ທ່ານເລຂາທິການໃຫຍ່ ໂຕເລິມ ຖະຫວາຍທູບທຽນອາໄລຫາປະທານໂຮ່ຈີມິນ ຢູ່ແຂວງເງະອານ
ກປ.ອອນໄລ - ຕອນເຊົ້າວັນທີ 29 ທັນວາ, ຢູ່ເມືອງ ນາມດານ, ແຂວງເງະອານ, ທ່ານເລຂາທິການໃຫຍ່ ໂຕເລິມ ພ້ອມດ້ວຍຄະນະປະຕິບັດງານສູນກາງ ໄດ້ໄປຖະຫວາຍດອກໄມ້, ທູບທຽນອາໄລຫາປະທານ ໂຮ່ຈີມິນ ຢູ່ວິຫານ ຈຸງເຊີນ-ຫໍບູຊາບັນພະບູລຸດຂອງປະທານໂຮ່ຈີມິນ ແລະເຂດປູຊະນີຍະສະຖານລະດັບຊາດພິເສດ ກິມລຽນ.
    |
 |
|
ທ່ານເລຂາທິການໃຫຍ່ ໂຕເລິມ ຢ້ຽມຢາມຫໍວາງສະແດງຢູ່ເຂດປູຊະນີຍະສະຖານລະດັບຊາດພິເສດ ກິມລຽນ. ພາບ: ສໍານັກຂ່າວສານຫວຽດນາມ |
ທີ່ເຂດປູຊະນີຍະສະຖານລະດັບຊາດພິເສດ ກິມລຽນ: ທ່ານເລຂາທິການໃຫຍ່ ໂຕເລິມ ແລະຄະນະປະຕິບັດງານສະແດງຄວາມຮູ້ບຸນຄຸນ ແລະຄວາມເຄົາລົບຢ່າງເລິກເຊິ່ງຕໍ່ປະທານໂຮ່ຈີມິນ, ຜູ້ນຳທີ່ຍິ່ງໃຫຍ່ຂອງພັກ ແລະປະຊາຊົນຫວຽດນາມ, ນັກວິລະຊົນປົດປ່ອຍຊາດ. ທ່ານເລຂາທິການໃຫຍ່ ໂຕເລິມ ເນັ້ນໜັກວ່າ ການນຳລຸ້ນຕ່າງໆ ແລະປະຊາຊົນຫວຽດນາມ ໄດ້ຕັດສິນໃຈປະຕິບັດຄຳສັ່ງສອນຂອງປະທານໂຮ່ຈີມິນ ກ່ຽວກັບຄວາມສາມັກຄີ, ເປັນເອກະພາບ, ເສີມຂະຫຍາຍທຸກແຫຼ່ງກຳລັງຢ່າງສຸດຂີດ ເພື່ອນຳພາປະເທດຊາດພັດທະນາໃຫ້ທຽບເທົ່າກັບບັນດາປະເທດມະຫາອຳນາດໃນທົ່ວໂລກ.
|
|
 |
|
ທ່ານເລຂາທິການໃຫຍ່ ໂຕເລິມ ພ້ອມກັບຄະນະປະຕິບັດງານສູນກາງ ຖະຫວາຍດອກໄມ້, ທູບທຽນຢູ່ວິຫານຈຸງເຊີນ. ພາບ: ສໍານັກຂ່າວສານຫວຽດນາມ |
ກ່ອນນັ້ນ, ທ່ານເລຂາທິການໃຫຍ່ ໂຕເລິມ ພ້ອມກັບຄະນະປະຕິບັດງານໄດ້ໄປຖະຫວາຍດອກໄມ້, ທູບທຽນອາໄລຫາປະທານ ໂຮ່ຈີມິນ ແລະຄົນຮັກແພງໃນຄອບຄົວຢູ່ວິຫານຈຸງເຊີນ ເຊິ່ງເປັນຫໍບູຊາບັນພະບູລຸດຂອງປະທານໂຮ່ຈີມິນ ຢູ່ຕາແສງກຽມລຽນ, ເມືອງນາມດານ, ແຂວງ ເງະອານ. ກໍ່ໃນຕອນເຊົ້າວັນທີ 29 ທັນວາ, ທ່ານເລຂາທິການໃຫຍ່ ໂຕເລິມ ພ້ອມດ້ວຍຄະນະ ກໍ່ໄດ້ໄປຢ້ຽມຢາມເຂດອະນຸສອນທ່ານເລຂາທິການໃຫຍ່ ເລຮົ່ງຟອງ, ຢູ່ຕາແສງ ຮືງທົງ, ເມືອງ ຮືງງວຽນ, ແຂວງ ເງະອານ.
ໂດຍ: ທະນາພອນ