ນາຍົກລັດຖະມົນຕີ, ປະທານສະພາແຫ່ງຊາດຫວຽດນາມ ສົ່ງໂທລະເລກຢື້ຢາມຖາມຂ່າວ ເຖິງການນຳ ສ.ເກົາຫຼີ ຕໍ່ໜ້າເລື່ອງເຮືອບິນຖືກອຸບັດຕິເຫດ

ເຮືອບິນຂອງບໍລິສັດການບິນ Jeju Air ເກີດອຸບັດຕິເຫດເມື່ອລົງຈອດໃນວັນທີ 29 ທັນວາ. ພາບ: Yonhap/TTXVN

ໂດຍໄດ້ຮັບຂ່າວວ່າ ເຮືອບິນຂອງບໍລິສັດການບິນ Jeju Air ເກີດອຸບັດຕິເຫດເມື່ອລົງຈອດໃນວັນທີ 29 ທັນວາ, ເຮັດໃຫ້ຫຼາຍຄົນເສຍຊີວິດ ແລະຮັບບາດເຈັບ, ໃນວັນດຽວກັນ, ທ່ານນາຍົກລັດຖະມົນຕີຫວຽດນາມ ຟ້າມມິງຈິງ ໄດ້ສົ່ງໂທລະເລກຢື້ຢາມຖາມຂ່າວເຖິງທ່ານ Choi Sang Mok, ຮັກສາການປະທານາທິບໍດີ ສ.ເກົາຫຼີ, ທ່ານປະທານສະພາແຫ່ງຊາດ ເຈິ່ນແທັງເໝິນ ໄດ້ສົ່ງໂທລະເລກຢື້ຢາມຖາມຂ່າວເຖິງທ່ານປະທານສະພາແຫ່ງຊາດ ສ.ເກົາຫຼີ Woo Won Shik.

ກ່ອນໜ້ານັ້ນ, ໃນວັນດຽວກັນ, ທ່ານປະທານປະເທດ ເລືອງເກື່ອງ ກໍ່ໄດ້ສົ່ງໂທລະເລກຢື້ຢາມຖາມຂ່າວເຖິງທ່ານ Choi Sang Mok, ຮັກສາການປະທານາທິບໍດີ ສ.ເກົາຫຼີ; ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ບຸ່ຍແທັງເຊີນ ໄດ້ສົ່ງໂທລະເລກຢື້ຢາມຖາມຂ່າວເຖິງທ່ານ Choi Tae Yul, ລັດຖະມົນຕີການຕ່າງປະເທດ ສ.ເກົາຫຼີ.

ອຸບັດຕິເຫດເຮືອບິນທີ່ຮ້າຍແຮງຂອງບໍລິສັດການບິນ Jeju Air ເກີດຂຶ້ນໃນວັນທີ 29 ທັນວາ, ເມື່ອເຮືອບິນພວມເດີນທາງຈາກບາງກອກ (ໄທ) ໄປຍັງ Muan ໄດ້ ພະຍາຍາມລົງຈອດແຕ່ປະສົບບັນຫາຖານລໍ້ລົງຈອດຂັດຂ້ອງຢູ່ສະໜາມບິນສາກົນ Muan (ສ.ເກົາຫຼີ). ອຸບັດຕິເຫດດັ່ງກ່າວເຮັດໃຫ້ 179 ຄົນເສຍຊີວິດ ແລະ 2 ຄົນຮັບບາດເຈັບ.

ແຫຼ່ງຄັດຈາກ: vovworld.vn