ຕອນເຊົ້າວັນທີ 28 ທັນວາ, ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ເຂົ້າຮ່ວມກອງປະຊຸມສະຫຼຸບວຽກງານປີ 2024 ແລະຜັນຂະຫຍາຍໜ້າທີ່ປີ 2025 ຂອງກະຊວງແຜນການ ແລະການລົງທຶນ. ກອງປະຊຸມໄດ້ເຊື່ອມຕໍ່ທາງອອນໄລກັບ 63 ແຂວງ ແລະນະຄອນສັງກັດສູນກາງ.

leftcenterrightdel
ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ເຂົ້າຮ່ວມກອງປະຊຸມສະຫຼຸບວຽກງານປີ 2024 ແລະຜັນຂະຫຍາຍໜ້າທີ່ປີ 2025 ຂອງກະຊວງແຜນການ ແລະການລົງທຶນ. ພາບ: qdnd.vn

ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິ໊ງ ຕີລາຄາວ່າ: ປີ 2024, ຂະແໜງແຜນການ, ການລົງທຶນ ແລະສະຖິຕິປະຕິບັດໜ້າທີ່ເປັນຢ່າງດີ, ພິເສດແມ່ນການປ່ອຍເງິນລົງທຶນພາກລັດໄດ້ຮັບການຜັນຂະຫຍາຍຢ່າງຂ້ຽວຂາດ. ກະຊວງແຜນການ ແລະການລົງທຶນ ປະກອບສ່ວນຢ່າງຕັ້ງໜ້າເຂົ້າໃນການປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດ, ພັດທະນາວິສາຫະກິດ ແລະດຶງດູດການລົງທຶນຈາກຕ່າງປະເທດ. ການເລີ່ມທຸລະກິດ ແລະນະວັດຕະກຳໄດ້ພັດທະນາຢ່າງແຂງແຮງ, ສ້າງລະບົບນິເວດນະວັດຕະກຳຢູ່ຫວຽດນາມ.

ປີ 2025, ເພື່ອເລັ່ງລັດ, ບຸກທະລຸ ແລະປະຕິບັດທຸກຄາດໝາຍຢ່າງມີໄຊ, ທ່ານນາຍົກລັດຖະມົນຕີ ເນັ້ນໜັກວ່າ: ກ່ອນອື່ນໝົດແມ່ນນຳໜ້າໃນການປ່ຽນແປງໃໝ່ຈີນຕະນາການ, ຄົ້ນຄິດເລິກເຊິ່ງ, ມອງກວ້າງເຫັນໄກ, ເວົ້າໄປຄຽງຄູ່ກັບການປະຕິບັດ ແລະໄດ້ປະຕິບັດແມ່ນຕ້ອງມີປະສິດທິຜົນ; ທີ 2, ນຳໜ້າໃນການກໍ່ສ້າງ ແລະປັບປຸງລະບອບລະບຽບການໃຫ້ສົມບູນແບບ, ເພາະວ່າລະບອບລະບຽບການແມ່ນແຫຼ່ງກຳລັງ, ແມ່ນກຳລັງໜູນໃຫ້ແກ່ການພັດທະນາ, ທີ 3, ນຳໜ້າໃນການຊັກນໍາ, ດຶງດູດແຫຼ່ງກໍາລັງ; ທີ 4 ນຳໜ້າໃນການນະວັດຕະກໍາ, ການຫັນເປັນດີຈີຕອນ, ການຫັນເປັນສີຂຽວ, ການພັດທະນາເສດຖະກິດໝູນວຽນ, ເສດຖະກິດແບ່ງປັນ, ເສດຖະກິດກາງຄືນ ແລະສ້າງໂຄງປະກອບເສດຖະກິດຄືນໃໝ່; ທີ 5 ນຳໜ້າໃນການກໍ່ສ້າງຖານຂໍ້ມູນແຫ່ງຊາດເພື່ອວາງນະໂຍບາຍບົນພື້ນຖານຂໍ້ມູນແຫ່ງຊາດຢ່າງມີວິທະຍາສາດ, ປະສິດທິຜົນ”.

ທ່ານນາຍົກລັດຖະມົນຕີ ຮຽກຮ້ອງໃຫ້ກະຊວງແຜນການ ແລະການລົງທຶນ ສືບຕໍ່ເຮັດວຽກງານບໍລິຫານແຜນການ ແລະປະສານງານ ເສດຖະກິດມະຫາພາກໃຫ້ດີກວ່າອີກ; ເພີ່ມທະວີການດຶງດູດທຸກແຫຼ່ງກໍາລັງໃຫ້ແກ່ການລົງທຶນພັດທະນາປະເທດ; ປະຕິບັດສຳເລັດໜ້າທີ່ທີ່ໄດ້ຮັບມອບໝາຍ, ປະກອບສ່ວນຫຼາຍກວ່າອີກໃຫ້ແກ່ການພັດທະນາປະເທດເພື່ອຜົນປະໂຫຍດກົມກ່ຽວລະຫວ່າງບຸກຄົນ, ລັດ ແລະວິສາຫະກິດສໍາເລັດຜົນ.

ໂດຍ: ໄຊນີດາ