leftcenterrightdel
ບັນດາສະເລີຍເສິກ ຢູແກຼນ ຢູ່ລົດເມ ເມື່ອເຂົາເຈົ້າກັບຄືນເມືອພາຍຫຼັງການແລກປ່ຽນເມື່ອວັນທີ 9 ມິຖຸນາ 2025. ພາບ: REUTERS/Valentyn Ogirenko

ກຸ່ມພົນທະຫານທຳອິດໂດຍ ຢູແກຼນ ແລກປ່ຽນ ແມ່ນບັນດາພົນທະຫານມີອາຍຸຕ່ຳກວ່າ 25 ປີ ປະຈຸບັນ ໄດ້ສົ່ງກັບເມືອເຂດດິນແດນ Belarus ເພື່ອຮັບເອົາການໜູນຊ່ວຍທາງການແພດ ທີ່ຈຳເປັນ. ໃນຂະນະນັ້ນ ລັດເຊຍ ກໍ່ແລກປ່ຽນຈຳນວນສະເລີຍເສິກຢູແກຼນ ທຽບເທົ່າກັນ. ເຖິງຢ່າງໃດກໍຕາມ ສອງຝ່າຍ ບໍ່ເຜີຍຕົວເລກລະອຽດ

ໃນວັນດຽວກັນ, ວັງ Kremlin ຢືນຢັນ ມົດສະກູ ສືບຕໍ່ປະຕິບັດຕາມບັນດາຄຳໝັ້ນສັນຍາທີ່ບັນລຸໄດ້ໃນຂອບເຂດບັນດາການເຈລະຈາສັນຕິພາບ. ໂຄສົກວັງ Kremlin , ທ່ານ Dmitry Peskov ຢືນຢັນ: ລັດເຊຍ ຍາມໃດກໍ່ປະຕິບັດຢ່າງເຂັ້ມງວດບັັນດາຂໍ້ຕົກລົງທີ່ໄດ້ລົງນາມ, ໃນນັ້ນ ມີບັນດາເນື້ອໃນທີ່ກ່ຽວຂ້ອງເຖິງການແລກປ່ຽນສະເລີຍເສິກ ຊຶ່ງໄດ້ຕົກລົງເຫັນດີໃນຮອບເຈລະຈາຢູ່ Istanbul. ໃນຂະນະນັ້ນ ໃນວັນດຽວກັນ, ທ່ານປະທານາທິບໍດີ ຢູແກຼນ Volodymyr Zelensky ຢັ້ງຢືນວ່າ ການແລກປ່ຽນສະເລີຍເສິກ ກັບລັດເຊຍ ພວມດຳເນີນ ແລະການເຄື່ອນໄຫວນີ້ ຈະໄດ້ຮັບການປະຕິບັດຕາມຫຼາຍໄລຍະໃນ “ຊຸມມື້ຈະມາເຖິງ”.

ແຫຼ່ງຄັດຈາກ: vovworld.vn