ໄປນອນຄ້າງຄືນ, ຂ້າມນ້ຳຕົກຕາດ ເພື່ອລາດຕະເວນປ້ອງກັນ, ຕ້ານພະຍາດຢູ່ເສັ້ນຊາຍແດນ ຫວຽດນາມ-ລາວ
ກປ.ອອນໄລ - ຕໍ່ໜ້າສະພາບພະຍາດໂຄວິດ-19 ພວມມີການຜັນແປຢ່າງສັບສົນ, ດ້ວຍຈິດໃຈ “ຕ້ານພະຍາດຄືຕ້ານສັດຕູ”, ໃນຊຸມວັນຕົ້ນປີໃໝ່, ບັນດາທະຫານຊາຍແດນຢູ່ເສັ້ນຊາຍແດນຍັງມານະພະຍາຍາມປະຕິບັດ “ເປົ້າໝາຍຄວບຄູ່” ທັງລາດຕະເວນ, ຮັກສາຄວາມໝັ້ນຄົງຢູ່ເຂດຊາຍແດນ, ປົກປັກຮັກສາອະທິປະໄຕຜືນແຜ່ນດິນ, ທັງຕິດຕາມການປ້ອງກັນ, ສະກັດກັ້ນພະຍາດແຜ່ລາມເຂົ້າປະເທດ, ປົກປ້ອງສຸຂະພາບໃຫ້ແກ່ປະຊາຄົມ...
ພ້ອມກັບການລາດຕະເວນ, ຄວບຄຸມຢູ່ຕາມທາງນ້ອຍ, ທາງຊອຍ, ບັນດາຄ້າຍທະຫານຊາຍແດນ ຍັງສົມທົບກັບບັນດາຄະນະ, ຂະແໜງການ, ອົງການຈັດຕັ້ງມະຫາຊົນ, ອໍານາດການປົກຄອງບັນດາຕາແສງ, ເມືອງຊາຍແດນຍູ້ແຮງວຽກງານໂຄສະນາ ເພື່ອໃຫ້ປະຊາຊົນໃນບໍລິເວນເຂົ້າໃຈ ແລະປະຕິບັດຖືກຕາມຂໍ້ກໍານົດຂອງກົດໝາຍວ່າດ້ວຍການເຂົ້າ-ອອກເມືອງຜ່ານຊາຍແດນ; ປະຕິບັດບັນດາມາດຕະການປ້ອງກັນ, ຕ້ານພະຍາດໂຄວິດ-19 ເປັນຢ່າງດີ.
ເພື່ອປົກປັກຮັກສາເຂດຊາຍແດນໄວ້ຢ່າງໝັ້ນຄົງ, ພະນັກງານ, ນັກຮົບທະຫານຊາຍແດນແຂວງຮ່າຕິ້ງ ຍັງຢຶດໝັ້ນຕິດແທດ, ຮັກສາວຽກງານລາດຕະເວນ, ຄວບຄຸມ, ກໍາແໜ້ນສະພາບການຢູ່ເສັ້ນຊາຍແດນຢ່າງເຂັ້ມງວດ; ສາມັກຄີ, ມານະພະຍາຍາມປະຕິບັດໜ້າທີ່ປ້ອງກັນ, ຕ້ານພະຍາດໂຄວິດ-19 ໃຫ້ສໍາເລັດເປັນຢ່າງດີ ແລະປົກປັກຮັກສາອະທິປະໄຕຜືນແຜ່ນດິນ, ຄວາມໝັ້ນຄົງຢູ່ເຂດຊາຍແດນແຫ່ງຊາດໄວ້ຢ່າງໝັ້ນຄົງ.
ໂດຍ: ທະນາພອນ