ການບໍລິການໂທລະຄົມມະນາຄົມຢູ່ຕ່າງປະເທດຂອງ Viettel ສືບຕໍ່ມີທ່າເຕີບໂຕ
ກປ.ອອນໄລ - ຕໍ່ໜ້າການຜັນແປທີ່ສັບສົນຂອງເຊື້ອພະຍາດ Covid-19, ຍອດລາຍຮັບຂອງກຸມບໍລິສັດ Viettel ໃນເດືອນກຸມພາຍັງເພີ່ມຂຶ້ນເມື່ອທຽບໃສ່ໄລຍະດຽວກັນ. ຕາມນັ້ນແລ້ວ, ສິ້ນສຸດເດືອນກຸມພາ, ລາຍຮັບການບໍລິການຂອງ Viettel ບັນລຸ 102% ຕາມແຜນການເດືອນກຸມພາ, ເພີ່ມຂຶ້ນ 12,8% ເມື່ອທຽບໃສ່ໄລຍະດຽວກັນ.
ບັນດາກົມກອງດໍາເນີນທຸລະກິດຜະລິດຕະພັນຫັນເປັນດີຈີຕອນຂອງກຸ່ມບໍລິສັດລ້ວນແຕ່ເຕີບໂຕຢ່າງຈະແຈ້ງ, ລະອຽດແມ່ນບໍລິສັດໃຫຍ່ກ່ຽວກັບວິທີການແກ້ໄຂວິສາຫະກິດ Viettel ເພີ່ມຂຶ້ນ 111%, ບໍລິສັດໃຫຍ່ກ່ຽວກັບການບໍລິການດີຈີຕອນເພີ່ມຂຶ້ນ 107%... ສໍາລັບກຸ່ມໂທລະຄົມມະນາຄົມພາຍໃນປະເທດ ເພີ່ມຂຶ້ນ 8,6% ເມື່ອທຽບໃສ່ໄລຍະດຽວກັນ, ໂທລະຄົມມະນາຄົມຢູ່ຕ່າງປະເທດສືບຕໍ່ມີທ່າເຕີບໂຕ, ໃນເດືອນກຸມພານີ້ໄດ້ເພີ່ມຂຶ້ນ 21,5% ເມື່ອທຽບໃສ່ໄລຍະດຽວກັນຂອງປີກາຍ. ເກືອບທັງໝົດບັນດາຕະຫຼາດຕ່າງປະເທດລ້ວນແຕ່ປະຕິບັດສໍາເລັດແຜນການເດືອນ, ໃນນັ້ນພົ້ນເດັ່ນແມ່ນ Halotel (ເຄື່ອງໝາຍການຄ້າ Viettel ຢູ່ ຕັງຊານີ) ບັນລຸໄດ້ 110% ຂອງແຜນການ.
ຄຽງຂ້າງນັ້ນ, Viettel ຍັງສືບຕໍ່ໜູນຊ່ວຍລັດຖະບານ, ບັນດາກະຊວງ ແລະລູກຄ້າໃນວຽກງານບໍລິຫານປ້ອງກັນ, ສະກັດກັ້ນເຊື້ອພະຍາດ Covid-19: Viettel Solution ສະໜອງການບໍລິການສອນ ແລະຮຽນທາງອອນໄລໃນລະບົບ ViettelStudy ໂດຍບໍ່ເສຍຄ່າ, ສ້າງແອບພລິເຄອະນຸຍາດໃຫ້ລັດຖະບານ ແລະກະຊວງສາທາລະນະສຸກຄຸ້ມຄອງການແຈ້ງອາການສຸຂະພາບຢູ່ບັນດາດ່ານຊາຍແດນ, ສະໜາມບິນ, ທ່າທະເລສາກົນ…
ໜັງສືພິມກອງທັບປະຊາຊົນຫວຽດນາມ ຂໍແນະນໍາເຖິງເພື່ອນຜູ້ອ່ານບັນດາຮູບພາບກ່ຽວກັບການເຄື່ອນໄຫວດໍາເນີນທຸລະກິດຂອງ Viettel ຢູ່ຕະຫຼາດຕ່າງປະເທດ.
ໂດຍ: ຈາງຫງວຽນ