    |
 |
|
ທ່ານພົນໂທ ຈິ້ງວັນກວຽດ ກ່າວຄໍາເຫັນທີ່ການເຮັດວຽກກັບແຂວງຮ່າຕິ້ງ. ພາບ: qdnd.vn |
|
|
 |
|
ບັນຍາກາດທີ່ການເຮັດວຽກ. ພາບ: qdnd.vn |
ທີ່ແຂວງຮ່າຕິ້ງ, ພາຍຫຼັງຮັບຟັງຜູ້ຕາງໜ້າການນໍາແຂວງ ລາຍງານໝາກຜົນສະພາບເສດຖະກິດ-ສັງຄົມ, ການປ້ອງກັນຊາດ, ປ້ອງກັນຄວາມສະຫງົບທີ່ພົ້ນເດັ່ນຈໍານວນໜຶ່ງຂອງແຂວງໃນປີ 2024, ກ່າວຄໍາເຫັນທີ່ການເຮັດວຽກ, ທ່ານພົນໂທ ຈິ້ງວັນກວຽດ ໄດ້ຍ້ອງຍໍຊົມເຊີຍບັນດາໝາກຜົນກ່ຽວກັບສະພາບເສດຖະກິດ-ສັງຄົມ, ການປ້ອງກັນຊາດ, ປ້ອງກັນຄວາມສະຫງົບ ເຊິ່ງ ຮ່າຕິ້ງ ບັນລຸໄດ້ໃນປີຜ່ານມາ.
|
|
 |
|
ທ່ານພົນໂທ ຈິ້ງວັນກວຽດ ມອບຂອງຂວັນໃຫ້ບັນດາກົມກອງກໍາລັງປະກອບອາວຸດໃນບໍລິເວນແຂວງຮ່າຕິ້ງ. ພາບ: qdnd.vn |
|
|
 |
|
ທ່ານພົນໂທ ຈິ້ງວັນກວຽດ ມອບຂອງຂວັນໃຫ້ຜູ້ຕາງໜ້າຄອບຄົວນະໂຍບາຍໃນບໍລິເວນແຂວງຮ່າຕິ້ງ. ພາບ: qdnd.vn |
ກ້າວສູ່ປີ 2025, ທ່ານພົນໂທ ຈິ້ງວັນກວຽດ ຫວັງວ່າ ຮ່າຕິ້ງ ຈະ “ບຸກທະລຸ” ເພື່ອປະຕິບັດສໍາເລັດບັນດາເປົົ້າໝາຍເຊິ່ງມະຕິກອງປະຊຸມໃຫຍ່ຄັ້ງທີ XIII ຂອງພັກ ໄດ້ວາງອອກ, ກໍຄືບັນດາເປົ້າໝາຍໃນມະຕິຂອງອົງຄະນະພັກແຂວງຮ່າຕິ້ງ ຢ່າງມີໄຊ. ຢາກບັນລຸໄດ້ເປົ້າໝາຍນັ້ນ, ທ່ານພົນໂທ ຈິ້ງວັນກວຽດ ສະເໜີ ຮ່າຕິ້ງ ຕ້ອງສືບຕໍ່ສັບຊ້ອນກົງຈັກການຈັດຕັ້ງໃຫ້ກະທັດຮັດ, ກໍ່ສ້າງລະບົບການເມືອງທີ່ເຄື່ຶອນໄຫວຢ່າງມີປະສິດທິພາບ, ປະສິດທິຜົນ, ພ້ອມທັງເອົາໃຈໃສ່ເຖິງຊີວິດການເປັນຢູ່, ສະຫວັດດີການ, ຄວາມຜາສຸກຂອງປະຊາຊົນ. ໃນວິວັດການພັດທະນາ, ທ່ານພົນໂທ ຈິ້ງວັນກວຽດ ຖືວ່າ ຮ່າຕິ້ງ ຕ້ອງສືບຕໍ່ກວດກາຄືນບັນດາເປົ້າໝາຍ, ໜ້າທີ່ທີ່ມະຕິກອງປະຊຸມໃຫຍ່ອົງຄະນະພັກແຂວງ ໄດ້ວາງອອກ, ຊອກຫາຈຸດທີ່ຍັງຄົງຂ້າງ, ຂໍ້ຈໍາກັດ ເພື່ອໃຫ້ມີມາດຕະການແກ້ໄຂຢ່າງທັນການ. ທ່ານພົນໂທ ຈິ້ງວັນກວຽດ ເຊື່ອໝັ້ນວ່າ ຮ່າຕິ້ງ ຈະສືບຕໍ່ເສີມຂະຫຍາຍນໍ້າໃຈສາມັກຄີ, ບັນຍາກາດໃໝ່, ມີຄວາມຕັດສິນໃຈສູງເພື່ອປະຕິບັດເປົ້າໝາຍທີ່ໄດ້ວາງອອກຢ່າງມີໄຊ, ປະກອບສ່ວນພ້ອມກັບທົ່ວປະເທດ ກ້າວສູ່ສັງກາດບືນຕົວຂຶ້ນຂອງຊາດຢ່າງໝັ້ນແກ່ນ.
ໂອກາດນີ້, ທ່ານພົນໂທ ຈິ້ງວັນກວຽດ ໄດ້ມອບຂອງຂວັນໃຫ້ກອງບັນຊາການທະຫານແຂວງ, ກອງບັນຊາການທະຫານຊາຍແດນແຂວງ, ຕໍາຫຼວດແຂວງ, ສະຫະພັນນັກຮົບເກົ່າແຂວງຮ່າຕິ້ງ ແລະມອບຂອງຂວັນ 600 ພູດໃຫ້ຄອບຄົວນະໂຍບາຍ, ຜູ້ມີຄຸນງາມຄວາມດີທີ່ພົ້ນເດັ່ນ, ຄອບຄົວທຸກຍາກ ແລະກໍາມະກອນທີ່ປະສົບກັບຄວາມຫຍຸ້ງຍາກໃນບໍລິເວນແຂວງຮ່າຕິ້ງ.
ຕໍ່ຈາກນັ້ນ, ທ່ານພົນໂທ ຈິ້ງວັນກວຽດ ແລະຄະນະປະຕິບັດງານ ໄດ້ໄປຖະຫວາຍທູບທຽນ, ດອກໄມ້ອາໄລຫາບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດ, ຊາວໜຸ່ມຕະລຸມບອນຢູ່ເຂດປູຊະນີຍະສະຖານປະຫວັດສາດແຫ່ງຊາດພິເສດ ສາມແຍກ ດົ່ງລົກ.
|
|
 |
|
ທ່ານພົນໂທ ຈິ້ງວັນກວຽດ ຢ້ຽມຢາມ, ອວຍພອນບຸນເຕັດກອງບັນຊາການທະຫານເຂດ 4. ພາບ: qdnd.vn |
|
|
 |
|
ທ່ານພົນໂທ ຈິ້ງວັນກວຽດ ຖ່າຍຮູບເປັນທີ່ລະນຶກພ້ອມກັບການນໍາກອງບັນຊາການທະຫານເຂດ 4 ແລະແຂວງເງະອານ. ພາບ: qdnd.vn |
ໃນວັນດຽວກັນ, ທ່ານພົນໂທ ຈິ້ງວັນກວຽດ ໄດ້ໄປກວດກາ, ຢ້ຽມຢາມ ແລະອວຍພອນບຸນເຕັດພະນັກງານ, ນັກຮົບບັນດາກົມກອງກໍາລັງປະກອບອາວຸດໃນບໍລິເວນທະຫານເຂດ 4, ລວມມີ: ກອງບັນຊາການທະຫານແຂວງ ແລະກອງບັນຊາການທະຫານຊາຍແດນແຂວງຮ່າຕິ້ງ; ກອງບັນຊາການທະຫານແຂວງເງະອານ ແລະກອງບັນຊາການທະຫານເຂດ 4.
|
|
 |
|
ທ່ານພົນໂທ ຈິ້ງວັນກວຽດ ມອບຂອງຂວັນຂອງຄະນະພັກການທະຫານສູນກາງ, ກະຊວງປ້ອງກັນປະເທດ ໃຫ້ບັນດາກົມກອງກໍາລັງປະກອບອາວຸດແຂວງເງະອານ. ພາບ: qdnd.vn |
ທ່ານພົນໂທ ຈິ້ງວັນກວຽດ ຮັບຮູ້ ແລະຍ້ອງຍໍຊົມເຊີຍບັນດາໝາກຜົນພົ້ນເດັ່ນທີ່ບັນດາກົມກອງບັນລຸໄດ້ໃນວຽກງານກຽມພ້ອມສູ້ຮົບ, ອົບຮົມຫັດແອບ, ກໍ່ສ້າງກົມກອງໃຫ້ໝັ້ນຄົງເຂັ້ມແຂງ ແລະເຂົ້າຮ່ວມການສະກັດກັ້ນ ແລະຕ້ານໄພພິບັດທໍາມະຊາດ, ໂລກລະບາດ. ສະຫາຍຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ເນັ້ນໜັກວ່າ ໃນສະພາບການໂລກ ແລະພາກພື້ນມີການຜັນແປຢ່າງສັບສົນ, ພິເສດໃນໂອກາດບຸນປີໃໝ່ປະຈໍາຊາດ, ບັນດາກົມກອງກໍາລັງປະກອບອາວຸດໃນບໍລິເວນທະຫານເຂດ 4 ຕ້ອງສືບຕໍ່ຍົກສູງສະຕິລະວັງຕົວ, ກຽມພ້ອມສູ້ຮົບ “ຕ້ອນຮັບບຸນປີໃໝ່ ແຕ່ບໍ່ລື່ມໜ້າທີ່”, ເປັນເຈົ້າການກໍາແໜ້ນສະພາບການ, ບໍ່ປະໃຫ້ຕົກຢູ່ໃນທ່າຮັບ, ບັງເອີນ. ພ້ອມກັນນັ້ນ, ບັນດາອົງການ, ກົມກອງ ຕ້ອງເອົາໃຈປະຕິບັດວຽກງານແນວຫຼັງກອງທັບໃຫ້ເປັນຢ່າງດີ; ເບິ່ງແຍງດູແລຄອບຄົວນະໂຍບາຍ, ຄອບຄົວທຸກຍາກ; ພົນທະຫານທີ່ປະສົບກັບຄວາມຫຍຸ້ງຍາກ, ປະຕິບັດງານຢູ່ເຂດຫ່າງໄກສອກຫຼີກ, ເຂດຊາຍແດນ, ທະເລໝູ່ເກາະເພື່ອໃຫ້ພະນັກງານ, ນັກຮົບ ແລະຄອບຄົວ ຕ້ອນຮັບລະດູບານໃໝ່ຢ່າງອົບອຸ່ນ, ມີຄວາມອຸ່ນອ່ຽງໃຈປະຕິບັດງານ, ປະຕິບັດສໍາເລັດໜ້າທີ່.
ເນື່ອງໃນໂອກາດບຸນປີໃໝ່ປະຈໍາຊາດປີມະເສັງ 2025, ທ່ານພົນໂທ ຈິ້ງວັນກວຽດ ສົ່ງພອນໄຊອັນປະເສີດທີ່ສຸດມາຍັງພະນັກງານ, ນັກຮົບກໍາລັງປະກອບອາວຸດໃນບໍລິເວນທະຫານເຂດ 4. ສະຫາຍຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ຫວັງວ່າ ພະນັກງານ, ນັກຮົບທຸກຖ້ວນໜ້າຈະສືບຕໍ່ເສີມຂະຫຍາຍມູນເຊື້ອສາມັກຄີ, ແກ້ໄຂຄວາມຫຍຸ້ງຍາກ, ປະຕິບັດສໍາເລັດໜ້າທີ່ທີ່ໄດ້ຮັບມອບໝາຍຢ່າງດີເດັ່ນ, ປົກປັກຮັກສາອະທິປະໄຕຜືນແຜ່ນດິນໄວ້ຢ່າງໝັ້ນຄົງ ແລະຮັກສາຄວາມສະຫງົບສຸກເພື່ອໃຫ້ປະຊາຊົນຕ້ອນຮັບບຸນປີໃໝ່ ຢ່າງເບີກບານມ່ວນຊື່ນ.
ໂດຍ: ໄຊຊະນະ