ຕີລາຄາສູງບັນດາຜົນງານພົ້ນເດັ່ນຂອງໂຮງໝໍເສນາຮັກ 175 ໃນໄລຍະຜ່ານມາ, ທ່ານພົນໂທ ເລກວາງມິງ ສະເໜີຄະນະພັກ, ຄະນະອໍານວຍການໂຮງໝໍ ສືບຕໍ່ນໍາພາຍົກສູງຄຸນນະພາບວຽກງານວິຊາການ, ເສີມຂະຫຍາຍກໍາລັງ, ຄວາມສາມາດບົ່ມຊ້ອນໃຫ້ຫຼາຍສຸດ ແລະພັດທະນາບັນດາເຕັກນິກສູງ... ຍາມໃດກໍ່ແມ່ນໂຮງໝໍທີ່ໄວ້ເນື້ອເຊື່ອໃຈໃນການກວດ, ປິ່ນປົວພະຍາດໃຫ້ທະຫານ ແລະປະຊາຊົນ. ເນື່ອງໃນໂອກາດບຸນປີໃໝ່ປະຈໍາຊາດ 2025, ໂຮງໝໍຕ້ອງຈັດຕັ້ງຜັນຂະຫຍາຍບັນດາແຜນການຢ່າງເຂ້ັມງວດ, ລອບຄອບຖີ່ຖ້ວນຮັບປະກັນເວນຍາມກຽມພ້ອມສູ້ຮົບ, ພະຍາບານສຸກເສີນ, ປິ່ນປົວ, ເອົາໃຈໃສ່ເບິ່ງແຍງດູແລພະນັກງານ, ຜູ້ອອກແຮງງານປະສົບກັບຄວາມຫຍຸ້ງຍາກ, ເບິ່ງແຍງດູແລຄົນເຈັບທີ່ນອນໂຮງໝໍໃນໂອກາດບຸນເຕັດທີ່ປະສົບກັບຄວາມຫຍຸ້ງຍາກພິເສດ...
    |
 |
|
ທ່ານພົນໂທ ເລກວາງມິງ ມອບຂອງຂວັນຂອງຄະນະພັກການທະຫານສູນກາງ, ກະຊວງປ້ອງກັນປະເທດ ໃຫ້ໂຮງໝໍເສນາຮັກ 175. ພາບ: qdnd.vn |
ທີ່ກອງ K70 (ພະແນກການເມືອງ, ທະຫານເຂດ 7), ທ່ານພົນໂທ ເລກວາງມິງ ຮັບຮູ້ ແລະຕີລາຄາສູງຄຸນທາດ, ສະຕິການເມືອງຂອງພະນັກງານ, ນັກຮົບກອງ K70 ໃນການປະຕິບັດໜ້າທີ່, ພ້ອມທັງແບ່ງປັນກັບຄວາມຫຍຸ້ງຍາກຂອງກອງ K70 ໃນວຽກງານຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດຢູ່ປະເທດເພື່ອນມິດກໍາປູເຈຍ. ພ້ອມທັງກໍາແໜ້ນຂໍ້ມູນ, ສືບຕໍ່ຈັດຕັ້ງຜັນຂະຫຍາຍການປະຕິບັດໜ້າທີ່ຢ່າງລອບຄອບຖີ່ຖ້ວນ, ຮັບປະກັນປະສິດທິຜົນ, ຄວາມປອດໄພ. ກົມກອງຕ້ອງເອົາໃຈໃສ່ເປັນພິເສດເຖິງວຽກງານຂົນຂວາຍປະຊາຊົນເປັນຢ່າງດີ, ຍາມໃດກໍ່ເສີມຂະຫຍາຍຄຸນທາດ, ຮູບພາບທະຫານລຸງໂຮ່ ເມື່ອປະຕິບັດໜ້າທີ່ຢູ່ປະເທດເພື່ອນ, ເພີ່ມພູນຄູນສ້າງນໍ້າໃຈສາມັກຄີມິດຕະພາບຢ່າງບໍ່ຢຸດຢັ້ງ.
* ໃນວັນດຽວກັນ, ຄະນະປະຕິບັດງານຄະນະພັກການທະຫານສູນກາງ, ກະຊວງປ້ອງກັນປະເທດ ນໍາໂດຍທ່ານພົນໂທ ເລກວາງມິງ ຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ໄປຢ້ຽມຢາມ, ກວດກາວຽກງານກຽມພ້ອມສູ້ຮົບ, ອວຍພອນບຸນເຕັດຢູ່ກົມກອງ: ກອງບັນຊາການທະຫານແຂວງອານຢາງ, ກອງບັນຊາການທະຫານຊາຍແດນ ແລະກອງບັນຊາການທະຫານແຂວງເບ໊ນແຈ; ອວຍພອນບຸນເຕັດທ່ານພົນເອກ ເລວັນຢຸງ ອະດີດຫົວໜ້າກົມໃຫຍ່ການເມືອງ ກອງທັບປະຊາຊົນຫວຽດນາມ ແລະທ່ານພົນໂທ ບຸ່ຍວັນຫ໊ວນ ອະດີດຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ.
ຕາງໜ້າຄະນະປະຕິບັດງານ, ທ່ານພົນໂທ ເລກວາງມິງ ຮັບຮູ້, ຕີລາຄາສູງໝາກຜົນທີ່ບັນລຸໄດ້ຂອງບັນດາກົມກອງໃນໄລຍະຜ່ານມາ. ພ້ອມທັງໃສ່ໃຈບັນດາກົມກອງໃນໄລຍະຈະມາເຖິງຕ້ອງສຸມໃສ່ຊີ້ນໍາ, ນໍາພາຈັດຕັ້ງກອງປະຊຸມໃຫຍ່ພັກທຸກຂັ້ນຢ່າງແໜ້ນແຟ້ນ, ປະສົບຜົນສຳເລັດ, ຖືກຕາມກຳນົດ; ປະຕິບັດວຽກງານກໍ່ສ້າງພັກ, ວຽກງານປ້ອງກັນການເມືອງພາຍໃນເປັນຢ່າງດີ; ສືບຕໍ່ຊາບຊຶມ, ປະຕິບັດໜ້າທີ່ກຽມພ້ອມສູ້ຮົບຢ່າງເຂັ້ມງວດ, ພິເສດແມ່ນໃນໂອກາດບຸນປີໃໝ່ປະຈໍາຊາດ 2025.
ໄປຢ້ຽມຢາມ, ອວຍພອນບຸນເຕັດບັນດາສະຫາຍອະດີດການນໍາກົມໃຫຍ່ການເມືອງ ກອງທັບປະຊາຊົນຫວຽດນາມ, ທ່ານພົນໂທ ເລກວາງມິງ ໄດ້ແຈ້ງໃຫ້ຊາບກ່ຽວກັບສະພາບການໂລກ, ພາກພື້ນ, ໝາກຜົນພົ້ນເດັ່ນຂອງພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດ, ກົມໃຫຍ່ການເມືອງ ໃນປີ 2024 ແລະບາງໜ້າທີ່ຈຸດສຸມໃນໄລຍະຈະມາເຖິງ; ສົ່ງຄໍາອວຍພອນປີໃໝ່ເຖິງບັນດາສະຫາຍ ແລະຄອບຄົວຈ່ົງມີສຸຂະພາບເຂັ້ມແຂງ, ຢູ່ດີມີແຮງ, ສືບຕໍ່ມີການປະກອບສ່ວນຫຼາຍຢ່າງໃຫ້ຄະນະພັກການທະຫານສູນກາງ, ກະຊວງປ້ອງກັນປະເທດ, ກົມໃຫຍ່ການເມືອງ; ຍາມໃດກໍ່ແມ່ນແບບຢ່າງເພື່ອໃຫ້ພະນັກງານ, ນັກຮົບລຸ້ນຕ່າງໆປະຕິບັດຕາມ.
* ຕອນບ່າຍວັນທີ 13 ມັງກອນ, ຄະນະປະຕິບັດງານຂອງຄະນະພັກການທະຫານສູນກາງ, ກະຊວງປ້ອງກັນປະເທດ ນໍາໂດຍທ່ານພົນຕີ ເຈືອງທຽນໂຕ ຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ໄປຢ້ຽມຢາມ, ກວດກາ, ອວຍພອນບຸນເຕັດຢູ່ບັນດາກົມກອງ: ກອງບັນຊາການທະຫານເຂດ 5, ກອງບັນຊາການທະຫານນະຄອນດ່ານັງ, ກອງບັນຊາການທະຫານເຮືອເຂດ 3, ກອງພົນນ້ອຍ 83 (ເຫຼົ່າທັບເຮືອ) ແລະບັນດາກົມກອງສັງກັດກົມໃຫຍ່ການເມືອງ ກອງທັບປະຊາຊົນທີ່ຕັ້ງທັບຢູ່ນະຄອນດ່ານັງ.
|
|
 |
|
ທ່ານພົນຕີ ເຈືອງທຽນໂຕ ຢ້ຽມຢາມ, ມອບຂອງຂວັນ ແລະອວຍພອນບຸນເຕັດກອງບັນຊາການທະຫານເຂດ 5. ພາບ: qdnd.vn |
ຜ່ານການກໍາແໜ້ນສະພາບການ ແລະຮັບຟັງການນໍາ, ຜູ້ບັນຊາການບັນດາກົມກອງລາຍງານໝາກຜົນພົ້ນເດັ່ນໃນປີ 2024; ວຽກງານກະກຽມຕ້ອນຮັບບຸນປີໃໝ່ປະຈໍາຊາດ 2025, ຕ້ອນຮັບນັກຮົບໃໝ່, ວຽກງານຝຶກແອບປີ 2025, ທ່ານພົນຕີ ເຈືອງທຽນໂຕ ຮັບຮູ້, ຊົມເຊີຍໝາກຜົນ, ຜົນງານບັນລຸໄດ້ຂອງກົມກອງໃນປີຜ່ານມາ; ພ້ອມທັງຮຽກຮ້ອງການນໍາ, ຜູ້ບັນຊາການກົມກອງສືບຕໍ່ຊາບຊຶມ, ຜັນຂະຫຍາຍຄໍາສັ່ງ, ມະຕິທຸກຂັ້ນກ່ຽວກັບໜ້າທີ່ປີ 2025, ກ່ຽວກັບການກຽມພ້ອມສູ້ຮົບ ແລະຈັດຕັ້ງບຸນປີໃໝ່ປະຈຳຊາດ 2025 ຢ່າງເຂັ້ມງວດ; ສຶກສາອົບຮົມໃຫ້ພະນັກງານ, ນັກຮົບຍົກສູງຈິດໃຈຮັບຜິດຊອບໃນການປະຕິບັດໜ້າທີ່ການເມືອງ; ຮັກສາລະບົບເວນຍາມກຽມພ້ອມສູ້ຮົບ, ຮັບປະກັນຄວາມປອດໄພກ່ຽວກັບມະນຸດ, ອາວຸດຍຸດໂທປະກອນ, ສາງ, ຄ້າຍທະຫານຢ່າງເດັດຂາດ. ຕາມພາລະບົດບາດ, ໜ້າທີ່, ບັນດາກົມກອງປະສານສົມທົບກັນຢ່າງແໜ້ນແຟ້ນ, ກໍາແໜ້ນສະພາບການ, ເປັນເສນາທິການ, ແກ້ໄຂບັນດາສະພາວະການຢ່າງມີປະສິດທິຜົນ, ບໍ່ປະໃຫ້ຕົກຢູ່ໃນທ່າຮັບ, ບັງເອີນຢ່າງທັນການ; ຍົກສູງຄຸນນະພາບວຽກງານໂຄສະນາ, ໂດຍສະເພາະແມ່ນການເຄື່ອນໄຫວຝຶກແອບ, ກຽມພ້ອມສູ້ຮົບຂອງບັນດາກົມກອງກອງທັບ ແລະຊີວິດການເປັນຢູ່ຂອງພະນັກງານ, ນັກຮົບ, ປະຊາຊົນໃນບໍລິເວນ.
ເນື່ອງໃນໂອກາດນີ້, ທ່ານພົນຕີ ເຈືອງທຽນໂຕ ໄດ້ມອບຂອງຂວັນບຸນເຕັດຂອງຄະນະພັກການທະຫານສູນກາງ, ກະຊວງປ້ອງກັນປະເທດໃຫ້ພະນັກງານ, ນັກຮົບກົມກອງຕ່າງໆ.
ໂດຍ: ດັ້ງເກື່ອງ