ສ້າງຊົນຊັ້ນກຳມະກອນຫວຽດນາມ ທັນສະໄໝ, ໃຫຍ່ໂຕເຂັ້ມແຂງ
ຕອນເຊົ້າວັນທີ 22 ພະຈິກ, ຢູ່ຮ່າໂນ້ຍ, ສະຫະພັນແຮງງານຫວຽດນາມ ສົມທົບກັບສະຖາບັນການເມືອງແຫ່ງຊາດ ໂຮ່ຈີມິນ, ສະພາທິດສະດີສູນກາງ ໄດ້ຈັດກອງປະຊຸມສຳມະນາວິທະຍາສາດ ແຫ່ງຊາດ “ສ້າງຊົນຊັ້ນກຳມະກອນຫວຽດນາມ ທັນສະໄໝ, ໃຫ່ຍໂຕເຂັ້ມແຂງ”.
ກ່າວຄຳເຫັນນະທີ່ນີ້, ທ່ານສາດສະດາຈານ, ປ.ອ ຫງວຽນຊວັນທັງ, ຫົວໜ້າສະຖາບັນການເມືອງແຫ່ງຊາດໂຮ່ຈີມິນ, ປະທານສະພາທິດສະດີສູນກາງ ໄດ້ເນັ້ນໜັກວ່າ ພື້ນຖານຜະລິດອຸດສາຫະກຳທັນສະໄໝຕິດພັນກັບບັນດາຜົນງານດ້ານວິທະຍາສາດເຕັກໂນໂລຢີໃໝ່ສຸດ, ດັ່ງນັ້ນ, ຜູ້ອອກແຮງງານຕ້ອງມີສະມັດຕະພາບການອອກແຮງງານ, ວິໄນແຮງງານ, ລະບົບແນວຄິດວິທະຍາສາດສອດຄ່ອງກັບບັນດາຂະແໜງໃໝ່…
    |
 |
|
ຜູ້ແທນເຂົ້າຮ່ວມກອງປະຊຸມສໍາມະນາ. ພາບ: vov.vn |
ເພື່ອປະຕິບັດພາລະກິດຫັນເປັນອຸດສາຫະກຳສຳເລັດ, ຕ້ອງມີຖັນແຖວກຳມະກອນ, ຜູ້ອອກແຮງງານມີຄວາມສາມາດ, ຄຸນສົມບັດຢ່າງພຽງພໍ ເພື່ອນຳໃຊ້ພື້ນຖານອຸດສາຫາກຳທັນສະໄໝນັ້ນ. ກຳມະກອນດີຈີຕອນ, ກຳມະກອນທັນສະໄໝ, ກຳມະກອນໃຫຍ່ໂຕເຂັ້ມແຂງ ຄືພວກເຮົາລໍຄອຍ. ພວກເຮົາຕ້ອງສວຍໃຊ້ທຸກກາລະໂອກາດ, ຜ່ານຜ່າທຸກສິ່ງທ້າທາຍ, ບາງເທື່ອສິ່ງທ້າທາຍແມ່ນໂອກາດເພື່ອພັດທະນາ. ເປັນເຈົ້າການໃນການເຊື່ອມໂຍງເຂົ້າກັບສາກົນຄືແນວໃດຕິດພັນກັບແຫຼ່ງກຳລັງພາຍໃນປະເທດ.
ປຶກສາຫາລືທີ່ກອງປະຊຸມສຳມະນາ, ນັກຊ່ຽວຊານ, ນັກວິທະຍາສາດຖືວ່າ ການສ້າງຊົນຊັ້ນກຳມະກອນທັນສະໄໝ ແມ່ນຂອດກະກຽມຊັບພະຍາກອນມະນຸດ ໃຫ້ແກ່ໄລຍະຍູ້ແຮງການຫັນເປັນອຸດສາຫະກຳ, ທັນສະໄໝ, ຖືວິທະຍາສາດ, ເຕັກໂນໂລຊີ ແລະນະວັດຕະກຳ ເປັນກຳລັງໜູນແຫ່ງການພັດທະນາ.
ຂ່າວ: ວິທະຍຸກະຈາຍສຽງຫວຽດນາມ