ດ້ຽນບຽນ: ເປີດນໍາໃຊ້ມອບ-ຮັບເຮືອນໂດຍກະຊວງປ້ອງກັນປະເທດໜູນຊ່ວຍ

ຜູ້ຕາງໜ້າກອງບັນຊາການທະຫານແຂວງ ແລະຄະນະກໍາມະການປະຊາຊົນແຂວງດ້ຽນບຽນໄດ້ດຳເນີນພິທີເປີດນໍາໃຊ້ ແລະມອບ-ຮັບເຮືອນໃຫ້ປະຊາຊົນ. ພາບ: qdnd.vn

ກ່ອນໜ້ານັ້ນ, ກະຊວງປ້ອງກັນປະເທດໄດ້ມອບທຶນກໍ່ສ້າງເຮືອນ 100 ຫຼັງ (ແຕ່ລະຫຼັງມີມູນຄ່າ 50 ລ້ານດົ່ງ) ລວມຍອດມູນຄ່າ 5 ຕື້ດົ່ງໃຫ້ປະຊາຊົນແຂວງດ້ຽນບຽນ. ສະເພາະຢູ່ຕາແສງເມື່ອງປົ່ນ, ເມືອງດ້ຽນບຽນ, ກະຊວງປ້ອງກັນປະເທດໄດ້ໜູນຊ່ວຍກໍ່ສ້າງເຮືອນຢູ່ 71 ຫຼັງດ້ວຍຍອດຈຳນວນທຶນ 3 ຕື້ 550 ລ້ານດົ່ງ.

ຜູ້ຕາງໜ້າຄະນະກຳມະການປະຊາຊົນແຂວງດ້ຽນບຽນ ມອບຂອງຂວັນໃຫ້ປະຊາຊົນຕາແສງເມື່ອງປົ່ນ, ເມືອງ ດ້ຽນບຽນ. ພາບ: qdnd.vn

ຜູ້ຕາງໜ້າກອງບັນຊາການທະຫານແຂວງ ແລະຄະນະກໍາມະການປະຊາຊົນແຂວງດ້ຽນບຽນ ໄປຢ້ຽມຢາມ ແລະອວຍພອນປະຊາຊົນບ້ານລິງ, ຕາແສງ ເມື່ອງປົ່ນ ໃນເຮືອນຫຼັງໃໝ່. ພາບ: qdnd.vn

ໃນຂະບວນການປະຕິບັດ, ຄະນະກຳມະການປະຊາຊົນເມືອງ ດ້ຽນບຽນ ໄດ້ເປັນເຈົ້າການສົມທົບກັບກອງບັນຊາການທະຫານແຂວງດ້ຽນບຽນ ຈັດຕັ້ງປະຕິບັດການກໍ່ສ້າງຕາມແຜນການທີ່ໄດ້ເຫັນດີເປັນເອກະພາບ.

ນອກຈາກໜູນຊ່ວຍການກໍ່ສ້າງເຮືອນຢູ່ແລ້ວ, ກອງພັນໃຫຍ່ 82, ກອງພົນ 355 (ທະຫານເຂດ 2) ຍັງໄດ້ລະດົມພະນັກງານ, ນັກຮົບ 200 ກວ່າຄົນສົມທົບກັບກຳລັງຢູ່ກັບທີ່ ແລະປະຊາຊົນ 480 ກວ່າຄົນ, ເຮັດອະນາໄມ. ຂຸດຄອງເໝືອງດ້ວຍຄວາມຍາວ 4.870 ແມັດ, ຮັບປະກັນສົ່ງນ້ຳຮັບໃຊ້ໃຫ້ລະດູການຜະລິດປີ 2024 - 2025.

ພະນັກງານ, ນັກຮົບກອງພັນໃຫຍ່ 741, ກອງບັນຊາການທະຫານແຂວງດ້ຽນບຽນ ແລະປະຊາຊົນບ້ານລິງ, ຕາແສງ ເມື່ອງປົ່ນ, ເມືອງ ດ້ຽນບຽນ ເບີກບານມ່ວນຊື່ນໃນວັນຮັບເຮືອນໃໝ່. ພາບ: qdnd.vn

ໃນໄລຍະຈະມາເຖິງ, ຄະນະກຳມະການປະຊາຊົນເມືອງດ້ຽນບຽນ ຈະສືບຕໍ່ຊີ້ນຳຄະນະກຳມະການປະຊາຊົນຕາແສງ ເມື່ອງປົ່ນ, ເພີ່ມທະວີການສົມທົບກັນທຸກກຳລັງຢ່າງແໜ້ນແຟ້ນ, ຍູ້ໄວຄວາມຄືບໜ້າໃນການກໍ່ສ້າງ, ສຳເລັດການກໍ່ສ້າງບັນດາກິດຈະກຳພື້ນຖານໂຄງລ່າງທີ່ຈຳເປັນຢູ່ເຂດຊຸມຊົນ, ຮັບໃຊ້ການດຳເນີນຊີວິດ, ການຜະລິດຂອງປະຊາຊົນ. ພິເສດ, ສູ້ຊົນໃຫ້ສຳເລັດວຽກງານຊັບຊ້ອນໃຫ້ປະຊາຊົນຢູ່ຕາແສງ ເມື່ອງປົ່ນ ດຳລົງຊີວິດເປັນປົກກະຕິກ່ອນບຸນປີໃໝ່ 2025.

ໂດຍ: ດັ້ງເກື່ອງ