ໃນໄລຍະ 5 ປີຜ່ານມາ, ພາຍໃຕ້ການນຳພາຂອງພັກ ແລະການຄຸ້ມຄອງ, ບໍລິຫານຂອງລັດ, ທຸກຂັ້ນ, ທຸກຂະແໜງການຈາກສູນກາງລົງຮອດທ້ອງຖິ່ນໄດ້ຊາບຊຶມ, ປະຕິບັດດຳລັດສະບັບເລກທີ 21/2019/NĐ-CP ຂອງລັດຖະບານ ຢ່າງເຂັ້ມງວດ, ມີປະສິດທິຜົນ. ລະບົບກົດໝາຍ, ກົນໄກ, ນະໂຍບາຍກ່ຽວກັບການປ້ອງກັນຊາດ-ປ້ອງກັນຄວາມສະຫງົບໄດ້ຮັບການເພີ່ມເຕີມ ແລະປັບປຸງໃຫ້ສົມບູນແບບເທື່ອລະກ້າວ; ກົນໄກຄະນະພັກນໍາພາ, ອໍານາດການປົກຄອງຄຸ້ມຄອງ ແລະບໍລິຫານ, ບັນດາຄະນະ, ຂະແໜງການ, ແນວໂຮມປະເທດຊາດ, ອົງການຈັດຕັ້ງທ້ອງຖິ່ນ, ແກ່ນສານແມ່ນອົງການການທະຫານ, ຕຳຫຼວດ, ທະຫານຊາຍແດນເປັນເສນາທິການ ແລະຈັດຕັ້ງປະຕິບັດໄດ້ດຳເນີນຢ່າງສະດວກສະບາຍ, ຄົບຊຸດ, ມີໄຫວພິບ ແລະມີປະສິດທິຜົນ.
    |
 |
|
ທ່ານພົນເອກ ຟານວັນຢາງ ເປັນປະທານກອງປະຊຸມ. ພາບ: ໂງຫວຽດຈູງ |
ຄວາມຮັບຮູ້, ຄວາມຮັບຜິດຊອບຂອງທຸກຂັ້ນ, ທຸກຂະແໜງການ, ຖັນແຖວພະນັກງານ, ສະມາຊິກພັກ ແລະທົ່ວປວງຊົນໄດ້ຮັບການຍົກສູງຂຶ້ນ, ເສີມຂະຫຍາຍກຳລັງແຮງສັງລວມໃນການສ້າງການປ້ອງກັນທະຫານເຂດ, ເຂດປ້ອງກັນໃຫ້ນັບມື້ນັບໝັ້ນຄົງເຂັ້ມແຂງ. ຄຸນນະພາບສັງລວມ, ກໍາລັງແຮງສູ້ຮົບຂອງກໍາລັງປະກອບອາວຸດປະຊາຊົນ, ຄວາມສາມາດປ້ອງກັນຂອງປະເທດໄດ້ຮັບການເພີ່ມທະວີ; ປະກອບສ່ວນປົກປັກຮັກສາເອກະລາດ, ອະທິປະໄຕ ແລະຜືນແຜ່ນດິນອັນຄົບຖ້ວນຂອງປະເທດຊາດ, ຮັກສາຄວາມໝັ້ນຄົງແຫ່ງຊາດ, ຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມ, ສ້າງສະພາບແວດລ້ອມແຫ່ງສັນຕິພາບ, ສະຖຽນລະພາບເພື່ອສ້າງສາ ແລະພັດທະນາປະເທດຊາດ.
|
|
 |
|
ທ່ານພົນເອກ ຟານວັນຢາງ ກ່າວຄໍາເຫັນຊີ້ນໍາ. ພາບ: ໂງຫວຽດຈູງ |
ສະຫຼຸບທີ່ກອງປະຊຸມ, ທ່ານພົນເອກ ຟານວັນຢາງ ຮຽກຮ້ອງໃຫ້ຄະນະພັກການທະຫານສູນກາງ, ກະຊວງປ້ອງກັນປະເທດ ເພີ່ມທະວີການນໍາພາ, ຊີ້ນໍາອົງການ, ກົມກອງໃນທົ່ວກອງທັບສືບຕໍ່ເອົາໃຈໃສ່ຊາບຊຶມ, ປະຕິບັດແນວທາງ, ທັດສະນະຂອງພັກ, ແຜນນະໂຍບາຍ, ນະໂຍບາຍ, ກົດໝາຍຂອງລັດກ່ຽວກັບໜ້າທີ່ປ້ອງກັນຊາດ, ປ້ອງກັນຄວາມສະຫງົບ, ສ້າງສາ ແລະປົກປັກຮັກສາປະເທດຊາດ. ...
ທ່ານພົນເອກ ຟານວັນຢາງ ຮຽກຮ້ອງໃຫ້ກົມໃຫຍ່ເສນາທິການກອງທັບປະຊາຊົນຫວຽດນາມ ປັບປຸງຮ່າງບົດລາຍງານປະເມີນຜົນຢ່າງຮີບດ່ວນ, ເພື່ອຮັບເອົາຄໍາເຫັນຈາກບັນດາກະຊວງ, ຂະແໜງການ, ທ້ອງຖິ່ນ ແລະສັງລວມ, ລາຍງານຕໍ່ນາຍົກລັດຖະມົນຕີ ໃນເດືອນມັງກອນ 2025.
ໂດຍ: ທະນາພອນ