ທ່ານພົນເອກ ຟານວັນຢາງ ຢັ້ງຢືນວ່າ ປະຊາຊົນ ແລະກອງທັບປະຊາຊົນຫວຽດນາມ ຍາມໃດກໍ່ຈົດຈໍາ ແລະເຄົາລົບນັບຖືຕໍ່ການສະໜັບສະໜູນ, ການຊ່ວຍເຫຼືອອັນໃຫຍ່ຫຼວງຂອງສະຫະພັນລັດເຊຍ ໃຫ້ຫວຽດນາມ ໃນການຕໍ່ສູ້ຍາດເອົາເອກະລາດຂອງຊາດ, ທ້ອນໂຮມປະເທດຊາດເປັນເອກະພາບ ແລະໃນພາລະກິດສ້າງສາ ແລະປົກປັກຮັກສາປະເທດຫວຽດນາມສັງຄົມນິຍົມ.
    |
 |
|
ທ່ານພົນເອກ ຟານວັນຢາງ ແລກປ່ຽນກັບທ່ານພົນໂທ Alexander Vasilyevich Fomin. ພາບ: ວັນຮ໋ຽວ |
ທ່ານພົນເອກ ຟານວັນຢາງ ຂອບໃຈກະຊວງປ້ອງກັນປະເທດ, ບັນດາກໍາລັງປະກອບອາວຸດ ສະຫະພັນລັດເຊຍ ໄດ້ຈັດສົ່ງຄະນະມາເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ, 35 ປີແຫ່ງວັນບຸນປ້ອງກັນຊາດທົ່ວປວງຊົນ ແລະງານວາງສະແດງປ້ອງກັນຊາດສາກົນຫວຽດນາມ 2024, ກໍ່ຄືຈັດສົ່ງບັນດາວິສາຫະກິດອຸດສາຫະກໍາປ້ອງກັນຊາດແຖວໜ້າຂອງລັດເຊຍ ມາເຂົ້າຮ່ວມ ແລະວາງສະແດງຜະລິດຕະພັນ, ຜ່ານນັ້ນ ປະກອບສ່ວນເຂົ້າໃນຜົນສໍາເລັດລວມຂອງງານວາງສະແດງ. ທ່ານພົນເອກ ຟານວັນຢາງ ຍັງສະແດງຄວາມສະເທືອນໃຈທ່ີໄດ້ຕ້ອນຮັບຄະນະນັກຮົບເກົ່າລັດເຊຍ ທີ່ເຄີຍຊ່ວຍເຫຼືອຫວຽດນາມ ມາເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະ 35 ປີແຫ່ງວັນບຸນປ້ອງກັນຊາດທົ່ວປວງຊົນ.
ທ່ານພົນເອກ ຟານວັນຢາງ ຕີລາຄາສູງໝາກຜົນການເຈລະຈາຍຸດທະສາດປ້ອງກັນຊາດຫວຽດນາມ-ສະຫະພັນລັດເຊຍ ຄັ້ງທີ 7. ຜ່ານນັ້ນ, ກະຊວງປ້ອງກັນປະເທດສອງຝ່າຍໄດ້ແລກປ່ຽນຢ່າງກົງໄປກົງມາກ່ຽວກັບສະພາບການໂລກ ແລະພາກພື້ນທີ່ຕ່າງຝ່າຍຕ່າງມີຄວາມສົນໃຈ; ຕີລາຄາສູງການຮ່ວມມືປ້ອງກັນຊາດໃນໄລຍະຜ່ານມາ, ກໍານົດທິດທາງຮ່ວມມືດ້ານປ້ອງກັນຊາດຫຼັກໃນໄລຍະຈະມາເຖິງ; ກໍ່ຄືເຊັນເອກະສານສໍາຄັນຫຼາຍສະບັບ. ທ່ານພົນເອກ ຟານວັນຢາງ ສະເໜີໃນໄລຍະຈະມາເຖິງສອງຝ່າຍສືບຕໍ່ຜັນຂະຫຍາຍການພົວພັນຮ່ວມມືດ້ານປ້ອງກັນຊາດໃຫ້ສອດຄ່ອງກັບການພົວພັນມິດຕະພາບທີ່ເປັນມູນເຊື້ອ, ຄູ່ຮ່ວມມືຍຸດທະສາດຮອບດ້ານຫວຽດນາມ-ສະຫະພັນລັດເຊຍ, ບົນພື້ນຖານກົດໝາຍ ແລະທຳນຽມສາກົນ, ແນວທາງການຕ່າງປະເທດ, ກົດໝາຍ ແລະເງື່ອນໄຂຕົວຈິງຂອງຫວຽດນາມ; ເສີມຂະຫຍາຍບັນດາກົນໄກຮ່ວມມືທີ່ມີຢູ່ແລ້ວຢ່າງມີປະສິດທິຜົນ; ເພີ່ມທະວີ, ເປີດກວ້າງ ແລະເຮັດໃຫ້ການຮ່ວມມືລະຫວ່າງເຫຼົ່າທັບ, ເຫຼົ່າຮົບ ແລະຂັ້ນກົມກອງ ເລິກເຊິ່ງກວ່າອີກ... ປະກອບສ່ວນສືບຕໍ່ຢືນຢັນການພົວພັນດ້ານປ້ອງກັນຊາດສອງຝ່າຍແມ່ນເສົາຄໍ້າສຳຄັນໃນການພົວພັນຫວຽດນາມ- ສະຫະພັນລັດເຊຍ.
|
|
 |
|
ທ່ານພົນເອກ ຟານວັນຟາງ ມອບຂອງຂວັນເປັນທີ່ລະນຶກໃຫ້ທ່ານພົນໂທ Alexander Vasilyevich Fomin. ພາບ: ວັນຮ໋ຽວ |
ສ່ວນທ່ານພົນໂທ Alexander Vasilyevich Fomin ຕາງໜ້າກະຊວງປ້ອງກັັນປະເທດສະຫະພັນລັດເຊຍ ສົ່ງຄໍາຢື້ຢາມຖາມຂ່າວມາຍັງທ່ານລັດຖະມົນຕີກະຊວງປ້ອງກັນປະເທດຫວຽດນາມ; ສົ່ງຄໍາອວຍພອນກອງທັບປະຊາຊົນຫວຽດນາມ ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງ. ທ່ານພົນໂທ Alexander Vasilyevich Fomin ຢືນຢັນວ່າ ບົນພື້ນຖານໝາກຜົນການເຈລະຈາຍຸດທະສາດປ້ອງກັນຊາດ ຫວຽດນາມ-ສະຫະພັນລັດເຊຍ ຄັ້ງທີ 7, ການພົວພັນຮ່ວມມືດ້ານປ້ອງກັນຊາດສອງຝ່າຍ ຈະນັບມື້ນັບໄດ້ຮັບການປັງປຸງ, ຊຸກຍູ້, ຮັກສາບົດບາດແມ່ນເສົາຄໍ້າຫຼັກໃນການພົວພັນສອງປະເທດ.
ເນື່ອງໃນໂອກາດນີ້, ທ່ານພົນໂທ Alexander Vasilyevich Fomin ຕາງໜ້າກະຊວງປ້ອງກັນປະເທດສະຫະພັນລັດເຊຍ ສົ່ງຄໍາເຊື້ອເຊີນທ່ານພົນເອກ ຟານວັນຢາງ ພ້ອມດ້ວຍກຸ່ມທະຫານ 80 ຄົນມາເຂົ້າຮ່ວມພິທີສວນສະໜາມສະເຫຼີມສະຫຼອງ 80 ປີແຫ່ງວັນໄຊຊະນະ.
* ກ່ອນໜ້ານັ້ນ, ໃນວັນດຽວກັນ, ທີ່ຮ່າໂນ້ຍ ໄດ້ດໍາເນີນການເຈລະຈາຍຸດທະສາດປ້ອງກັນຊາດຫວຽດນາມ-ສະຫະພັນລັດເຊຍ ຄັ້ງທີ 7 ພາຍໃຕ້ການເປັນປະທານຂອງທ່ານພົນໂທ ຮວ່າງຊວນຈ໊ຽນ ກໍາມະການສູນກາງພັກ, ຄະນະປະຈໍາຄະນະພັກການທະຫານສູນກາງ, ຮອງລັດຖະມົນຕີກະຊວງປ້ອງກັນປະເທດ ແລະທ່ານພົນໂທ Alexander Vasilyevich Fomin ຮອງລັດຖະມົນຕີກະຊວງປ້ອງກັນປະເທດສະຫະພັນລັດເຊຍ.
|
|
 |
|
ບັນຍາກາດທີ່ການເຈລະຈາຍຸດທະສາດປ້ອງກັນຊາດຫວຽດນາມ-ສະຫະພັນລັດເຊຍ ຄັ້ງທີ 7. ພາບ: ແອງຫວູ |
ກ່າວຄໍາເຫັນທີ່ການເຈລະຈາ, ທ່ານພົນໂທ ຮວ່າງຊວນຈ໊ຽນ ສະເໜີໃຫ້ສອງຝ່າຍສືບຕໍ່ມານະພະຍາຍາມຊຸກຍູ້ການຮ່ວມມືດ້ານປ້ອງກັນຊາດສອງຝ່າຍໃຫ້ນັບມື້ນັບແທດຈິງ, ມີປະສິດທິຜົນໃນໄລຍະຈະມາເຖິງ, ຈຸດສຸມແມ່ນບັນດາເນື້ອໃນ, ຄື: ແລກປ່ຽນຄະນະຜູ້ແທນທຸກຂັ້ນ, ໂດຍສະເພາະແມ່ນຄະນະຜູ້ແທນຂັ້ນສູງ, ຄື: ຄະນະກໍາມະການປະສົມລະຫວ່າງລັດຖະບານກ່ຽວກັບສູນເຂດຮ້ອນຫວຽດ-ລັດເຊຍ, ການເຈລະຈາຍຸດທະສາດປ້ອງກັນຊາດ; ສືບຕໍ່ເພີ່ມທະວີການຮ່ວມມືລະຫວ່າງເຫຼົ່າທັບ, ເຫຼົ່າຮົບ; ການບໍາລຸງກໍ່ສ້າງແພດທະຫານ, ພາສາລັດເຊຍ; ໜູນຊ່ວຍກະຊວງປ້ອງກັນປະເທດຫວຽດນາມ ປະຕິບັດເນື້ອໃນສໍາເນົາເອກະສານ “70 ປີແຫ່ງການພົວພັນຮ່ວມມືດ້ານປ້ອງກັນຊາດຫວຽດນາມ-ໂຊວຽດ/ສະຫະພັນລັດເຊຍ”...
ທີ່ການເຈລະຈາ, ສອງຝ່າຍກໍ່ແບ່ງປັນທັດສະນະກ່ຽວກັບສະພາບການໂລກ, ພາກພື້ນທີ່ຕ່າງຝ່າຍຕ່າງມີຄວາມສົນໃຈ. ທ່ານພົນໂທ ຮວ່າງຊວນຈ໊ຽນ ເນັ້ນໜັກວ່າ ນະໂຍບາຍສະເໝີຕ້ົນສະເໝີປາຍຂອງຫວຽດນາມ ແມ່ນເອກະລາດ, ເປັນເຈົ້າຕົນເອງ, ສັນຕິພາບ, ມິດຕະພາບ, ການຮ່ວມມື ແລະພັດທະນາ, ຫັນການພົວພັນຕ່າງປະເທດເປັນຫຼາຍຮູບຫຼາຍແບບ, ຫຼາຍຝ່າຍ; ພ້ອມແລ້ວທີ່ຈະຮ່ວມມືກັບບັນດາປະເທດ, ອົງການຈັດຕັ້ງສາກົນ, ເພື່ອສັນຕິພາບ, ການຮ່ວມມື ແລະພັດທະນາໃນພາກພື້ນ ແລະໂລກ; ຢືດໝັ້ນຕໍ່ສູ້ແກ້ໄຂທຸກການແກ່ງແຍ້ງ, ບໍ່ລົງລອຍກັນໂດຍສັນຕິວິທີບົນພື້ນຖານກົດໝາຍສາກົນ, ໃນນັ້ນມີສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ ປີ 1982 (UNCLOS). ກ່ຽວກັບນະໂຍບາຍປ້ອງກັນຊາດ, ຫວຽດນາມ ຢືດໝັ້ນນະໂຍບາຍປ້ອງກັນຊາດ “ສີ່ບໍ່”. ສອງຝ່າຍສະແດງຄວາມເຊື່ອໝັ້ນວ່າ ຜົນການເຈລະຈາຍຸດທະສາດປ້ອງກັນຊາດຫວຽດນາມ-ສະຫະພັນລັດເຊຍ ຄັ້ງທີ 7 ຈະສ້າງກໍາລັງໜູນເພື່ອໃຫ້ກະຊວງປ້ອງກັນປະເທດສອງປະເທດ ຜັນຂະຫຍາຍການພົວພັນຮ່ວມມືດ້ານປ້ອງກັນຊາດໃຫ້ນັບມື້ນັບມີເນື້ອແທ້, ມີປະສິດທິຜົນ ແລະແທດຈິງ.
|
|
 |
|
ທ່ານພົນໂທ ຮວ່າງຊວນຈ໊ຽນ ແລະທ່ານພົນໂທ Alexander Vasilyevich Fomin ເຊັນເອກະສານພາຍຫຼັງສິ້ນສຸດການເຈລະຈາ. ພາບ: ແອງຫວູ |
ສິ້ນສຸດການເຈລະຈາ, ຫົວໜ້າຄະນະສອງຝ່າຍ ໄດ້ເຊັນເອກະສານສອງສະບັບ, ເປັນພື້ນຖານເພື່ອໃຫ້ກະຊວງປ້ອງກັນປະເທດສອງປະເທດ ຈັດຕ້ັງຜັນຂະຫຍາຍປະຕິບັດເນື້ອໃນຮ່ວມມືໃນໄລຍະຈະມາເຖິງ.
ໂດຍ: ໄຊນີດາ