ກອງປະຊຸມການທະຫານ-ການເມືອງທົ່ວກອງທັບປີ 2024

ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ເປັນປະທານກອງປະຊຸມ.

ການນຳກະຊວງປ້ອງກັນປະເທດ ແລະຜູ້ແທນຕ້ອນຮັບທ່ານ ເລືອງເກື່ອງ ປະທານປະເທດຫວຽດນາມ. ພາບ: qdnd.vn

ກ່າວຄຳເຫັນໄຂກອງປະຊຸມ, ທ່ານພົນເອກ ຟານວັນຢາງ ເນັ້ນໜັກວ່າ ກອງປະຊຸມມີໜ້າທີ່ສະຫຼຸບ ແລະຕີລາຄາໝາກຜົນການປະຕິບັດວຽກງານການທະຫານ, ການປ້ອງກັນຊາດປີ 2024; ພ້ອມທັງສະເໜີບັນດາໜ້າທີ່, ມາດຕະການຢ່າງຄົບຊຸດ, ສ້າງບາດກ້າວບຸກທະລຸຢ່າງແຂງແຮງ, ຕັດສິນໃຈປະຕິບັດສຳເລັດໜ້າທີ່ການທະຫານ, ການປ້ອງກັນຊາດປີ 2025. ຈຸດສຸມແມ່ນໝາກຜົນເປັນເສນາທິການຍຸດທະສາດກ່ຽວກັບການທະຫານ, ການປ້ອງກັນຊາດ, ກຽມພ້ອມສູ້ຮົບ, ວຽກງານຝຶກແອບ, ການສຶກສາກໍ່ສ້າງ, ກໍ່ສ້າງພັກ; ປະຕິບັດຫົວຂໍ້ປີ 2024 “ເປັນປີພື້ນຖານສຳເລັດວຽກງານປັບປຸງການຈັດຕັ້ງກຳລັງຕາມທິດ, ຍອດຢ້ຽມ, ກະທັດຮັດ, ເຂັ້ມແຂງ” ແລະ 16 ໜ້າທີ່ຈຸດສຸມເຊິ່ງຄະນະພັກການທະຫານສູນກາງ, ການນຳກະຊວງປ້ອງກັນປະເທດ ໄດ້ກຳນົດໃນອາຍຸການ 2020-2025; ສະເໜີບັນດາຜູ້ແທນເສີມຂະຫຍາຍຄວາມຮັບຜິດຊອບ, ຈິດໃຈປະຊາທິປະໄຕ ແລະປ່ຽນແປງໃໝ່, ສຸມໃສ່ຄົ້ນຄວ້າ, ປຶກສາຫາລື ແລະຕີລາຄາໝາກຜົນພົ້ນເດັ່ນ, ຊີ້ແຈ້ງບັນດາຂໍ້ຈຳກັດ ແລະສາຍເຫດ; ສະເໜີມາດຕະການປະຕິບັດໜ້າທີ່ປີ 2025 ຢ່າງມີໄຊ.

ທ່ານ ເລືອງເກື່ອງ ປະທານປະເທດຫວຽດນາມ ພ້ອມກັບຜູ້ແທນເຂົ້າຮ່ວມກອງປະຊຸມການທະຫານ-ການເມືອງທົ່ວກອງທັບປີ 2024. ພາບ: qdnd.vn

ທ່ານ ເລືອງເກື່ອງ ປະທານປະເທດຫວຽດນາມ, ທ່ານພົນເອກ ຟານວັນຢາງ ພ້ອມກັບການນຳກະຊວງປ້ອງກັນປະເທດ ແລະບັນດາຜູ້ແທນເຂົ້າຮ່ວມກອງປະຊຸມຖ່າຍຮູບເປັນທີ່ລະນຶກ. ພາບ: qdnd.vn

ປະຕິບັດສຳເລັດໜ້າທີ່ການທະຫານ, ການປ້ອງກັນຊາດປີ 2024 ຢ່າງຮອບດ້ານ

ບົດລາຍງານສະຫຼຸບ ແລະຄຳເຫັນປະກອບທີ່ກອງປະຊຸມໄດ້ເຫັນດີເປັນເອກະພາບຕີລາຄາວ່າ, ປີ 2024, ຄະນະພັກການທະຫານສູນກາງ, ກະຊວງປ້ອງກັນປະເທດ ຈະຊີ້ນຳນໍາພາວຽກງານທຸກດ້ານຢ່າງໃກ້ຊິດຕິດແທດ, ມີປະສິດທິຜົນ ແລະຮອບດ້ານ. ທົ່ວກອງທັບເສີມຂະຫຍາຍຈິດໃຈສາມັກຄີ, ເປັນເອກະພາບ, ໝັ້ນຄົງ, ຮັບເອົາ ແລະປະຕິບັດສຳເລັດທຸກໜ້າທີ່ທີ່ໄດ້ຮັບມອບໝາຍ. ຮັກສາລະບອບກຽມພ້ອມສູ້ຮົບຢ່າງເຂັ້ມງວດ, ກໍາແໜ້ນສະພາບການ, ເປັນເສນາທິການຕໍ່ພັກ, ລັດ ເພື່ອແກ້ໄຂສະພາວະການຢ່າງມີປະສິດທິຜົນ, ບໍ່ປະໃຫ້ຕົກຢູ່ໃນທ່າຮັບໂດຍບັງເອີນ, ປົກປັກຮັກສາອະທິປະໄຕ, ຜືນແຜ່ນດິນໄວ້ຢ່າງໝັ້ນຄົງ; ສົມທົບກັນຮັກສາຄວາມສະຫງົບຄວາມເປັນລະບຽບຮຽບຮ້ອຍໃນບໍລິເວນທົ່ວປະເທດ... ຈັດຕັ້ງງານວາງສະແດງປ້ອງກັນຊາດສາກົນຫວຽດນາມ 2024 ແລະການເຄື່ອນໄຫວສະເຫຼີມສະຫຼອງ, ຈຸດສຸມແມ່ນສະເຫຼີມສະຫຼອງ 70 ປີແຫ່ງວັນໄຊຊະນະດ້ຽນບຽນຝູ, 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະ 35 ປີແຫ່ງວັນບຸນປ້ອງກັນຊາດທົ່ວປວງຊົນປະສົບຜົນສໍາເລັດ. ວຽກງານກໍ່ສ້າງກອງທັບໝັ້ນຄົງເຂັ້ມແຂງດ້ານການເມືອງ ໄດ້ຮັບຖືເປັນສຳຄັນພິເສດ; ຮັກສາ ແລະເພີ່ມທະວີການນຳພາຢ່າງເດັດຂາດ, ໂດຍກົງຂອງພັກສໍາລັບກອງທັບ. ການເຊື່ອມໂຍງເຂົ້າກັບສາກົນ, ການພົວພັນຕ່າງປະເທດປ້ອງກັນຊາດ ບັນລຸໄດ້ບັນດາຜົນງານພົ້ນເດັ່ນ. ວຽກງານພະລາທິການ-ເຕັກນິກ, ອຸດສາຫະກຳປ້ອງກັນຊາດ, ປະຕິຮູບດ້ານບໍລິຫານ, ການຫັນປ່ຽນດີຈີຕອນບັນລຸໄດ້ໝາກຜົນທີ່ຕັ້ງໜ້າ; ອຸດສາຫະກໍາປ້ອງກັນຊາດ, ອຸດສາຫະກໍາລູກສອນໄຟມີບາດກ້າວບຸກທະລຸໃໝ່. ຊີວິດທາງດ້ານວັດຖຸ, ຈິດໃຈຂອງທະຫານໄດ້ຮັບການຍົກສູງ.

ຜັນຂະຫຍາຍມາດຕະການຢ່າງຄົບຊຸດ, ປະຕິບັດສຳເລັດໜ້າທີ່ປີ 2025

ພາຍຫຼັງໜຶ່ງມື້ທີ່ເຮັດວຽກຢ່າງຮີບດ່ວນ, ເຂັ້ມງວດ, ມີຄວາມຮັບຜິດຊອບ, ກອງປະຊຸມການທະຫານ-ການເມືອງທົ່ວກອງທັບປີ 2024 ໄດ້ສຳເລັດທຸກເນື້ອໃນ, ລາຍການ. ກອງປະຊຸມໄດ້ສະແດງຄວາມຕັດສິນໃຈວ່າ, ໃນປີ 2025, ທົ່ວກອງທັບຈະເລັ່ງຄວາມໄວ, ບຸກທະລຸ, ຕັດສິນໃຈສໍາເລັດເປົ້າໝາຍ, ໜ້າທີ່ມະຕິກອງປະຊຸມໃຫຍ່ອົງຄະນະພັກກອງທັບ ຄັ້ງທີ XI, ປະກອບສ່ວນພ້ອມກັບທົ່ວພັກ, ທົ່ວປວງຊົນປົກປັກຮັກສາປະເທດຊາດ, ນໍາປະເທດກ້າວເຂົ້າສູ່ສັງກາດໃໝ່, ສັງກາດບືນຕົວຂຶ້ນຂອງຊາດ.

ທ່ານພົນເອກ ຟານວັນຢາງ ກ່າວຄໍາເຫັນທີ່ກອງປະຊຸມ. ພາບ: qdnd.vn

ກ່າວຄຳເຫັນສະຫຼຸບກອງປະຊຸມ, ທ່ານພົນເອກ ຟານວັນຢາງ ຮຽກຮ້ອງບັນດາອົງການ, ກົມກອງຊາບຊຶມ,  ຫັນຄຳເຫັນຊີ້ນໍາຂອງສະຫາຍປະທານປະເທດເຂົ້າໃນແຜນການ,  ລາຍການວຽກງານໃຫ້ເປັນລະອຽດເພື່ອປະຕິບັດ ແລະປະຕິບັດສຳເລັດໜ້າທີ່ປີ 2025.

ປີ 2025 ມີຄວາມໝາຍຕັດສິນເຖິງການປະຕິບັດສໍາເລັດບັນດາເປົ້າໝາຍ, ໜ້າທີ່ເຊິ່ງມະຕິກອງປະຊຸມໃຫຍ່ອົງຄະນະພັກກອງທັບ ຄັ້ງທີ XI ແລະກອງປະຊຸມໃຫຍ່ ຄັ້ງທີ XIII ຂອງພັກ ໄດ້ກໍານົກໄວ້. ທ່ານພົນເອກ ຟານວັນຢາງ ເນັ້ນໜັກວ່າ, ແຜນນະໂຍບາຍ, ໜ້າທີ່, ມາດຕະການລະອຽດ ແມ່ນໄດ້ຍົກອອກມາໃນບົດສະຫຼຸບຂອງຄະນະພັກການທະຫານສູນກາງ ແລະບົດລາຍງານຂອງກະຊວງປ້ອງກັນປະເທດທີ່ສົ່ງເຖິງບັນດາອົງການ, ກົມກອງເພື່ອຊາບຊຶມ, ຜັນຂະຫຍາຍການປະຕິບັດ. ຮຽກຮ້ອງຄະນະພັກ, ຜູ້ບັນຊາການທຸກຂັ້ນເປັນເຈົ້າການກວດກາລາຍການ, ແຜນການວຽກງານ, “ເລັ່ງຄວາມໄວ, ບຸກທະລຸ, ຕັດສິນໃຈປະຕິບັດສໍາເລັດເປົ້າໝາຍ, ໜ້າທີ່ມະຕິກອງປະຊຸມໃຫຍ່ອົງຄະນະພັກກອງທັບ ຄັ້ງທີ XI”, ສຸມໃສ່ບາງຈຸດສຸມດັ່ງລຸ່ມນີ້:

ຄະນະພັກການທະຫານສູນກາງ, ກະຊວງປ້ອງກັນປະເທດ, ບັນດາອົງການ, ກົມກອງຕ້ອງສືບຕໍ່ເປັນເສນາທິການຍຸດທະສາດໃຫ້ພັກ, ລັດ ແລະຄະນະພັກ, ອຳນາດການປົກຄອງ, ບັນດາທ້ອງຖິ່ນກ່ຽວກັບໜ້າທີ່ການທະຫານ, ການປ້ອງກັນຊາດເປັນຢ່າງດີ. ສຸມໃສ່ຄົ້ນຄວ້າ, ກໍາແໜ້ນ, ຕີລາຄາຊັດເຈນ, ຄາດຄະເນສະພາບການຢ່າງຖືກຕ້ອງ ແລະໄວ; ເປັນເສນາທິການຕໍ່ພັກ, ລັດ ກ່ຽວກັບໜ້າທີ່ການທະຫານ, ການປ້ອງກັນຊາດຢ່າງທັນການ.

ບັນຍາກາດທີ່ກອງປະຊຸມ. ພາບ: qdnd.vn

ສົມທົບກັນຜັນຂະຫຍາຍມະຕິສູນກາງ 8, ຊຸດທີ XIII ກ່ຽວກັບຍຸດທະສາດປົກປັກຮັກສາປະເທດຊາດໃນສະພາບການໃໝ່; ຍຸດທະສາດ, ມະຕິ, ສະຫຼຸບຂອງພັກ ແລະແຜນຮ່າງ, ໂຄງການ, ກົດໝາຍວ່າດ້ວຍການທະຫານ, ການປ້ອງກັນຊາດ ແລະພັດທະນາເສດຖະກິດ-ສັງຄົມ, ຮັບປະກັນການປ້ອງກັນຊາດ-ປ້ອງກັນຄວາມສະຫງົບໃນບໍລິເວນຍຸດທະສາດ...

ສຳລັບວຽກງານນັບແຕ່ນີ້ຮອດບຸນປີໃໝ່ປະຈໍາຊາດ ປີມະເສັງ 2025, ທ່ານພົນເອກ ຟານວັນຢາງ ຮຽກຮ້ອງບັນດາອົງການ, ກົມກອງສືບຕໍ່ຮັກສາ ແລະປັບປຸງສາຍພົວພັນສາມັກຄີເປັນເອກະພາບໃຫ້ນັບມື້ນັບໜັກແໜ້ນເພື່ອພ້ອມກັນປະຕິບັດສໍາເລັດໜ້າທີ່; ສ້າງ ແລະຜັນຂະຫຍາຍແຜນການປີ 2025 ຮັບປະກັນຢ່າງແໜ້ນແຟ້ນ, ເຂັ້ມງວດ; ເອົາໃຈໃສ່ເຖິງວຽກງານກະກຽມຝຶກແອບ, ຝຶກອົບຮົມພະນັກງານໃນຕົ້ນປີ, ຕ້ອນຮັບນັກຮົບໃໝ່...

ປຸກລະດົມຂະບວນການແຂ່ງຂັນເດັດຂາດມີໄຊ ປີ 2025

ຕາງໜ້າການນໍາພັກ, ລັດ, ທ່ານ ເລືອງເກື່ອງ ປະທານປະເທດຫວຽດນາມ ຍ້ອງຍໍ ແລະຊົມເຊີຍຜົນງານເຊິ່ງຄະນະພັກການທະຫານສູນກາງ, ກະຊວງປ້ອງກັນປະເທດ ແລະພະນັກງານ, ນັກຮົບ, ພະນັກງານ, ກຳມະກອນ, ລັດຖະກອນທົ່ວກອງທັບ ບັນລຸໄດ້ໃນປີ 2024 : qdnd.vn

ກໍ່ທີ່ກອງປະຊຸມ, ຄະນະພັກການທະຫານສູນກາງ, ກະຊວງປ້ອງກັນປະເທດ ໄດ້ມອບໃບຍ້ອງຍໍຊົມເຊີຍໃຫ້ໝູ່ຄະນະທີ່ມີຜົນງານດີເດັ່ນໃນການປະຕິບັດໜ້າທີ່ປີ 2024 ແລະປຸກລະດົມຂະບວນການແຂ່ງຂັນເດັດຂາດມີໄຊ ປີ 2025. ສະຫຼຸບຂະບວນການແຂ່ງຂັນເດັດຂາດມີໄຊ ປີ 2024, ຄະນະປະຈຳຄະນະພັກການທະຫານສູນກາງ, ກະຊວງປ້ອງກັນປະເທດ ໄດ້ພິຈາລະນາ ແລະສະເໜີມອບທຸງແຂ່ງຂັນຂອງລັດຖະບານ ແລະທຸງ ແຂ່ງຂັນຂອງກະຊວງປ້ອງກັນປະເທດໃຫ້ໝູ່ຄະນະທີ່ໄດ້ປະຕິບັດສຳເລັດວຽກງານທຸກດ້ານຢ່າງດີເດັ່ນ, ພົ້ນເດັ່ນໃນຂະບວນການແຂ່ງຂັນເດັດຂາດມີໄຊຂອງທົ່ວກອງທັບປີ 2024, ປະກອບສ່ວນເຂົ້າໃນພາລະກິດກໍ່ສ້າງກອງທັບ, ປັບປຸງການປ້ອງກັນຊາດ, ກໍ່ສ້າງ ແລະປົກປັກຮັກສາປະເທດຊາດ. ທ່ານນາຍົກລັດຖະມົນຕີ ໄດ້ຕົກລົງມອບທຸງແຂ່ງຂັນຂອງລັດຖະບານ ໃຫ້ແກ່ 49 ໝູ່ຄະນະ; ທ່ານລັດຖະມົນຕີກະຊວງປ້ອງກັນປະເທດ ໄດ້ຕົກລົງມອບທຸງແຂ່ງຂັນຂອງກະຊວງປ້ອງກັນປະເທດໃຫ້ແກ່ 276 ໝູ່ຄະນະ.

ທ່ານພົນເອກ ຟານວັນຢາງ ມອບທຸງແຂ່ງຂັນຂອງກະຊວງປ້ອງກັນປະເທດ ໃຫ້ໝູ່ຄະນະທີ່ມີຜົນງານດີເດັ່ນໃນຂະບວນການແຂ່ງຂັນເດັດຂາດມີໄຊ ປີ 2024. ພາບ: qdnd.vn

ທ່ານພົນເອກ ຟານວັນຢາງ ມອບທຸງແຂ່ງຂັນຂອງລັດຖະບານໃຫ້ໝູ່ຄະນະທີ່ມີຜົນງານດີເດັ່ນໃນຂະບວນການແຂ່ງຂັນເດັດຂາດມີໄຊ ປີ 2024. ພາບ: qdnd.vn

ຕາງໜ້າຄະນະພັກການທະຫານສູນກາງ, ການນໍາກະຊວງປ້ອງກັນປະເທດ ແລະສະພາແຂ່ງຂັນ-ຍ້ອງຍໍກະຊວງປ້ອງກັນປະເທດ, ທ່ານພົນຕີ ເຈືອງທຽນໂຕ, ຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ, ຮອງປະທານຜູ້ປະຈໍາການສະພາແຂ່ງຂັນ-ຍ້ອງຍໍກະຊວງປ້ອງກັນປະເທດ ປຸກລະດົມຂະບວນການແຂ່ງຂັນເດັດຂາດມີໄຊ ປີ 2025 ດ້ວຍຫົວຂໍ້ “ປະຊາທິປະໄຕ, ສາມັກຄີ, ມີລະບຽບວິໄນ, ມີຫົວຄິດປະດິດສ້າງ, ເດັດຂາດມີໄຊ”; ແນວຄິດຊີ້ນຳ, ແມ່ນ: ເສີມຂະຫຍາຍປະຊາທິປະໄຕ, ເພີ່ມທະວີຄວາມສາມັກຄີ, ຮັກສາລະບຽບວິໄນ, ປ່ຽນແປງໃໝ່ປະດິດສ້າງ, ປະຕິບັດສໍາເລັດໜ້າທີ່.

ໂດຍ: ເຈິ່ນຮວ່ຽນ