ນັກທ່ອງ​ທ່ຽວ​ສາ​ກົນ ​ມາ​ກວ໋າງນິງ ດ້ວຍ​ກໍາ​ປັ່ນ​​ເພີ່ມ​ຂຶ້ນ​ຢ່າງ​ແຮງ

ນັກທ່ອງທ່ຽວສາກົນຢູ່ ອ່າວຮະລອງ, ກວ໋າງນິງ. ພາບ: ສໍານັກຂ່າວສານຫວຽດນາມ

ການທ່ອງທ່ຽວດ້ວຍກໍາປັ່ນຢູ່ ກວ໋າງນິງ ມີຄວາມຟົດຟື້ນເມື່ອໄດ້ຕ້ອນຮັບກຳປັ່ນສຳລານຂອງຫຼາຍບໍລິສັດກຳປັ່ນໃຫຍ່ໃນທົ່ວໂລກມາທ່ອງທ່ຽວ ແລະລົງຕິວຈິງ. ໃນວັນທີ 12 ພະຈິກ, ກວ໋າງນິງ ໄດ້ຕ້ອນຮັບກຳປັ່ນທ່ອງທ່ຽວ 2 ລຳ ພ້ອມກັບນັກທ່ອງທ່ຽວ ເອີລົບ-ອາເມລິກາ ກວ່າ 4.700 ຄົນ ມາທ່ຽວອ່າວຮະລອງ. ກ່ອນໜ້ານັ້ນ, ກວ໋າງນິງ ກໍ່ໄດ້ຕ້ອນຮັບນັກທ່ອງທ່ຽວສາກົນຜູ້ທີ 3 ລ້ານມາທ່ຽວອ່າວຮະລອງບົນເສັ້ນທາງການເດີນເຮືອລຽບຕາມອາຊີ.

ດ້ວຍທີ່ຕັ້ງພູມີສາດແມ່ນສະຖານທີ່ທ່ອງທ່ຽວໃກ້ທີ່ສຸດສຳລັບຕະຫຼາດທ່ອງທ່ຽວອາຊີເໜືອ, ຄື: ໄຕ້ຫວັນ (ຈີນ), ສ.ເກົາຫຼີ, ຍີ່ປຸ່ນ ໂດຍແມ່ນສະຖານທີ່ທີ່ມີຫຼາຍບໍລິສັດກຳປັ່ນສາກົນມາຂຸດຄົ້ນເພື່ອຮັບໃຊ້ນັກທ່ອງທ່ຽວ, ກວ໋າງນິງ ໄດ້ໂຄສະນາເຜີຍແຜ່ທ່າໄດ້ປຽບທາງດ້ານພື້ນຖານໂຄງລ່າງຢ່າງຄົບຊຸດ, ມີຄວາມສະດວກພ້ອມກັບທິວທັດທຳມະຊາດທີ່ພົ້ນເດັ່ນ ແລະເຂັ້ມຂຸ້ນໄປດ້ວຍວັດທະນະທຳທ້ອງຖິ່ນເພື່ອດຶງດູດບັນດາບໍລິສັດກຳປັ່ນທະເລເຂົ້າທຽບທ່າ.

ຄາດວ່າ, ຮອດເດືອນເມສາ 2025 ຈະມີກຳປັ່ນປະມານ 60 ລຳໂດຍສານສົ່ງນັກທ່ອງທ່ຽວກວ່າ 100.000 ເທື່ອຄົນ ມາກວ໋າງນິງ. ບັນດາກໍາປັ່ນທ່ອງທ່ຽວພວມປະກອບສ່ວນສຳຄັນຊ່ວຍກວ໋າງນິງ ປະຕິບັດສຳເລັດເປົ້າໝາຍຂອງປີ 2024 ດ້ວຍນັກທ່ອງທ່ຽວຈຳນວນ 19 ລ້ານເທື່ອຄົນ, ໃນນັ້ນມີ ນັກທ່ອງທ່ຽວສາກົນ 3,5 ລ້ານເທື່ອຄົນ.

ໂດຍ: ວິທະຍຸກະຈາຍສຽງຫວຽດນາມ