ຄວາມງາມທີ່ບໍລິສຸດຜຸດຜ່ອງ, ດອກໝັ້ນມົກເຈົາ ໄດ້ກາຍເປັນຈຸດນັດພົບຂອງນັກທ່ອງທ່ຽວຫຼາຍຄົນໃນຍາມລະດູບານໃໝ່ວຽນມາ. ພາບ: qdnd.vn
ຮ່ອມພູ ນ່າກາ; ເຂດປາແຄນ... ເປັນບ່ອນຊົມດອກໝັ້ນຂາວທີ່ສວຍສົດງົດງາມທີ່ສຸດ. ພາບ: qdnd.vn
ດ້ວຍຄວາມງາມທີ່ບໍລິສຸດຜຸດຜ່ອງນັ້ນ, ດອກໝັ້ນມົກເຈົາ ໄດ້ກາຍເປັນຈຸດນັດພົບຂອງນັກທ່ອງທ່ຽວຫຼາຍຄົນໃນຍາມລະດູບານໃໝ່ວຽນມາ. ພາບ: qdnd.vn
ພູພຽງ ມົກເຈົາ ກໍ່ແມ່ນບ່ອນດໍາລົງຊີວິດຂອງຊາວເຜົ່າມົ້ງ ຫຼາຍຄົນ, ມາທີ່ນີ້ ນັກທ່ອງທ່ຽວຈະມີໂອກາດໄດ້ຊອກຮູ້ກ່ຽວກັບຮີດຄອງປະເພນີ ແລະວັດທະນະທຳທີ່ເປັນເອກະລັກສະເພາະຂອງຊາວເຜົ່າມົ້ງ. ພາບ: qdnd.vn
ຕັ້ງຄ້າຍ, ກາງເຕັ້ນນອນໃນທ່າມກາງປ່າດົງ ແລະ ອ້ອມຮອບໄປດ້ວຍຕົ້ນໝາກໝັ້ນທີ່ພວມເບັ່ງບານອວດອ້າງສີສັນ ເຊິ່ງເປັນທ່າອ່ຽງທີ່ຫຼາຍຄອບຄົວ ຫຼື ໄວໜຸ່ມກຳລັງນິຍົມ. ພາບ: qdnd.vn
ສຳລັບຜູ້ທີ່ມັກໄປຕັ້ງຄ້າຍ, ກາງເຕັ້ນນອນ, ຊົມທໍາມະຊາດ, ເຂົາເຈົ້າຈະກະກຽມສິ່ງຂອງຕ່າງໆທີ່ຕົນເອງມັກ ເປັນຕົ້ນແມ່ນແນວຊົງກາເຟ, ອຸປະກອນຟັງເພງ... ພາບ: qdnd.vn
ສຳລັບຄອບຄົວໄວໜຸ່ມໃນປັດຈຸບັນກໍ່ມັກເລືອກເອົາການທ່ອງທ່ຽວປະເພດນີ້ ເພື່ອສອນລູກຂອງເຂົາເຈົ້າ ມີຄວາມຮູ້ກ່ຽວກັບທໍາມະຊາດ ທີ່ຢູ່ອ້ອມຂ້າງ ແລະວິທີປົກປັກຮັກສາສິ່ງແວດລ້ອມ. ພາບ: qdnd.vn
ເອື້ອຍນ້ອງແມ່ຍິງບາງຄົນມັກນຸ່ງຊຸດອາພອນຂອງຊາວເຜົ່າມົ້ງ ແລະຖ່າຍຮູບໄວ້ເປັນທີ່ລະນຶກ. ພາບ: qdnd.vn
ຖ້າເຈົ້າເປັນຄົນມັກຮັກທຳມະຊາດ ແລະຫຼົງໄຫຼໃນການໄປທ່ອງທ່ຽວປະເພດນີ້, ຈົ່ງໄປທ່ຽວຊົມຄວາມສວຍງາມ, ຄວາມສະຫງົບງຽບຢູ່ພູພຽງມົກເຈົາ. ພາບ: qdnd.vn
ກປ.ອອນໄລ - ເມື່ອປີໃໝ່ ແລະລະດູບານໃໝ່ວຽນມາ, ຜູ້ມັກຮັກທຳມະຊາດ, ຕົ້ນໄມ້ໃບຫຍ້າ ແລະດອກໄມ້ໄດ້ “ຈອບຖ້າ” ຊ່ວງເວລາທີ່ສວຍງາມທີ່ສຸດຂອງພູພຽງ ມົກເຈົາ (ເຊີນລາ) ນັ້ນແມ່ນໃນເວລາທີ່ສວນຕົ້ນໝາກໝັ້ນໄດ້ອອກດອກສີຂາວເບັ່ງບານອວດອ້າງສີສັນ ໄດ້ສ້າງເປັນພາບທຳມະຊາດທີ່ສວຍງາມ. ໂດຍສະເພາະແມ່ນໃນເວລາມໍ່ໆມານີ້ ຂະບວນການທ່ຽວທໍາມະຊາດ-ປິກນິກໄດ້ເປັນທີ່ນິຍົມກັນ. ມີຫຼາຍຄອບຄົວໄດ້ເລືອກເອົາການທ່ອງທ່ຽວປະເພດນີ້ເພື່ອເຊື່ອມຕົວເຂົ້າກັບທໍາມະຊາດດ້ວຍການຕັ້ງຄ້າຍ, ກາງເຕັ້ນ ແລະນອນໃນທ່າມກາງສວນດອກໝັ້ນຂາວ.
ໜັງສືພິມກອງທັບປະຊາຊົນເອເລັກໂຕນິກ ຂໍແນະນໍາເຖິງເພື່ອນຜູ້ອ່ານບັນດາຮູບພາບທີ່ສວຍງາມໂດຍນັກຖ່າຍຮູບຍິງ ເລທິເຮືອງຢາງ ຖ່າຍໄວ້.
ໂດຍ: ທະນາພອນ
Type the code from the image
