ບັນດາກົມກອງຮັກສາແບບແຜນຕາມລະບຽບຫຼວງ, ລະບອບເວນຍາມກຽມພ້ອມສູ້ຮົບ

ຄະນະປະຕິບັດງານໄດ້ລົງກວດກາຢູ່ບັນດາກົມກອງ: ກອງພົນ 377  (ເຫຼົ່າທັບປ້ອງກັນອາກາດ-ທະຫານອາກາດ), ກອງພົນນ້ອຍ 293 (ເຫຼົ່າຮົບຊ່າງແສງ) ແລະບາງກົມກອງຂຶ້ນກັບເຫຼົ່າທັບເຮືອ. ຜ່ານການກວດກາ, ທ່ານພົນເອກ ຫງວຽນເຕິນເກືອງ ໄດ້ຮັບຮູ້ ແລະຍ້ອງຍໍບັນດາກົມກອງທີ່ໄດ້ຊາບຊຶມ, ປະຕິບັດຕາມຄຳສັ່ງຂອງກະຊວງປ້ອງກັນປະເທດ, ຂໍ້ກໍານົດ, ແນະນຳຂອງຂັ້ນເທິງກ່ຽວກັບການປະຕິບັດແບບແຜນຕາມລະບຽບຫຼວງ, ລະບອບເວນຍາມກຽມພ້ອມສູ້ຮົບ, ຜ່ານຜ່າທຸກຄວາມຫຍຸ້ງຍາກ, ປະຕິບັດສຳເລັດໜ້າທີ່ທີ່ໄດ້ຮັບມອບໝາຍ, ບໍ່ປະໃຫ້ຕົກຢູ່ໃນທ່າຮັບໂດຍບັງເອີນໃນທຸກສະພາວະການຢ່າງເຂັ້ມງວດ.

ທ່ານພົນເອກ ຫງວຽນເຕິນເກືອງ ມອບຂອງຂວັນບຸນເຕັດໃຫ້ພະນັກງານ, ນັກຮົບກອງພົນ 377. ພາບ: ຢຸຍຮ໋ຽນ

ທ່ານພົນເອກ ຫງວຽນເຕິນເກືອງ ສະເໜີບັນດາກົມກອງຕ້ອງຈັດຕັ້ງການສັບຊ້ອນພາຍຫຼັງທະຫານອອກຈາກກອງທັບໂດຍໄວ, ກຽມພ້ອມຮັບນັກຮົບໃໝ່ຢ່າງຮອບຄອບຖີ່ຖ້ວນ,  ປອດໄພພາຍຫຼັງບຸນປີໃໝ່ປະຈໍາຊາດ, ສືບຕໍ່ກໍາແໜ້ນ, ລະດົມກໍາລັງໃຈແນວຄິດທະຫານ, ຈັດຕັ້ງການເຄື່ອນໄຫວວັດທະນະທຳ, ຈິດໃຈຢ່າງອຸດົມສົມບູນໃຫ້ທະຫານຕ້ອນຮັບບຸນເຕັດ, ເອົາໃຈໃສ່, ເບິ່ງແຍງດູແລໃຫ້ຄອບຄົວນະໂຍບາຍ, ຮັບປະກັນຊີວິດການເປັນຢູ່ຂອງທະຫານເປັນຢ່າງດີ. ປີ 2025 ມີຫຼາຍກິດຈະການເຄື່ອນໄຫວ, ເຫດການທີ່ສຳຄັນ, ຍ້ອນແນວນັ້ນ, ບັນດາກົມກອງຄວນປະຕິບັດວຽກງານກະກຽມທັງເອກະສານ ແລະບຸກຄະລາກອນເປັນຢ່າງດີເພື່ອຈັດຕັ້ງກອງປະຊຸມໃຫຍ່ອົງຄະນະພັກທຸກຂັ້ນໃຫ້ປະສົບຜົນສຳເລັດ. ເນື່ອງໃນໂອກາດກະກຽມຕ້ອນຮັບບຸນປີໃໝ່ປະຈໍາຊາດປີມະເສັງ 2025, ຕາງໜ້າຄະນະພັກການທະຫານສູນກາງ, ກະຊວງປ້ອງກັນປະເທດ, ທ່ານພົນເອກ ຫງວຽນເຕິນເກືອງ ໄດ້ສົ່ງຄຳອວຍພອນປີໃໝ່ເຖິງພະນັກງານ, ນັກຮົບບັນດາກົມກອງທຸກຄົນ.

ໂດຍ: ເຈິ່ນຮວ່ຽນ