    |
 |
|
ການນໍາກອງບັນຊາການທະຫານຊາຍແດນແຂວງເທື່ອທຽນເຫວ້ ມອບໃບຢັ້ງຢືນໃຫ້ບັນດານັກສໍາມະນາກອນ. ພາບ: |
ທ່ານພັນໂທ ເຈິ່ນມິງຕວ່ານ, ຮອງຫົວໜ້າການທະຫານ, ທັງເປັນຫົວໜ້າເສນາທິການກອງບັນຊາການທະຫານຊາຍແດນແຂວງເທື່ອທຽນເຫວ້ ເຂົ້າຮ່ວມ ແລະຊີ້ນໍາພິທີ. ເຂົ້າຮ່ວມຍັງມີຫົວໜ້າບັນດາຫ້ອງການ, ພະແນກ, ທີ່ກ່ຽວຂ້ອງສັງກັດກອງບັນຊາການທະຫານຊາຍແດນແຂວງ.
|
|
 |
|
ທ່ານພັນໂທ ເຈິ່ນມິງຕວ່ານ ຮອງຫົວໜ້າການທະຫານ, ທັງເປັນຫົວໜ້າເສນາທິການກອງບັນຊາການທະຫານຊາຍແດນແຂວງເທື່ອທຽນເຫວ້ ກ່າວຄໍາເຫັນທີ່ພິທີປິດ. ພາບ: |
ຊຸດຝຶກອົບຮົມດໍາເນີນໃນໄລຍະ 1 ເດືອນ, ນີ້ແມ່ນຈຸດເວລາທີ່ສອງພັກ, ສອງລັດສະເຫຼີມສະຫຼອງ 47 ປີແຫ່ງວັນເຊັນສົນທິສັນຍາມິດຕະພາບ ແລະການຮ່ວມມື (18-7-1977/18-7-2024) ແລະ 62 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ລາວ (5-9-1962/5-9-2024). ມີພະນັກງານ 20 ຄົນຂຶ້ນກັບກອງບັນຊາການທະຫານແຂວງສາລະວັນ (ລາວ) ເຂົ້າຮ່ວມຊຸດຝຶກອົບຮົບ.
ໃນໄລຍະເວລາ 30 ວັນ (ແຕ່ວັນທີ 29 ກັນຍາ ຫາວັນທີ 29 ຕຸລາ 2024, ຊຸດຝຶກອົບຮົມໄດ້ຊ່ວຍບັນດາສະຫາຍພະນັກງານທີ່ເຮັດໜ້າທີ່ຄຸ້ມຄອງປົກປັກຮັກສາຊາຍແດນ ຂຶ້ນກັບກອງບັນຊາການທະຫານແຂວງສາລະວັນ ກໍາແໜ້ນ, ເຂົ້າໃຈໄດ້ບັນຫາເບື້ອງຕົ້ນກ່ຽວກັບວຽກງານຊາຍແດນ, ກ່ຽວກັບສະຖານະການວຽກງານ, ຄຸ້ມຄອງ, ປົກປັກຮັກສາອະທິປະໄຕຄວາມໝັ້ນຄົງຢູ່ເຂດຊາຍແດນ ຫວຽດນາມ-ລາວ ເວົ້າລວມ ແລະຊາຍແດນລະຫວ່າງແຂວງເທື່ອທຽນເຫວ້-ສາລະວັນ ເວົ້າສະເພາະ ເພື່ອໃຫ້ບັນດາສະຫາຍໝູນໃຊ້ເຂົ້າວິວັດການປະຕິບັດງານຕໍ່ໜ້າ.
ຕາມກອງບັນຊາການທະຫານຊາຍແດນແຂວງເທື່ອທຽນເຫວ້ ແລ້ວ, ຜ່ານຊຸດຝຶກຮົມຄັ້ງນີ້, ແນໃສ່ບໍາລຸງສ້າງບາງຄວາມຮູ້ເບື້ອງຕົ້ນກ່ຽວກັບການເມືອງ, ການທະຫານ, ວິຊາສະເພາະຊາຍແດນໃຫ້ພະນັກງານຊາຍແດນຂອງກອງບັນຊາການທະຫານແຂວງສາລະວັນ (ລາວ), ຕອບສະໜອງຄວາມຮຽກຮ້ອງຕ້ອງການຂອງໜ້າທີ່ວຽກງານຄຸ້ມຄອງຊາຍແດນໃນສະພາບການໃໝ່.
|
|
 |
|
ທ່ານພັນໂທ ເຈິ່ນມິງຕວ່ານ ມອບໃບຢ້ັ້ງຢືນໃຫ້ບັນດາສໍາມະນາກອນເຂົ້າຮ່ວມຊຸດຝຶກອົບຮົມວຽກງານຊາຍແດນປີ 2024. |
ກ່າວຄໍາເຫັນທີ່ພິທີປິດ, ທ່ານພັນໂທ ເຈ່ິນມິງຕວ່ານ ເນັ້ນໜັກວ່າ, ດ້ວຍບັນດາຄວາມຮູ້ພື້ນຖານກ່ຽວກັບການຄຸ້ມຄອງ, ປົກປັກຮັກສາຊາຍແດນທີ່ຖອດຖອນມາໄດ້ຈາກຊຸດຝຶກອົບຮົມນີ້ຈະຊ່ວຍໃຫ້ບັນດາສະຫາຍຍົກສູງຄວາມສາມາດ, ລະດັບຄວາມຮູ້, ບົດຮຽນເພື່ອໝູນໃຊ້ເຂົ້າວຽກງານຕົວຈິງ, ພ້ອມກັນສົມທົບກັບກໍາລັງປົກປັກຮັກສາຊາຍແດນແຂວງເທື່ອທຽນເຫວ້ ປະຕິບັດໜ້າທີ່ຄຸ້ມຄອງ, ປົກປັກຮັກສາລະບົບເສັ້ນຊາຍແດນ, ຫຼັກໝາຍຊາຍແດນ, ຮັບປະກັນຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມສອງຟາກຊາຍແດນປະກອບສ່ວນເຂົ້າໃນການກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ຮ່ວມມືພ້ອມກັນພັດທະນາ, ພ້ອມກັນປະຕິບັດທຸກໜ້າທີ່ເຊິ່ງສອງພັກ, ສອງລັດ, ສອງກອງທັບ ໄດ້ໝອບໝາຍໃຫ້ເປັນຢ່າງດີ.
|
|
 |
|
ຄະນະຈັດຕັ້ງ, ຄູອາຈານຖ່າຍຮູບພ້ອມກັບນັກສຳມະນາກອນໃນຊຸດຝຶກອົບຮົບວຽກງານຊາຍແດນໃຫ້ພະນັກງານກອງທັບລາວ. |
ສິ້ນສຸດຊຸດຝຶກອົບຮົມ, 100% ນັກສຳມະນາກອນ ຂຶ້ນກັບກອງບັນຊາການທະຫານຊາຍແດນແຂວງສາລະວັນ ທັງໝົດ (ລາວ) ໄດ້ຮັບໃບຢ້ັງຢືນຂອງຄະນະຈັດຕັ້ງ.
ໂດຍ: ໄຊນີດາ