ມອບຂອງຂວັນໃຫ້ປະຊາຊົນຢູ່ເຂດຊາຍແດນປະເທດເພື່ອນມິດລາວ
ກປ.ອອນໄລ - ວັນທີ 4 ມັງກອນ, ຄະນະປະຕິບັດງານຄະນະກໍາມະການປະຊາຊົນເມືອງອາເລື້ອຍ, ແຂວງເທື່ອທຽນ-ເຫວ້ ໄດ້ໄປຢ້ຽມຢາມ, ມອບຂອງຂວັນໃຫ້ປະຊາຊົນກຸ່ມບ້ານເຊຊາບ, ເມືອງກະລຶມ, ແຂວງເຊກອງ, ສປປ ລາວ.
|
|
ການນໍາເມືອງ ອາເລື້ອຍ ມອບຂອງຂວັນໃຫ້ແກ່ປະຊາຊົນບ້ານເຊຊາບ. ພາບ: nhandan.com.vn. |
ບ້ານເຊຊາບ ເປັນບ້ານທຸກຍາກທີ່ສຸດ, ຕິດກັບຊາຍແດນເມືອງ ອາເລື້ອຍ. ເບ້ຍໄມ້ກວ່າ 200 ເບ້ຍ ແລະຂອງຂວັນ 46 ພູດແມ່ນອາຫານທີ່ຈໍາເປັນຮັບໃຊ້ຊີວິດປະຈໍາວັນ ຄື: ເຂົ້າ, ໝີ່ໄວໆ, ນໍ້າມັນພືດ, ນໍ້າປາ… ໄດ້ນຳໄປມອບໃຫ້ກັບມືພໍ່ແມ່ປະຊາຊົນໃນບ້ານ.
|
|
ການນໍາເມືອງ ອາເລື້ອຍ ແລະຄ້າຍທະຫານຊາຍແດນເຍິມ ມອບແນວພັນປູກໃຫ້ແກ່ປະຊາຊົນບ້ານເຊຊາບ. ພາບ: nhandan.com.vn. |
|
|
ພະນັກງານການແພດຄ້າຍທະຫານຊາຍແດນເຍິມ ກວດ, ປິ່ນປົວ ພະຍາດ ແລະແຈກຢາຍຢາໃຫ້ແກ່ປະຊາຊົນບ້ານເຊຊາບ ໂດຍບໍ່ເສຍຄ່າ. |
ແລະເນື່ອງໃນໂອກາດນີ້, ແພດໝໍຄ້າຍທະຫານຊາຍແດນເຍິມ, ກອງບັນຊາການທະຫານຊາຍແດນແຂວງເທື່ອທຽນ-ເຫວ້ ກໍ່ໄດ້ຈັດຕັ້ງການກວດ, ປິ່ນປົວພະຍາດ ແລະແຈກຢາຍຢາໂດຍບໍ່ເສຍຄ່າໃຫ້ແກ່ປະຊາຊົນບ້ານເຊຊາບ ຈໍານວນ 237 ຄົນ, ໃຫ້ຄຳປຶກສາແກ່ປະຊາຊົນກ່ຽວກັບການຕ້ານ ແລະປ້ອງກັນພະຍາດບາງປະເພດທີ່ເຄີຍປະສົບ ຄື: ໄຂ້ຍຸງລາຍ, ບັນດາພະຍາດກ່ຽວກັບທາງເດີນອາຫານ, ອະຫິວາ...
ໂດຍ: ໄຊຊະນະ