    |
 |
|
ທ່ານພັນເອກພິເສດ ຫງວຽນມິງແຄງ. ພາບ: ຕຸ່ງເລິມ |
ນັກຂ່າວ: ທ່ານຈົ່ງໃຫ້ຮູ້ຈຸດປະສົ່ງ, ຄວາມໝາຍຂອງການຢ້ຽມຢາມ ແລະເຮັດວຽກຂອງຄະນະປະຕິບັດຕໍາຫຼວດທະເລຫວຽດນາມ ກັບກໍາລັງປົກປັກຮັກສາຝັ່ງທະເລອິນເດຍ ຢູ່ນະຄອນ Kochi ຄັ້ງນີ້?
ທ່ານພັນເອກພິເສດ ຫງວຽນມິງແຄງ: ແຕ່ວັນທີ 3 ຫາວັນທີ 31 ທັນວາ 2024, ກອງບັນຊາການຕໍາຫຼວດທະເລເຂດ 3 ໄດ້ຈັດກໍາປັ່ນທະເລ 8005 ຂົນສົ່ງຄະນະປະຕິບັດງານຕໍາຫຼວດທະເລຫວຽດນາມ ໄປຢ້ຽມຢາມ ແລະເຮັດວຽກກັບກໍາລັງປົກປັກຮັກສາຝັ່ງທະເລອິນເດຍ ຢູ່ນະຄອນ Kochi. ການໄປປະຕິບັດງານສະແດງໃຫ້ເຫັນວ່າຫວຽດນາມ ຖືເປັນສໍາຄັນ ແລະປາດຖະໜາຢາກຊຸກຍູ້ການພົວພັນຮ່ວມມືເລິກເຊິ່ງ, ໄວ້ເນື້ອ ເຊື່ອໃຈ, ຄວາມເຂົ້າໃຈເຊິ່ງກັນ ແລະກັນກວ່າລະຫວ່າງກໍາລັງຕໍາຫຼວດທະເລສອງປະເທດໃນການປະຕິບັດກົດໝາຍບົນທະເລ, ເພື່ອຜົນປະໂຫຍດຂອງປະຊາຊົນແຕ່ລະປະເທດ, ເພື່ອສັນຕິພາບ, ສະຖຽນລະພາບຢູ່ບັນດາເຂດທະເລໃນພາກພື້ນ ແລະໂລກ. ນີ້ຍັງແມ່ນໂອກາດເພື່ອໃຫ້ພະນັກງານ, ນັກຮົບຕໍາຫຼວດທະເລຫວຽດນາມ ແລະກໍາລັງປົກປັກຮັກສາທະເລອິນເດຍ ມີໂອກາດພົບປະແລກປ່ຽນ, ຮໍ່າຮຽນ, ແບ່ງປັນບົດບາດປະຕິບັດກົດໝາຍບົນທະເລ, ໂດຍສະເພາະແມ່ນໃນການຍົກສູງຄວາມສາມາດເປັນເຈົ້າພາຫະນະ, ອາວຸດ, ວັດຖຸອຸປະກອນ ເຕັກນິກ; ສົມທົບກັນຝຶກແອບຊອກຫາກູ້ຊີບ, ປ້ອງກັນ, ຕ້ານອັກຄີໄພ, ແລະແກ້ໄຂອຸບັດຕິເຫດນໍ້າມັນລົ້ນຢູ່ທະເລ.
|
|
 |
|
ການນໍາ, ຜູ້ບັນຊາການຕໍາຫຼວດທະເລເຂດ 3 ກວດກາວຽກງານພະລາທິການໃນກໍາປັ່ນຕໍາຫຼວດທະເລ 8005. ພາບ: ຕຸ່ງເລິມ |
ນັກຂ່າວ: ຂໍຮຽນທ່ານ, ເພື່ອປະຕິບັດດີການຢ້ຽມຢາມ, ເຮັດວຽກກັບກໍາລັງປົກປັກຮັກສາຝັ່ງທະເລອິນເດຍ ຢູ່ນະຄອນ Kochi ຄັ້ງນີ້ໃຫ້ດີ, ພະນັກງານ, ນັກຮົບກອງບັນຊາການຕໍາຫຼວດທະເລເຂດ 3 ເວົ້າລວມ ແລະກໍາປັ່ນຕໍາຫຼວດທະເລ 8005 ເວົ້າສະເພາະໄດ້ຜັນຂະຫຍາຍວຽກງານກະກຽມຄືແນວໃດ?
ທ່ານພັນເອກພິເສດ ຫງວຽນມິງແຄງ: ພາຍຫຼັງມີແຜນການປະຕິບັດງານ, ກອງບັນຊາການຕໍາຫຼວດທະເລເຂດ 3 ໄດ້ເປັນເຈົ້າການຜັນຂະຫຍາຍທຸກວຽກງານກະກຽມເປັນຢ່າງດີ, ຮັບປະກັນຖືກກັບທັດສະນະ, ແນວທາງການທູດ, ການຕ່າງປະເທດປ້ອງກັນຊາດຂອງພັກ ແລະລັດ, ສອດຄ່ອງກັບທຳນຽມສາກົນ, ປະກອບສ່ວນຍົກສູງຖານະບົດບາດຂອງປະເທດ, ກອງທັບປະຊາຊົນຫວຽດນາມ ແລະຂອງກໍາລັງຕໍາຫຼວດທະເລຫວຽດນາມ. ກອງບັນຊາການຕໍາຫຼວດທະເລເຂດ 3 ໄດ້ເປັນເຈົ້າການສົມທົບກັບອົງການທີ່ກ່ຽວຂ້ອງຂັ້ນເທິງ, ຮ່ວມມືຢ່າງແໜ້ນແຟ້ນກັບຝ່າຍເພື່ອນເພື່ອເຫັນດີເປັນເອກະພາບຕໍ່ແຜນການ, ລາຍການ, ເນື້ອໃນຝຶກແອບລວມກ່ຽວກັບການກູ້ໄພ-ກູ້ຊີບ, ປ້ອງກັນ, ຕ້ານອັກຄີໄພ, ແລະຮັບມືກັບອຸບັດຕິເຫດນໍ້າມັນລົ້ນຢູ່ທະເລ; ເປັນເຈົ້າການແບ່ງງານ, ມອບໝາຍໜ້າທີ່ຢ່າງລະອຽດໃຫ້ທຸກອົງການ, ກົມກອງໃນການກໍ່ສ້າງລະບົບເອກະສານ, ແຜນການ, ແນະນໍາ, ຈັດຕັ້ງການຝຶກແອບ, ຜັນຂະຫຍາຍວຽກງານກະກຽມ, ຮັບປະກັນເຮັດຢ່າງລະອຽດລະອໍ, ມີປະສິດທິຜົນ ແລະປອດໄພ.
ກອງບັນຊາການຕໍາຫຼວດທະເລເຂດ 3 ຊີ້ນໍາວຽກງານໂຄສະນາສື່ສານສົ່ງເສີມສຸຂະພາບໃຫ້ທະຫານເປັນຢ່າງດີ, ຮັບປະກັນເງື່ອນໄຂໄປທະເລໃນຫຼາຍມື້ ແລະລຽນຕິດ. ສົມທົບກັນກວດກາວຽກງານພະລາທິການ-ເຕັກນິກຂອງກໍາປັ່ນ, ເບີກຈ່າຍເພີ່ມວັດຖຸແຮໄວ້ໃຫ້ກໍາປັ່ນ, ຮັບປະກັນໃຫ້ການເຄື່ອນໄຫວຢ່າງປອດໄພ. ເຂດຜັນຂະຫຍາຍວຽກງານຝຶກແອບ, ບໍາລຸງສ້າງໃຫ້ພະນັກງານ, ນັກຮົບໃນກໍາປັ່ນ ແລະກໍາລັງເຂົ້າຮ່ວມບັນດາຄວາມຮູ້ກ່ຽວກັບກົດໝາຍ, ພິທີການ, ການທູດ, ປະຫວັດສາດ, ວັດທະນະທໍາ, ປະເທດ, ປະຊາຊົນ ແລະກໍາລັງປົກປັກຮັກສາຝັ່ງທະເລອິນເດຍ, ເພື່ອໃຫ້ພະນັກງານ, ນັກຮົບມີຄວາມເຊື່ອໃຈເມື່ອພົບປະແລກປ່ຽນກັບກໍາລັງຂອງເພື່ອນ.
|
|
 |
|
ການນໍາ, ຜູ້ບັນຊາການຕໍາຫຼວດທະເລເຂດ 3 ກວດກາວຽກງານເຕັກນິກໃນກໍາປັ່ນຕຳຫຼວດທະເລ 8005. ພາບ: ຕຸ່ງເລິມ |
ນັກຂ່າວ: ທ່ານຕີລາຄາຄືແນວໃດກ່ຽວກັບໝາກຜົນການຢ້ຽມຢາມ ແລະເຮັດວຽກຄັ້ງນີ້ຂອງກໍາປັ່ນຕໍາຫຼວດທະເລ 8005 ພ້ອມກັບຄະນະ ປະຕິບັດງານຕໍາຫຼວດທະເລຫວຽດນາມ ກັບກໍາລັງປົກປັກຮັກສາຝັ່ງທະເລອິນເດຍ ຢູ່ນະຄອນ Kochi?
ທ່ານພັນເອກພິເສດ ຫງວຽນມິງແຄງ: ການຢ້ຽມຢາມ ແລະເຮັດວຽກກັບກໍາລັງປົກປັກຮັກສາຝັ່ງທະເລອິນເດຍຢູ່ນະຄອນ Kochi ຂອງກໍາປັ່ນຕໍາຫຼວດທະເລ 8005 ພ້ອມກັບຄະນະປະຕິບັດງານຕໍາຫຼວດທະເລຫວຽດນາມ ແມ່ນການຢ້ຽມຢາມຄັ້ງທໍາອິດ, ມີການເດີນທະເລໄກທີ່ສຸດດ້ວຍເກືອບ 6.000 ໄມທະເລ. ກໍາປັ່ນເຄື່ອນທີ່ຕະຫຼອດ, ຫຼາຍມື້ໃນເງື່ອນໄຂດິນຟ້າອາກາດສັບສົນ, ບໍ່ອຳນວຍ. ການຢ້ຽມຢາມ ແລະເຮັດວຽກຄັ້ງນີ້ໄດ້ປະສົບຜົນສໍາເລັດຢ່າງຈົບງາມ, ບັນລຸເປົ້າໝາຍ, ຄວາມຮຽກຮ້ອງທີ່ໄດ້ວາງອອກ, ຮັບປະກັນຄວາມປອດໄພໃນທຸກດ້ານຢ່າງເດັດ ຂາດ, ໄດ້ຮັບການຮັບຮູ້, ຕີລາຄາສູງຈາກເພື່ອນມິດ. ຜ່ານນັ້ນ ປະກອບສ່ວນສໍາຄັນເຂົ້າໃນການຊຸກຍູ້ການຮ່ວມມືປະຕິບັດກົດໝາຍທະເລ, ກໍ່ຄືຍົກສູງຄວາມສາມາດເປັນເຈົ້າຂອງພາຫະນະ, ອາວຸດ, ວັດຖຸອຸປະກອນເຕັກນິກ, ຄວາມສາມາດສູ້ຮົບໃນຫຼາຍມື້, ປະຕິບັດກົດໝາຍ, ຮັບມືກັບບັນດາອຸບັດຕິເຫດບົນທະເລລະຫວ່າງສອງກໍາລັງ, ປະກອບສ່ວນສ້າງເຂດທະເລສັນຕິພາບ, ສະຖຽນລະພາບ, ການຮ່ວມມື ແລະພັດທະນາຈະເລີ່ນຮຸ່ງເຮືອງ.
ນັກຂ່າວ: ຂໍຂອບໃຈທ່ານ!
ໂດຍ: ໄຊນີດາ