ພິທີເຮັດໃຫ້ເຮືອນຢູ່ເຢັນເປັນສຸກ ຈັດຂຶ້ນຢູ່ເຮືອນພື້ນເມືອງຂອງຊົນເຜົ່າເມືອງ ຢູ່ໝູ່ບ້ານວັດທະນະທຳ - ທ່ອງທ່ຽວບັນດາເຜົ່າ ຫວຽດນາມ. ພາບ: qdnd.vn
ເພື່ອກະກຽມໃຫ້ພິທີດັ່ງກ່າວ, ເຈົ້າຂອງເຮືອນຕ້ອງກະກຽມພາບູຊາພິທີຕາມເງື່ອນໄຂເສດຖະກິດ. ພາບ: qdnd.vn
ພິເສດ ພາບູຊາພິທີຕ້ອງຕັ້ງສູງກວ່າ, ຫັນໜ້າອອກໄປທາງປະຕູໃຫຍ່, ເປັດບໍ່ອາດຂາດໄດ້ ຍ້ອນວ່າ ເປັດ ເປັນສັນຍາລັກໃຫ້ແກ່ພາຫະນະພາເທບ ພະເຈົ້າລົງມາໂລກມະນຸດ. ພາບ: qdnd.vn
ໝໍເຢົາ ທຳພິທີຖວາຍແກ່ເທບພະເຈົ້າ ແລະ ເຊີນເທບພະເຈົ້າ ມາຮ່ວມພິທີ. ພາບ: qdnd.vn
ພາຍຫຼັງທຳພິທີ, ໝໍເຢົາ ເລົ່ານິທານເລື່ອງ “ເກີດມີດິນ ມີນໍ້າ”. ພາບ: qdnd.vn
ໝໍເຢົາທໍາພິທີໃຫ້ທຸກຄົນໃນເຮືອນຈົ່ງຢູ່ເຢັນເປັນສຸກ ແລະສັດລ້ຽງອອກແມ່ແຜ່ລູກ . ພາບ: qdnd.vn
ພາຍຫຼັງທຳພິທີເຮັດໃຫ້ເຮືອນຢູ່ເຢັນເປັນສຸກແລ້ວ, ໝໍເຢົາຈະທໍາພິທີສູ່ຂວັນ ມັດແຂນໃຫ້ທຸກຄົນ. ພາບ: qdnd.vn
ສິ້ນສຸດພິທີ, ໝໍເຢົາເຊີນທຸກຄົນມາດື່ມເຫຼົ້າໄຫ ແລະ ຮັບໂຊກລາບກັບຄອບຄົວ. ພາບ: qdnd.vn
ກປ.ອອນໄລ - ພິທີເຮັດໃຫ້ເຮືອນຢູ່ເຢັນເປັນສຸກ ແມ່ນໜຶ່ງໃນບັນດາພິທີກຳທີ່ເປັນປະເພນີຂອງຊົນເຜົ່າເມືອງ, ເພື່ອແນໃສ່ຂັບໄລ່ສິ່ງທີ່ບໍ່ດີ, ອະທິຖານພາວັນນາຂໍໃຫ້ຄົນ, ເຮືອນຊານບ້ານຊ່ອງ, ຕົ້ນໄມ້ໃບຫຍ້າ ແລະສັດລ້ຽງໃນຄອບຄົວ ຍາມໃດກໍ່ມີຄວາມສຸກໂຊກດີ, ມີສຸຂະພາບເຂັ້ມແຂງ ແລະທຸກສິ່ງທຸກຢ່າງສົດໃສເຕີບໃຫຍ່ຂະຫຍາຍຕົວ. ພິທີດັ່ງກ່າວໄດ້ຈັດຂຶ້ນໃນໂອກາດຕົ້ນປີໃຫມ່.
ໃນຂອບເຂດສັບປະດາ “ມະຫາສາມັກຄີບັນດາເຜົ່າ - ມໍລະດົກວັດທະນະທຳຫວຽດນາມ” ໄດ້ດໍາເນີນຢູ່ໝູ່ບ້ານວັດທະນະທຳ - ທ່ອງທ່ຽວ ບັນດາເຜົ່າ ຫວຽດນາມ, ໝໍເຢົາ 2 ຄົນ ແມ່ນນັກສິລະປິນດີເດັ່ນ: ບຸ່ຍວັນມິງ ແລະ ບຸ່ຍວັນຫາຍ ຢູ່ແຂວງ ຮວ່າບິ່ງ ໄດ້ສະແດງຕອນຂັບລຳພື້ນເມືອງ ໝໍເມືອງ ໃນພິທີເຮັດໃຫ້ເຮືອນຢູ່ເຢັນເປັນສຸກ-ມໍລະດົກວັດທະນະທໍາ ເຊິ່ງລັດຖະບານກຳລັງສ້າງເອກະສານຍື່ນສະເໜີຕໍ່ UNESCO ຮັບຮອງເປັນມໍລະດົກວັດທະນະທໍາໂລກ.
ໂດຍ: ທະນາພອນ
Type the code from the image