ປະທານປະເທດ ເລືອງເກື່ອງ ຕ້ອນຮັບທູດພິເສດຂອງປະທານາທິບໍດີປາແລັດສະຕິນ

ທີ່ການຕ້ອນຮັບ, ທ່ານປະທານປະເທດ ເລືອງເກື່ອງ ຢືນຢັນວ່າ ການຢ້ຽມຢາມມີຄວາມໝາຍສຳຄັນ, ປະກອບສ່ວນປັບປຸງສາຍພົວພັນມິດຕະພາບທີ່ເປັນມູນເຊື້ອ ແລະຊຸກຍູ້ການຮ່ວມມືລະຫວ່າງ 2 ປະເທດກວ່າອີກ. ທ່ານປະທານປະເທດ ຢືນຢັນວ່າ: ຫວຽດນາມ ສະໜັບສະໜູນມາດຕະການສອງລັດ, ດ້ວຍລັດປາແລັດສະຕິນ ເອກະລາດ, ດຳລົງຊີວິດສັນຕິພາບກັບລັດອິດສະຣາແອນ, ບົນພື້ນຖານເຄົາລົບກົດໝາຍສາກົນ ແລະບັນດາມະຕິທີ່ກ່ຽວຂ້ອງຂອງສະຫະປະຊາຊາດ. ຫວຽດນາມ ພ້ອມແລ້ວທີ່ຈະສົມທົບກັບ ປາແລັດສະຕິນ ແລະປະຊາຄົມໂລກ, ໃນຄວາມສາມາດຂອງຕົນເຂົ້າຮ່ວມຊຸກຍູ້ຄວາມມານະພະຍາຍາມຊ່ວຍເຫຼືອມະນຸດສະທຳ ກໍ່ຄືການເຄື່ອນໄຫວເປັນກາງ, ໄກ່ເກ່ຍ ເພື່ອບັນລຸໄດ້ຄາດໝາຍຕັດສິນຊີ້ຂາດນີ້.

ທ່ານ ເລືອງເກື່ອງ ປະທານປະເທດຫວຽດນາມ ຕ້ອນຮັບທ່ານ ສຈ Riad Malki, ທູດພິເສດຂອງປະທານາທິບໍດີປາແລັດສະຕິນ. ພາບ: ຫງວຽນຕ໊ວນ

ເພື່ອເພີ່ມທະວີ ແລະຊຸກຍູ້ການພົວພັນມິດຕະພາບຮ່ວມມືລະຫວ່າງສອງປະເທດໃນໄລຍະຈະມາເຖິງ, 2 ຝ່າຍໄດ້ເຫັນດີເປັນເອກະສັນຕ້ອງຕັ້ງໜ້າແລກປ່ຽນ ເພື່ອຊຸກຍູ້ການຮ່ວມມືໃນບັນດາຂົງເຂດທີ່ມີທ່າແຮງ, ໃນນັ້ນສືບຕໍ່ສົມທົບກັນຢ່າງແໜ້ນແຟ້ນ ແລະສະໜັບສະໜູນເຊິ່ງກັນ ແລະກັນຢູ່ບັນດາເວທີປາໄສ, ອົງການຈັດຕັ້ງສາກົນ, ພິເສດແມ່ນຢູ່ສະຫະປະຊາຊາດ; ຊຸກຍູ້ການຜັນຂະຫຍາຍບັນດາກົນໄກຮ່ວມມືສອງຝ່າຍ, ກ່ອນອື່ນໝົດແມ່ນກົນໄກປຶກສາຫາລືດ້ານການເມືອງ ລະຫວ່າງກະຊວງການຕ່າງປະເທດຂອງສອງປະເທດ, ເພີ່ມທະວີການເຄື່ອນໄຫວພົບປະແລກປ່ຽນຮ່ວມມືລະຫວ່າງສະມາຄົມມິດຕະພາບ ແລະສາມັກຄີປະຊາຊົນ, ເພື່ອປັບປຸງຈິດໃຈສາມັກຄີ, ເພີ່ມທະວີຄວາມເຂົ້າໃຈລະຫວ່າງປະຊາຊົນສອງປະເທດ.

ສ່ວນທ່ານທູດພິເສດຂອງປະທານາທິບໍດີປາແລັດສະຕິນ ສະແດງຄວາມນິຍົມນັບຖືຕໍ່ຜົນງານອັນໃຫຍ່ຫຼວງທີ່ ຫວຽດນາມ ບັນລຸໄດ້ ແລະຖືຫວຽດນາມ ເປັນແບບຢ່າງກ່ຽວກັບຜົນສຳເລັດໃນການກໍ່ສ້າງ ແລະພັດທະນາປະເທດຊາດ. ທ່ານ Riad Malki ກໍ່ໄດ້ແບ່ງປັນສະພາບການຜັນແປໃໝ່ທີ່ສຸດຢູ່ ປາແລັດສະຕິນ.

ໂດຍ: ທະນາພອນ