະກໍາປູເຈຍ

ພາຍຫຼັງຝຶກອົບຮົມມາເປັນເວລາ 3 ເດືອນ, ບັນດານັກສໍາມະນາກອນຂອງກອງທັບປະຊາຊົນລາວ ໄດ້ບໍາລຸງຄວາມຮູ້ກ່ຽວກັບ: ລະບົບເຄືອຂ່າຍຂໍ້ມູນ; ອາຈານການສື່ສານ; ບັນຊາເສນາດ້ານການສື່ສານ; ເຕັກນິກການສື່ສານ... ສິ້ນສຸດຊຸດຝຶກອົບຮົມ, 100% ນັກສໍາມະນາກອນບັນລຸປະເພດເກັ່ງ ແລະດີເລີດ.

ທ່ານພັນເອກພິເສດ ຫງວຽນຍືຖັງ ຮອງອະທິການບໍດີໂຮງຮຽນນາຍທະຫານສື່ສານ ກ່າວຄໍາເຫັນທີ່ພິທີປິດຊຸດຝຶກອົບຮົມໃຫ້ພະນັກງານກອງທັບປະຊາຊົນລາວ. ພາບ: ຊວນດ້ິງ

ກ່າວຄໍາເຫັນທີ່ພິທີປິດ, ທ່ານພັນເອກພິເສດ ຫງວຽນຍືຖັງ ຮອງອະທິການບໍດີໂຮງຮຽນນາຍທະຫານສື່ສານ ໄດ້ຍ້ອງຍໍຊົມເຊີຍຜົນງານຂອງບັນດາພະນັກງານກອງທັບປະຊາຊົນລາວ; ຫວັງວ່າບັນດານັກສໍາມະນາກອນຈະເສີມຂະຫຍາຍໝາກຜົນທີ່ບັນລຸໄດ້, ຍົກສູງຈິດໃຈຮໍ່າຮຽນ, ສູ້ຊົນໃຫ້ກາຍເປັນພະນັກງານສື່ສານທີ່ດີເລີດ, ປະຕິບັດໜ້າທີ່, ຕໍາແໜ່ງ, ພາລະບົດບາດຕ່າງກັນໃຫ້ສໍາເລັດ, ປະກອບສ່ວນກໍ່ສ້າງກໍາລັງສື່ສານກອງທັບປະຊາຊົນລາວ ໃຫ້ໝັ້ນຄົງເຂັ້ມແຂງ, ເພີ່ມພູູນຄູນສ້າງນໍ້າໃຈສາມັກຄີ, ມິດຕະພາບຫວຽດນາມ-ລາວ.

ທ່ານພັນເອກພິເສດ ຫງວຽນຍືຖັງ ມອບໃບຢັ້ງຢືນໃຫ້ແກ່ບັນດາສະຫາຍທີ່ມີຜົນງານດີເລີດ. ພາບ: ຊວນດ້ິງ

ຕໍ່ໄປນັ້ນ, ທາງໂຮງຮຽນນາຍທະຫານສື່ສານ ໄດ້ຈັດພິທີໄຂຊຸດຝຶກອົບຮົມໃຫ້ແກ່ພະນັກງານກອງທັບລາດຊະວົງກໍາປູເຈຍ ສົກຮຽນ 2024-2025.

ໄຂຊຸດຝຶກອົບຮົມໃຫ້ແກ່ພະນັກງານກອງທັບລາດຊະວົງກໍາປູເຈຍ. ພາບ: ຊວນດ້ິງ

ຊຸດຝຶກອົບຮົມປະກອບຄວາມຮູ້ກ່ຽວກັບບັນຊາເສນາດ້ານການສື່ສານຄື: ຈັດຕັ້ງ, ຮັບປະກັນການຕິດຕໍ່ສື່ສານຂັ້ນຍຸດທະວິທີ; ສູ້ຮົບທາງເອເລັກໂຕນິກ, ສູ້ຮົບທາງເຄືອຂ່າຍອິນເຕີແນັດ; ເປັນເສນາທິການຝຶກແອບການຕໍ່ສູ້... ຊ່ວຍໃຫ້ນັກສໍາມະນາກອນປະຕິບັດສຳເລັດ, ຍົກສູງລະດັບການຈັດຕັ້ງ, ບັນຊາຮັບປະກັນຂໍ້ມູນຕິດຕໍ່ສື່ສານ, ຕອບສະໜອງຄວາມຮຽກຮ້ອງຕ້ອງການຝຶກແອບ, ກຽມພ້ອມສູ້ຮົບ ແລະຕໍ່ສູ້ຂອງບັນດາກົມກອງສື່ສານໃນກອງທັບລາດຊະວົງກໍາປູເຈຍ.

ໂດຍ: ໄຊນີດາ