ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອົດສະຕາລີ
ກປ.ອອນໄລ - ຕອນບ່າຍວັນທີ 20 ທັນວາ, ຢູ່ທຳນຽບປະທານປະເທດ, ທ່ານ ເລືອງເກື່ອງ ປະທານປະເທດຫວຽດນາມ ໄດ້ໃຫ້ການຕ້ອນຮັບການເຂົ້າຢ້ຽມອໍາລາຂອງທ່ານ Andrew Goledzinowski ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງອົດສະຕາລີ ປະຈໍາ ຫວຽດນາມ ເນື່ອງໃນໂອກາດສິ້ນສຸດການປະຕິບັດໜ້າທີ່ການທູດຢູ່ຫວຽດນາມ.
ທີ່ການຕ້ອນຮັບ, ທ່ານ ເລືອງເກື່ອງ ປະທານປະເທດ ໄດ້ຊົມເຊີຍທ່ານເອກອັກຄະລັດຖະທູດທີ່ໄດ້ປະຕິບັດສໍາເລັດໜ້າທີ່ການທູດຢູ່ຫວຽດນາມ; ຕີລາຄາສູງການປະກອບສ່ວນຢ່າງຕັ້ງໜ້າຂອງທ່ານເອກອັກຄະລັດຖະທູດໃນການພົວພັນລະຫວ່າງສອງປະເທດໃນໄລຍະຜ່ານມາ.
    |
 |
|
ທ່ານປະທານປະເທດ ເລືອງເກື່ອງ ແລະທ່ານເອກອັກຄະລັດຖະທູດ Andrew Goledzinowski. ພາບ: ຫງວຽນຕວນ. |
ທ່ານ ເລືອງເກື່ອງ ປະທານປະເທດ ໃຫ້ຮູ້ວ່າ ຫວຽດນາມ ຍາມໃດກໍ່ຖື ອົດສະຕາລີ ແມ່ນໜຶ່ງໃນບັນດາຄູ່ຮ່ວມມືສຳຄັນອັນດັບໜຶ່ງໃນພາກພື້ນ. ສອງປະເທດມີຄວາມໄວ້ເນື້ອເຊື່ອໃຈສູງຕໍ່ຍຸດທະສາດ ແລະແບ່ງປັນວິໄສທັດ, ທັດສະນະລວມໃນຫຼາຍບັນຫາພາກພື້ນ ແລະສາກົນ. ຫວຽດນາມ ປາດຖະໜາຢາກເພີ່ມທະວີການພົວພັນ, ການຮ່ວມມືກັບອົດສະຕາລີ ເພື່ອຜົນປະໂຫຍດຂອງປະຊາຊົນສອງປະເທດ, ປະກອບສ່ວນເຂົ້າໃນສັນຕິພາບ, ສະຖຽນລະພາບຢູ່ພາກພື້ນ ແລະໃນໂລກ. ພິເສດ, ເລື່ອງສອງປະເທດຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານໃນເດືອນມີນາ ປີ 2024 ນັ້ນແມ່ນມີຄວາມໝາຍສຳຄັນ ແລະຂອບເຂດການພົວພັນໃໝ່ນີ້ຈະສ້າງເງື່ອນໄຂເພື່ອໃຫ້ສອງປະເທດເປີດກວ້າງ, ເຮັດໃຫ້ການພົວພັນສອງຝ່າຍ ກໍ່ຄືການສົມທົບກັນໃນບັນດາເວທີປາໄສຫຼາຍຝ່າຍເລິກເຊິ່ງກວ່າອີກ.
ຂອບໃຈທ່ານປະທານປະເທດ ເລືອງເກື່ອງ ໄດ້ສະຫຼະເວລາຕ້ອນຮັບ, ທ່ານເອກອັກຄະລັດຖະທູດ Andrew Goledzinowski ໃຫ້ຮູ້ວ່າ: ໃນອາຍຸການຜ່ານມາ, ການພົວພັນ ອົດສະຕາລີ - ຫວຽດນາມ ບັນລຸໝາກຜົນຕັ້ງໜ້າຫຼາຍຢ່າງ. ສິ້ນສຸດອາຍຸການ, ບໍ່ວ່າຈະດຳລົງຕຳແໜ່ງໃດກໍ່ຕາມ, ຍາມໃດທ່ານກໍ່ມີຄວາມປະທັບໃຈອັນດີງາມ ແລະມານະພະຍາຍາມເພີ່ມພູນຄູນສ້າງການພົວພັນທີ່ດີງາມລະຫວ່າງສອງປະເທດ.
ໂດຍ: ຈາງຫງວຽນ