ອົດສະຕາລີ ໃຫ້ຄຳໝັ້ນສັນຍາຫນູນຊ່ວຍກວ່າ 320 ລ້ານໂດລາສະຫະລັດ ໃຫ້ແກ່ກອງທຶນພັດທະນາອາຊີ
ວັນທີ 3 ພຶດສະພາ ຕາມແຈ້ງການສື່ມວນຊົນຈາກຫ້ອງການລັດຖະມົນຕີການຕ່າງປະເທດ ອົດສະຕາລີ ໃຫ້ຮູ້ວ່າ: ເພື່ອຕອບສະຫນອງຄວາມຕ້ອງການຂອງພາກພື້ນ ແລະປະຕິບັດບັນດາໂຄງການພັດທະນາທີ່ມີລັກສະນະຫັນປ່ຽນຢູ່ທົ່ວມະຫາສະຫມຸດອິນເດຍ - ປາຊີຟິກ, ອົດສະຕາລີ ໃຫ້ຄຳໝັ້ນສັນຍາຫນູນຊ່ວຍຈຳນວນເງິນປະມານ 323 ລ້ານໂດລາສະຫະລັດ ໃຫ້ແກ່ກອງທຶນພັດທະນາ ອາຊີ ໄລຍະ 2025-2028 (ADF14).
ກອງທຶນໂດຍທະນາຄານພັດທະນາ ອາຊີ (ADB) ຄຸ້ມຄອງ ແລະສະຫນອງບັນດາບ້ວງເງິນອຸປະຖຳໃຫ້ແກ່ບັນດາປະເທດພວມພັດທະນາທີ່ມີລາຍຮັບຕ່ຳກວ່າ ເພື່ອປະຕິບັດບັນດາຂໍ້ລິເລີ່ມ ເພື່ອແນໃສ່ຫລຸດຜ່ອນຄວາມທຸກຍາກ ແລະປັບປຸງຄຸນນະພາບຂອງຊີວິດ.
ແຈ້ງການດັ່ງກ່າວກໍ່ໃຫ້ຮູ້ວ່າ: ອົດສະຕາລີ ຮ່ວມມືຢ່າງແຫນ້ນແຟ້ນກັບກອງທຶນພັດທະນາ ອາຊີ ແລະ ADB ເພື່ອຮັບປະກັນການນຳມາເຊິ່ງຜົນປະໂຫຍດໃຫ້ແກ່ພາກພື້ນ ແລະແກ້ໄຂບັນດາບຸລິມະສິດຂອງ ປາຊີຟິກ ໃນນັ້ນ ມີການປ່ຽນແປງຂອງດິນຟ້າອາກາດ.
ແຫຼ່ງຄັດຈາກ: vovworld.vn