ທ່ານພົນໂທ ເລກວາງມິງ ຮັບຮູ້, ຍ້ອງຍໍຊົມເຊີຍາຜົນງານອັນພົ້ນເດັ່ນຂອງບັນດາກົມກອງ; ພ້ອມທັງຮຽກຮ້ອງວ່າ ໃນໄລຍະຈະມາເຖິງບັນດາກົມກອງຕ້ອງໃກ້ຊິດຕິດແທດບໍລິເວນ, ໜ້າທີ່ສະເພາະ, ຍົກສູງຄຸນນະພາບການອົບຮົມຫັດແອບ, ຄວາມສາມາດກຽມພ້ອມສູ້ຮົບ, ຄຸນນະພາບກໍ່ສ້າງລະບຽບແບບແຜນ, ຝຶກຝົນຫຼໍ່ຫຼອມລະບຽບວິໄນ ແລະເບິ່ງແຍງດູແລກໍ່ສ້າງກົມກອງມີສີຂຽວ, ສະອາດ, ສວຍງາມ, ໝັ້ນຄົງເຂັ້ມແຂງຮອບດ້ານ “ເປັນແບບຢ່າງ, ພົ້ນເດັ່ນ”. ບັນດາກົມກອງເອົາໃຈໃສ່ເຖິງວຽກງານສຶກສາອົບຮົມມູນເຊື້ອ, ກໍ່ສ້າງຄຸນທາດ, ການຕັດສິນໃຈສູງໃຫ້ພະນັກງານ, ນັກຮົບໃນການປະຕິບັດໜ້າທີ່; ສືບຕໍ່ເອົາໃຈໃສ່ເບິ່ງແຍງດູແລວຽກງານກໍ່ສ້າງພັກ, ຮັກສາຄວາມສາມັກຄີເປັນເອກະພາບ, ສ້າງກໍາລັງແຮງປະຕິບັດທຸກໜ້າທີ່ຢ່າງມີໄຊ; ສ້າງຜົນງານຊົມເຊີຍພັກ, ຊົມເຊີຍລະດູບານໃໝ່, ວັນບຸນໃຫຍ່ຂອງປະເທດໃນປີ 2025. ບັນດາກົມກອງຕ້ອງຊາບຊຶມຄໍາສັ່ງຂອງທຸກຂັ້ນກ່ຽວກັບການຕ້ອນຮັບບຸນປີໃໝ່ປະຈໍາຊາດປີມະເສັງ 2025 ດ້ວຍຈິດໃຈເບີກບານມ່ວນຊື່ນ, ປອດໄພ, ປະຢັດ, ກຽມພ້ອມສູ້ຮົບສູງ.
    |
 |
|
ທ່ານພົນໂທ ເລກວາງມິງ ຢ້ຽມຢາມ, ກວດກາ, ອວຍພອນບຸນເຕັດກົມ 12, ກົມໃຫຍ່ II. |
ຕອນບ່າຍວັນດຽວກັນ, ທ່ານພົນໂທ ເລກວາງມິງ ໄດ້ເປັນປະທານພິທີພົບປະສັງສັນ, ອວຍພອນບຸນເຕັດພະນັກງານ, ລັດຖະກອນ, ນັກຮົບບັນດາອົງການ, ກົມກອງຂຶ້ນກັບກົມໃຫຍ່ການເມືອງທີ່ຕັ້ງທັບໃນບໍລິເວນນະຄອນໂຮ່ຈີມິນ.
* ເນື່ອງໃນໂອກາດບຸນປີໃໝ່ປະຈໍາຊາດປີມະເສັງ 2025, ຕອນບ່າຍວັນທີ 15 ມັງກອນ, ຄະນະປະຕິບັດງານຂອງກົມໃຫຍ່ການເມືອງກອງທັບປະຊາຊົນຫວຽດນາມ ນໍາໂດຍທ່ານພົນຕີ ເຈືອງທຽນໂຕ ຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ໄປຢ້ຽມຢາມ, ກວດກາ ແລະອວຍພອນບຸນເຕັດບັນດາອົງການ: ໜັງສືພິມກອງທັບປະຊາຊົນ; ສູນກະຈາຍສຽງ-ໂທລະພາບກອງທັບ; ວາລະສານວັນນະສິນກອງທັບ; ຫໍສະໝຸດກອງທັບ.
|
|
 |
|
ທ່ານພົນຕີ ເຈືອງທຽນໂຕ ມອບຂອງຂວັນບຸນເຕັດໃຫ້ໜັງສືພິມກອງທັບປະຊາຊົນຫວຽດນາມ. ພາບ: qdnd.vn |
ພາຍຫຼັງຮັບຟັງການລາຍງານຂອງບັນດາອົງການ, ກົມກອງ, ທ່ານພົນຕີ ເຈືອງທຽນໂຕ ຕີລາຄາສູງຜົນງານທີ່ບັນດາອົງການບັນລຸໄດ້ໃນປີ 2024. ພ້ອມທັງ, ຮຽກຮ້ອງໃຫ້ຄະນະພັກ, ຄະນະບັນຊາ ບັນດາອົງການ, ກົມກອງ ສືບຕໍ່ເສີມຂະຫຍາຍບັນດາໝາກຜົນທີ່ບັນລຸໄດ້ໃນປີ 2024, ຕັ້ງໜ້າກໍ່ສ້າງນໍ້າໃຈສາມັກຄີເປັນເອກະພາບໃນຄະນະພັກ, ຄະນະບັນຊາ; ເປັນເຈົ້າການແກ້ໄຂຄວາມຫຍຸ້ງຍາກ, ປະຕິບັດສໍາເລັດໜ້າທີ່ທີ່ໄດ້ຮັບມອບໝາຍຢ່າງດີເດັ່ນ; ເບິ່ງແຍງດູແລຊີວິດການເປັນຢູ່ໃຫ້ພະນັກງານ, ນັກຮົບ ແລະຄອບຄົວນະໂຍບາຍໃຫ້ເປັນຢ່າງດີ; ຈັດຕັ້ງປະຕິບັດແຜນການຕ້ອນຮັບບຸນປີໃໝ່ປະຈໍາຊາດຢ່າງຮັດກຸມ, ຮັກສາໜ້າທີ່ປະຈໍາການກຽມພ້ອມສູ້ຮົບຢ່າງເຂັ້ມງວດ, ຮັບປະກັນຄວາມປອດໄພ. ບັນດາອົງການສື່ມວນຊົນຍູ້ແຮງການໂຄສະນາກໍານົດທິດຄວາມຮັບຮູ້, ແນວຄິດໃຫ້ທົ່ວກອງທັບ, ທົ່ວປວງຊົນກ່ຽວກັບແຜນນະໂຍບາຍ, ນະໂຍບາຍຂອງພັກ, ລັດ, ສ້າງຄວາມເຫັນດີເຫັນພ້ອມຂອງທົ່ວປວງຊົນໃນການຮ່ວມແຮງຮ່ວມໃຈກໍ່ສ້າງປະເທດ ຫວຽດນາມ ໃຫ້ຈະເລີນຮຸ່ງເຮືອງ, ຜາສຸກ.
ເນື່ອງໃນໂອກາດນີ້, ຕາງໜ້າການນໍາກົມໃຫຍ່ການເມືອງກອງທັບປະຊາຊົນຫວຽດນາມ, ທ່ານພົນຕີ ເຈືອງທຽນໂຕ ໄດ້ມອບຂອງຂວັນບຸນເຕັດໃຫ້ບັນດາອົງການ, ກົມກອງ, ພ້ອມທັງສົ່ງຄໍາອວຍພອນປີໃໝ່່ມາຍັງພະນັກງານ, ລັດຖະກອນ, ນັກຮົບທຸກຖ້ວນໜ້າ ພ້ອມດ້ວຍຄອບຄົວປີໃໝ່ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະປະສົບຜົນສໍາເລັດຢ່າງຈົບງາມ.
* ວັນທີ 15 ມັງກອນ, ທ່ານພົນຕີ ໂດ໋ຊວນຕຸ້ງ ຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ພ້ອມດ້ວຍຄະນະປະຕິບັດງານ ໄດ້ໄປຢ້ຽມຢາມ, ກວດກາກອງພົນນ້ອຍ 11 (ຕໍາຫຼວດທະເລເຂດ 1), ທະຫານຊາຍແດນ ດ່ານທ່າເຮືອ ຫາຍຟ່ອງ (ທະຫານຊາຍແດນນະຄອນຫາຍຟ່ອງ), ກອງບັນຊາການທະຫານນະຄອນຫາຍຟ່ອງ ແລະກອງພົນນ້ອຍລູກສອນໄຟຝັ່ງທະເລ 679 (ທະຫານເຮືອເຂດ 1).
|
|
 |
|
ທ່ານພົນຕີ ໂດ໋ຊວນຕຸ້ງ ມອບຂອງຂວັນຂອງຄະນະພັກການທະຫານສູນກາງ, ກະຊວງປ້ອງກັນປະເທດ ໃຫ້ກອງພົນນ້ອຍ 11 (ຕໍາຫຼວດທະເລເຂດ 1). ພາບ: qdnd.vn |
ທ່ານພົນຕີ ໂດ໋ຊວນຕຸ້ງ ສະເໜີບັນດາກົມກອງກອງທັບໃນບໍລິເວນນະຄອນຫາຍຟ່ອງ ຕ້ອງແລກປ່ຽນຂໍ້ມູນຂ່າວສານເປັນປະຈໍາເພື່ອກໍາແໜ້ນສະພາບການ, ຕັ້ງໜ້າສົມທົບກັບອົງການທີ່ກ່ຽວຂ້ອງທ້ອງຖິ່ນຮັກສາຄວາມໝັ້ນຄົງດ້ານການເມືອງ, ຄວາມປອດໄພໃນສັງຄົມ; ຮັກສາວຽກງານເວນຍາມປະຈໍາການ, ກຽມພ້ອມສູ້ຮົບຢ່າງເຂັ້ມງວດ, ບໍ່ປະໃຫ້ຕົກຢູ່ໃນທ່າຮັບ, ບັງເອີນ.
ສົ່ງຄໍາອວຍພອນປີໃໝ່ ແລະມອບຂອງຂວັນບຸນເຕັດຂອງຄະນະພັກການທະຫານສູນກາງ, ກະຊວງປ້ອງກັນປະເທດ ໃຫ້ພະນັກງານ, ນັກຮົບ, ສະຫາຍຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ຮຽກຮ້ອງໃຫ້ບັນດາກົມກອງ ຈັດຕັ້ງໃຫ້ທະຫານ ໄດ້ຕ້ອນຮັບບຸນປີໃໝ່ປະຈໍາຊາດປີມະເສັງ 2025 ຢ່າງອົບອຸ່ນ, ເບີກບານມ່ວນຊື່ນ, ປອດໄພ, ປະຢັດ...
* ຕອນບ່າຍວັນທີ 15 ມັງກອນ, ຄະນະປະຕິບັດງານຂອງກົມໃຫຍ່ເສນາທິການກອງທັບປະຊາຊົນຫວຽດນາມ ນໍາໂດຍ ທ່ານພົນຕີ ຫງວຽນຈ້ອງບິ່ງ ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ ໄດ້ລົງກວດກາວຽກງານກຽມພ້ອມສູ້ຮົບ, ຈັດຕັ້ງການຕ້ອນຮັບບຸນປີໃໝ່ປະຈໍາຊາດ ປີມະເສັງ 2025 ຢູ່ກອງພົນນ້ອຍລົດຕັງຍານເກາະ 273 (ກອງພົນໃຫຍ່ 34).
|
|
 |
|
ທ່ານພົນຕີ ຫງວຽນຈ້ອງບິ່ງ ຖ່າຍຮູບລວມກັບພະນັກງານກອງພົນນ້ອຍລົດຕັງຍານເກາະ 273. ພາບ: qdnd.vn |
ພາຍຫຼັງກວດກາຕົວຈິງ, ທ່ານພົນຕີ ຫງວຽນຈ້ອງບິ່ງ ໄດ້ຍ້ອງຍໍຊົມເຊີຍກອງພົນນ້ອຍລົດຕັງຍານເກາະ 273 ທີ່ໄດ້ປະຕິບັດວຽກງານກຽມພ້ອມສູ້ຮົບ, ວຽກງານກະກຽມຕ້ອນຮັບບຸນປີໃໝ່ປະຈໍາຊາດເປັນຢ່າງດີ; ພ້ອມທັງຮຽກຮ້ອງໃຫ້ກົມກອງ ຊາບຊຶມຢ່າງເລິກເຊິ່ງບັນດາມະຕິ, ຄໍາສັ່ງຂອງຂັ້ນເທິງ, ປະສານສົມທົບກັບຄະນະພັກ, ອໍານາດການປົກຄອງ, ບັນດາກໍາລັງທີ່ກ່ຽວຂ້ອງ ກໍາແໜ້ນສະພາບການໃນບໍລິເວນ, ກະກຽມກໍາລັງ, ພາຫະນະຢ່າງຄົບຖ້ວນ, ແກ້ໄຂກໍລະນີຢ່າງມີປະສິດທິຜົນ. ກະກຽມຕ້ອນຮັບນັກຮົບໃໝ່ ແລະອົບຮົມຫັດແອບ ປີ 2025, ຕ້ອນຮັບບຸນປີໃໝ່ປະຈໍາຊາດ ປີມະເສັງ 2025 ຢ່າງໜັກແໜ້ນ, ຮອບດ້ານ, ຮັບປະກັນໃຫ້ທະຫານໄດ້ຕ້ອນຮັບບຸນເຕັດ ຢ່າງເບີກບານມ່ວນຊື່ນ, ປອດໄພ.
ເນື່ອງໃນໂອກາດບຸນປີໃໝ່ປະຈໍາຊາດ, ທ່ານພົນຕີ ຫງວຽນຈ້ອງບິ່ງ ໄດ້ສົ່ງອໍາພອນປີໃໝ່ມາຍັງພະນັກງານ, ນັກຮົບກອງພົນນ້ອຍລົດຕັງຍານເກາະ 273 ທຸກຖ້ວນໜ້າ ປີໃໝ່ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະປະສົບຜົນສໍາເລັດຢ່າງຈົບງາມ ແລະມອບຂອງຂວັນຂອງກົມໃຫຍ່ເສນາທິການກອງທັບປະຊາຊົນຫວຽດນາມ ໃຫ້ກົມກອງ.
ໂດຍ: ໄຊຊະນະ