ທ່ານພົນໂທ ຫວໍມິງເລືອງ, ກໍາມະການສູນກາງພັກ, ຄະນະປະຈໍາຄະນະພັກການທະຫານສູນກາງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ຫົວໜ້າຄະນະຜູ້ແທນຫວຽດນາມ ແລະທ່ານ Nhem VaLy ຮອງປະທານຜູ້ປະຈໍາການທັງເປັນເລຂາທິການໃຫຍ່ສະພາແຫ່ງຊາດແນວໂຮມສາມັກຄີພັດທະນາປະເທດຊາດກໍາປູເຈຍ, ປະທານຄະນະກໍາມະການບູລະນະ, ສ້ອມແປງອະນຸສາວະລີມິດຕະພາບ ຫວຽດນາມ-ກໍາປູເຈຍ, ຫົວໜ້າຄະນະຜູ້ແທນກໍາປູເຈຍ, ເປັນປະທານຮ່ວມກອງປະຊຸມ.
    |
 |
|
ທ່ານພົນໂທ ຫວໍມິງເລືອງ ມອບຂອງຂວັນເປັນທີ່ລະນຶກໃຫ້ທ່ານ Nhem VaLy ທີ່ກອງປະຊຸມ. |
ກ່າວຄໍາເຫັນທີ່ກອງປະຊຸມ, ທ່ານພົນໂທ ຫວໍມິງເລືອງ ຊົມເຊີຍຜົນງານ, ຜົນການຮ່ວມມືລະຫວ່າງຫວຽດນາມ-ກໍາປູເຈຍ ໃນໄລຍະຜ່ານມາເວົ້າລວມ ແລະການຮ່ວມມືລະຫວ່າງກະຊວງປ້ອງກັນປະເທດຫວຽດນາມ ກັບສະພາແຫ່ງຊາດແນວໂຮມສາມັກຄີພັດທະນາປະເທດຊາດກໍາປູເຈຍ ເວົ້າສະເພາະ; ພ້ອມທັງເນັ້ນໜັກວ່າ, ເລື່ອງກໍ່ສ້າງອະນຸສາວະລີມິດຕະພາບຫວຽດນາມ-ກໍາປູເຈຍ ຢູ່ລາຊະອານາຈັກກໍາປູເຈຍ ສໍາເລັດຜົນ, ແມ່ນການປະກອບສ່ວນເຮັດໃຫ້ມູນເຊື້ອສາມັກຄີມິດຕະພາບຮ່ວມມືຫວຽດນາມ -ກໍາປູເຈຍ ເລິກເຊິ່ງຂຶ້ນກວ່າເກົ່າ; ສະເໜີສະພາແຫ່ງຊາດແນວໂຮມສາມັກຄີພັດທະນາປະເທດຊາດກໍາປູເຈຍ ເມື່ອເປີດນໍາໃຊ້ອະນຸສາວະລີມິດຕະພາບຫວຽດນາມ-ກໍາປູເຈຍ ຕ້ອງລາຍງານໃຫ້ລັດຖະບານກໍາປູເຈຍ; ພ້ອມທັງຕ້ອງສ້າງກົນໄກຄຸ້ມຄອງ, ປົກປັກຮັກສາ, ຂຸດຄົ້ນ, ເສີມຂະຫຍາຍຄຸນຄ່າອະນຸສາວະລີມິດຕະພາບຫວຽດນາມ-ກໍາປູເຈຍ ໃຫ້ເປັນຢ່າງດີ, ປະກອບສ່ວນໂຄສະນາ, ສຶກສາອົບຮົມມູນເຊື້ອສາມັກຄີມິດຕະພາບຫວຽດນາມ-ກໍາປູເຈຍ.
|
|
 |
|
ທ່ານ Nhem VaLy ມອບຂອງຂວັນເປັນທີ່ລະນຶກໃຫ້ທ່ານພົນໂທ ຫວໍມິງເລືອງ ທີ່ກອງປະຊຸມຊຸມ. |
ທ່ານ Nhem VaLy ສະແດງຄວາມຂອບໃຈລັດຖະບານ, ກະຊວງປ້ອງກັນປະເທດຫວຽດນາມ ໄດ້ສົມທົບກັນ, ໜູນຊ່ວຍກໍ່ສ້າງອະນຸສາວະລີມິດຕະພາບ ຫວຽດນາມ-ກໍາປູເຈຍ ຢູ່ລາຊະອານາຈັກກໍາປູເຈຍ. ນີ້ແມ່ນກິດຈະກຳທີ່ມີຄວາມໝາຍພິເສດເພື່ອຈົດຈໍາ, ຕອບບຸນແທນຄຸນພະນັກງານ, ທະຫານອາສາສະໝັກ, ຊ່ຽວຊານຫວຽດນາມ ທີ່ໄດ້ຄຽງບ່າຄຽງໄຫຼ່ພ້ອມກັບພະນັກງານ, ນັກຮົບແນວໂຮມຊົນຊາດສາມັກຄີກູ້ຊາດກໍາປູເຈຍ, ທີ່ໄດ້ເສຍສະຫຼະຊີວິດຢ່າງພິລະອາດຫານໃນການຕໍ່ສູ້ໂຄ່ນລົ້ມລະບອບດັບສູນເຊື້ອຊາດ Pol Pot, ນຳເອົາຄວາມຜາສຸກ, ຄວາມຈະເລີນຮຸ່ງເຮືອງມາໃຫ້ປະຊາຊົນກໍາປູເຈຍ.
|
|
 |
|
ທ່ານພົນໂທ ຫວໍມິງເລືອງ ແລະທ່ານ Nhem VaLy ພ້ອມກັບຄະນະຜູ້ແທນຊົມເຊີຍຜົນສຳເລັດຂອງກອງປະຊຸມ. |
ໃນໄລຍະຈະມາເຖິງ, ສອງຝ່າຍເຫັນດີເປັນເອກະພາບສືບຕໍ່ສົມທົບກັນປະຕິບັດບັນດາເນື້ອໃນທີ່ໄດ້ລົງນາມຢູ່ກອງປະຊຸມກ່ອນນີ້ໃຫ້ມີປະສິດທິຜົນ; ຜັນຂະຫຍາຍຫຼາຍມາດຕະການຍູ້ແຮງຄວາມຄືບໜ້າປະຕິບັດບັນດາໂຄງການຮັບປະກັນຄຸນນະພາບ, ປະສິດທິຜົນ; ສືບຕໍ່ກວດກາຄືນບັນດາອະນຸສາວະລີມິດຕະພາບ ຫວຽດນາມ-ກໍາປູເຈຍ ຕ້ອງໄດ້ຮັບການບູລະນະ, ສ້ອມແປງ ແລະບັນດາສະຖານທີ່ດໍາເນີນບັ້ນຮົບທີ່ດຸເດືອດ, ສະຖານທີ່ປະຫວັດສາດທີ່ມີຄວາມໝາຍເພື່ອສາມາດກໍ່ສ້າງອະນຸສາວະລີມິດຕະພາບ ຫວຽດນາມ-ກໍາປູເຈຍ ຕື່ມອີກ ແລະລາຍງານໃຫ້ຂັ້ນມີສິດອໍານາດຂອງແຕ່ລະປະເທດພິຈາລະນາຕັດສິນ. ສໍາເນົາເອກະສານບັນດາໂຄງການສະເໜີບູລະນະ, ສ້ອມແປງໂດຍຝ່າຍກໍາປູເຈຍ ສ້າງ ແລະສົ່ງໃຫ້ຝ່າຍຫວຽດນາມ ປະເມີນຜົນ; ຝ່າຍຫວຽດນາມ ຈະຈັດຕັ້ງຄະນະປະຕິບັດງານສົມທົບກັນສໍາຫຼວດຢ່າງລະອຽດ, ເພື່ອເປັນຮາກຖານຮັບປະກັນການໜູນຊ່ວຍຄ່າໃຊ້ຈ່າຍ ກໍ່ຄື ເຫັນດີເປັນເອກະພາບມາດຕະການຜັນຂະຫຍາຍໂຄງການໃຫ້ຕິດແທດກັບຕົວຈິງ.
ສອງຝ່າຍຢັ້ງຢືນວ່າ ບັນດາອະນຸສາວະລີມິດຕະພາບ ຫວຽດນາມ-ກໍາປູເຈຍ ຢູ່ລາຊະອານາຈັກກໍາປູເຈຍ ແມ່ນກິດຈະກຳປະຫວັດສາດວັດທະນະທໍາພົ້ນເດັ່ນໃຫ້ແກ່ການພົວພັນທີ່ເປັນມູນເຊື້ອສາມັກຄີມິດຕະພາບອັນດີງາມຂອງສອງປະເທດ, ສະນັ້ນ ຕ້ອງໄດ້ຮັບການຄຸ້ມຄອງ, ປົກປັກຮັກສາຢ່າງແໜ້ນແຟ້ນ, ນໍາໃຊ້ຢ່າງມີປະສິດທິຜົນ.
ໂດຍ: ໄຊນີດາ