ທ່ານຮອງນາຍົກລັດຖະມົນຕີ ໂຮ່ດຶກເຟິກ ເຂົ້າຮ່ວມເວທີປາໄສແຜນການເສດຖະກິດຫວຽດນາມ ຄັ້ງທີ 17
ກປ.ອອນໄລ - ຕອນບ່າຍວັນທີ 7 ມັງກອນ, ເຂົ້າຮ່ວມເວທີປາໄສແຜນການເສດຖະກິດຫວຽດນາມ ຄັ້ງທີ 17, ວາລະຄົບຄະນະລະດູບານໃໝ່ 2025, ທ່ານ ໂຮ່ດຶກເຟິກ ຮອງນາຍົກລັດຖະມົນຕີ ຫວຽດນາມ ຫວັງວ່າ ເວທີປາໄສຈະປະກອບບັນດາຂໍ້ລິເລີ່ມ ເພື່ອໃຫ້ລັດຖະບານ, ບັນດາກະຊວງ, ຂະແໜງການ, ທ້ອງຖິ່ນປັບປຸງມາດຕະການນຳພາ, ຊີ້ນຳບໍລິິຫານໃຫ້ສົມບູນແບບ, ຊຸກຍູ້ພື້ນຖານເສດຖະກິດຂອງປະເທດເຮົາໃຫ້ພັດທະນາຢ່າງແຂງແຮງ, ບັນລຸເປົ້າໝາຍເຕີບໂຕເປັນສອງຕົວເລກຄືຄວາມປາດຖະໜາຂອງການນຳພັກ ແລະ ລັດ.
ທ່ານຮອງນາຍົກລັດຖະມົນຕີ ຂອບໃຈບັນດານັກທຸລະກິດ, ນັກວິທະຍາສາດ, ນັກຄຸ້ມຄອງທີ່ໄດ້ປະກອບສ່ວນອັນໃຫຍ່ຫຼວງເຂົ້າໃນການພັດທະນາປະເທດຊາດໃນຫຼາຍປີຜ່ານມາ; ຫວັງວ່າໃນໄລຍະຈະມາເຖິງຈະໄດ້ຮັບການປະກອບສ່ວນອັນລ້ຳຄ່າ ແລະແທດຈິງຈາກບັນດານັກທຸລະກິດ, ວິສາຫະກິດ, ນັກວິທະຍາສາດ, ນັກຄຸ້ມຄອງໃນການສ້າງສາປະເທດຊາດ, ກໍ່ສ້າງພື້ນຖານເສດຖະກິດຂອງປະເທດເຮົາໃຫ້ພັດທະນາກ້າວເຂົ້າສູ່ສັງກາດໃໝ່, ແມ່ນສັງກາດບືນຕົວຂຶ້ນ, ສັງກາດພັດທະນາ, ວັດທະນາຖາວອນ, ປະຊາຊົນຮັ່ງມີ, ປະເທດຊາດເຂັ້ມແຂງ ແລະຈະເລີນຮຸ່ງເຮືອງ.
    |
 |
|
ທ່ານ ໂຮ່ດຶກເຟິກ ຮອງນາຍົກລັດຖະມົນຕີ ກ່າວຄໍາເຫັນທີ່ກອງປະຊຸມ. ພາບ: ສໍານັກຂ່າວສານຫວຽດນາມ |
ຕາມທ່ານຮອງນາຍົກລັດຖະມົນຕີ ໂຮ່ດຶກເຟິກ ແລ້ວ, ລັດຖະບານພວມສຸມໃສ່ປະຕິບັດ 3 ມາດຕະການບຸກທະລຸ ເຊິ່ງກອງປະຊຸມໃຫຍ່ ຄັ້ງທີ 13 ຂອງພັກ ວາງອອກ, ນັ້ນແມ່ນປັບປຸງລະບອບລະບຽບການ, ກໍ່ສ້າງພື້ນຖານໂຄງລ່າງ ແລະພັດທະນາແຫຼ່ງຊັບພະຍາກອນມະນຸດ.
ເວທີປາໄສແຜນການເສດຖະກິດຫວຽດນາມ ຄັ້ງທີ 17 ດ້ວຍຫົວຂໍ້ “ມາດຕະການບຸກທະລຸ ເພື່ອບັນລຸລະດັບເຕີບໂຕສູງ ແລະພັດທະນາແບບຍືນຍົງໃນສັງກາດໃໝ່”. ດ້ວຍສອງວາລະປະກອບຄຳເຫັນ ແລະໂອ້ລົມສົນທະນາ, ທີ່ເວທີປາໄສ, ບັນດານັກຊ່ຽວຊານ, ນັກເສດຖະສາດ, ນັກຄຸ້ມຄອງໄດ້ແລກປ່ຽນກ່ຽວກັບສະພາບເສດຖະກິດໂລກ ແລະພາກພື້ນໃນປີ 2025, ກາລະໂອກາດ ແລະສິ່ງທ້າທາຍຂອງຫວຽດນາມ; ມາດຕະການບຸກທະລຸບັນລຸເປົ້າໝາຍເຕີບໂຕສູງ ແລະພັດທະນາແບບຍືນຍົງ...
ໂດຍ: ທູຈາງ