ນອກຈາກການຮັບປະກັນຄວາມສຳເລັດໃຫ້ແກ່ໜ້າທີ່ປົກກະຕິ, ໂດຍບັງເອີນແລ້ວ, ຂະແໜງພະລາທິການ- ເຕັກນິກ, ອຸດສາຫະກຳປ້ອງກັນຊາດ ຍັງຮັບໃຊ້ເຫດການສຳຄັນໄດ້ເປັນຢ່າງດີ, ຄື: ສະເຫຼີມສະຫຼອງ 70 ປີແຫ່ງວັນໄຊຊະນະດ້ຽນບຽນຝູ; 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ; 35 ປີແຫ່ງວັນບຸນທົ່ວປວງຊົນປ້ອງກັນຊາດ; ງານວາງສະແດງປ້ອງກັນຊາດສາກົນຫວຽດນາມ 2024...
ບັນດາຄາດໝາຍດ້ານພະລາທິການ-ເຕັກນິກລື່ນແຜນການ
ຕາມທ່ານພົນຕີ ເຈີ່ນຢຸຍຢາງ, ຫົວໜ້າກົມໃຫຍ່ພະລາທິການ ແລ້ວ, ປີ 2024, ຂະແໜງພະລາທິການກອງທັບໄດ້ສຸມໃສ່ຮັບປະກັນໃຫ້ແກ່ທົ່ວກອງທັບເຮັດໜ້າທີ່ຫັດແອບ, ກຽມພ້ອມສູ້ຮົບ; ເອົາໃຈຮັບປະກັນໃຫ້ແກ່ບັນດາກົມກອງປະຕິບັດໜ້າທີ່ປົກປັກຮັກສາອະທິປະໄຕຊາຍແດນ, ທະເລ, ໝູ່ເກາະ, ບັນດາກົມກອງຢູ່ບໍລິເວນຈຸດສຸມ ແລະບັນດາໜ້າທີ່ປ້ອງກັນ, ຕ້ານ ແລະແກ້ໄຂຜົນຮ້າຍຢ້ອນຫຼັງຈາກໄພທຳມະຊາດ, ຊອກຫາກູ້ຊີບກູ້ໄພ.
ພ້ອມກັບພະລາທິການຍຸດທະສາດ, ພະລາທິການບັນດາກົມກອງຍຸດທະການໄດ້ຕັ້ງໜ້າເປັນເສນາທິການ, ສະເໜີ, ລະດົມບັນດາແຫຼ່ງກຳລັງ, ຍູ້ແຮງການກໍ່ສ້າງເຂດປ້ອງກັນຕົວທຸກຂັ້ນ. ເປັນເຈົ້າການ, ມີໄຫວພິບ, ໜູນຊ່ວຍວັດຖຸອຸປະກອນຢ່າງທັນການ, ຮັບປະກັນດ້ານພະລາທິການໃຫ້ແກ່ບັນດາກຳລັງ, ກົມກອງທີ່ເຂົ້າຮ່ວມຊ່ວຍເຫຼືອປະຊາຊົນແກ້ໄຂຜົນຮ້າຍຢ້ອນຫຼັງຈາກພາຍຸນ້ຳຖ້ວມ, ໂດຍສະເພາະແມ່ນພາຍຸລູກທີ 3 (Yagi); ແກ້ໄຂຜົນຮ້າຍຢ້ອນຫຼັງຈາກໄພແຫ້ງແລ້ງ, ນ້ຳເຄັມຊຶມຢູ່ບໍລິເວນບັນດາແຂວງພາກໃຕ້, ຊ່ວຍປະຊາຊົນດຳລົງຊີວິດເປັນປົກກະຕິ.
    |
 |
|
ການນຳກົມໃຫຍ່ພະລາທິການກວດກາຕ່ອງໂສ້ການຜະລິດເກີບນັກຮົບ ຢູ່ບໍລິສັດຫຸ້ນສ່ວນ 26. ພາບ: ທັງໄບ. |
ໃນປີ, ຂະແໜງພະລາທິການກອງທັບ ໄດ້ຍູ້ແຮງການໝູນໃຊ້ວິທະຍາສາດ-ເຕັກໂນໂລຢີ, ປະຕິຮູບການບໍລິຫານ, ຫັນປ່ຽນດີຈີຕອນໃນວຽກງານພະລາທິການ; ເສີມຂະຫຍາຍປະສິດທິຜົນບັນດາແຫຼ່ງກຳລັງ, ຮັບປະກັນພະລາທິການປົກກະຕິເປັນຢ່າງດີ. ຄຸ້ມຄອງ, ບໍລິຫານງົບປະມານຢ່າງເຄັ່ງຄັດ, ມີວິທະຍາສາດ, ມີປະສິດທິຜົນ, ເປີດເຜີຍ, ໂປ່ງໃສ. ຮັບປະກັນງົບປະມານໃນການປະຕິບັດໜ້າທີ່ປົກກະຕິ, ກະທັນຫັນ, ຮີບດ່ວນ ແລະຈຳເປັນ; ໃຫ້ບຸລິມະສິດແຫຼ່ງກຳລັງຜັນຂະຫຍາຍບັນດາລາຍການ, ເປົ້າໝາຍສຳຄັນ, ຮີບດ່ວນ, ຍົກສູງກຳລັງຄວາມສາມາດດ້ານປ້ອງກັນຊາດ ແລະຮັບປະກັນລະບອບ, ນະໂຍບາຍສຳລັບບັນດາເປົ້າໝາຍ.
ດ້ວຍຄວາມເປັນເຈົ້າການ, ປະດິດສ້າງ, ຕິດແທດກັບພຶດຕິກຳຕົວຈິງ, ປີ 2024, ຂະແໜງພະລາທິການກອງທັບ ໄດ້ເປັນເຈົ້າການຄົ້ນຄວ້າ, ຍົກສູງຄຸນນະພາບການກຳແໜ້ນ, ຄາດຄະເນສະຖານະການ, ເປັນເສນາທິການ, ສະເໜີຄະນະພັກການທະຫານສູນກາງ, ກະຊວງປ້ອງກັນປະເທດ ກ່ຽວກັບວຽກງານເຕັກນິກ; ຊີ້ນຳ, ຜັນຂະຫຍາຍວຽກງານເຕັກນິກໃຫ້ຕິດແທດກັບພຶດຕິກຳຕົວຈິງ ແລະຖືກຕ້ອງ, ຮັບປະກັນໃຫ້ແກ່ໜ້າທີ່ການທະຫານ, ການປ້ອງກັນຊາດ ຢ່າງທັນການ. ສືບຕໍ່ຜັນຂະຫຍາຍໜ້າທີ່ຈຸດສຸມວຽກງານເຕັກນິກໄລຍະ 2021-2026 ໃຫ້ມີປະສິດທິຜົນ, ບັນດາລາຍການຮ່ວມມືເຕັກນິກການທະຫານກັບຕ່າງປະເທດ, ບັນດາແຜນງານ, ໂຄງການຍຸດທະສາດຂອງຂະແໜງເຕັກນິກ.
|
|
 |
|
ຜະລິດລູກປືນຢູ່ໂຮງງານ Z115, ກົມໃຫຍ່ອຸດສາຫະກຳປ້ອງກັນຊາດ. ພາບ: ແທັງຕ໊ວນ |
ຂະແໜງອຸດສາຫະກຳປ້ອງກັນຊາດສ້າງຂີດໝາຍພົ້ນເດັ່ນ
ໝົດປີ 2024 ບັນລຸໄດ້ຫຼາຍຂີດໝາຍພົ້ນເດັ່ນທີ່ກ່ຽວຂ້ອງເຖິງການປະຕິບັດໜ້າທີ່ຂອງຂະແໜງອຸດສາຫະກຳປ້ອງກັນຊາດ. ພິເສດ, ສະພາແຫ່ງຊາດຫວຽດນາມ ໄດ້ຮັບຮອງເອົາກົດໝາຍວ່າດ້ວຍອຸດສາຫະກຳປ້ອງກັນຊາດ, ປ້ອງກັນຄວາມສະຫງົບສ້າງພື້ນຖານນິຕິກຳເພື່ອພັດທະນາຂະແໜງອຸດສາຫະກຳປ້ອງກັນຊາດ ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ, ໃຊ້ໄດ້ສອງໜ້າທີ່, ທັນສະໄໝ; ເຂົ້າຮ່ວມງານວາງສະແດງປ້ອງກັນຊາດສາກົນ ຫວຽດນາມ 2024 ສ້າງໄດ້ຄວາມປະທັບໃຈຫຼາຍຢ່າງຕໍ່ກັບເພື່ອນມິດສາກົນ ແລະເປີດບັນດາກາລະໂອກາດຮ່ວມມືພັດທະນາອຸດສາຫະກຳປ້ອງກັນຊາດ; ຈັດຕັ້ງປະຕິບັດມະຕິສະບັບເລກທີ 08-NQ/TW ລົງວັນທີ 26 ມັງກອນ 2022 ຂອງກົມການເມືອງ ກ່ຽວກັບການຍູ້ແຮງການພັດທະນາອຸດສາຫະກຳປ້ອງກັນຊາດ ເຖິງປີ 2030 ແລະຊຸມປີຕໍ່ໄປໃຫ້ບັນລຸຫຼາຍໝາກຜົນພົ້ນເດັ່ນ...
ຕາມທ່ານນາງພັນເອກພິເສດ ຟານທິຮວ່າຍເວີນ, ຮອງຫົວໜ້າເສນາທິການກົມໃຫຍ່ອຸດສາຫະກຳປ້ອງກັນຊາດ ແລ້ວ, ປີ 2024, ຂະແໜງອຸດສາຫະກຳປ້ອງກັນຊາດ ປະຕິບັດພາລະບົດບາດເປັນເສນາທິການກັບຄະນະພັກການທະຫານສູນກາງ, ກະຊວງປ້ອງກັນປະເທດ ໃນວຽກງານຄຸ້ມຄອງລັດກ່ຽວກັບອຸດສາຫະກຳປ້ອງກັນຊາດໄດ້ເປັນຢ່າງດີ. ສຸມໃສ່ຄົ້ນຄວ້າ, ອອກແບບ, ປະດິດແຕ່ງ, ຜະລິດອາວຸດຍຸດໂທປະກອນເຕັກນິກທັນສະໄໝ, ຍຸດທະສາດໃນ 5 ກຸ່ມຜະລິດຕະພັນຕົ້ນຕໍຕາມມະຕິສະບັບເລກທີ 08 ປະສົບຜົນສຳເລັດ...
ພ້ອມກັນນັ້ນ, ຂະແໜງອຸດສາຫະກຳປ້ອງກັນຊາດ ຍັງຜັນຂະຫຍາຍຢ່າງຄົບຊຸດ, ມີປະສິດທິຜົນບັນດາລາຍການ, ແຜນງານ, ໂຄງການປະດິດແຕ່ງ, ຜະລິດອາວຸດຍຸດໂທປະກອນ, ຜະລິດ ຜະລິດຕະພັນອຸດສາຫະກຳປ້ອງກັນຊາດ. ຕັ້ງໜ້າຄົ້ນຄວ້າ, ສ້າງເອກະສານກົດໝາຍ, ສ້າງກອບນິຕິກຳສຳລັບການກໍ່ສ້າງ, ພັດທະນາອຸດສາຫະກຳປ້ອງກັນຊາດ. ພິເສດ, ຂະແໜງອຸດສາຫະກຳປ້ອງກັນຊາດໄດ້ຍູ້ແຮງການຫັນປ່ຽນດີຈີຕອນ ແລະໝູນໃຊ້ເຕັກໂນໂລຢີ, ຜົນງານຂອງການປະຕິວັດອຸດສາຫະກຳ ຄັ້ງທີ 4 ຢ່າງມີປະສິດທິຜົນ, ປະຕິບັດ “ການເດີນທາງລັດໜ້າ” ໃນຂົງເຂດເຕັກໂນໂລຢີການທະຫານສະເພາະ.
ຂະແໜງອຸດສາຫະກຳປ້ອງກັນຊາດ ໄດ້ຍູ້ແຮງການຮ່ວມມື, ຮ່ວມສຳພັນ, ປະສານສົມທົບລະຫວ່າງບັນດາອົງການຈັດຕັ້ງພາຍໃນ ແລະນອກກອງທັບ, ພາຍໃນປະເທດ ແລະສາກົນ, ໂດຍສະເພາະແມ່ນເຂົ້າຮ່ວມການບຳລຸງສ້າງ, ຄົ້ນຄວ້າ, ຖ່າຍຖອດເຕັກໂນໂລຢີຮັບໃຊ້ອຸດສາຫະກຳປ້ອງກັນຊາດ; ເປີດທິດຮ່ວມມືແທດຈິງ, ມີປະສິດທິຜົນດ້ວຍບັນດາສັນຍາທີ່ມີມູນຄ່າເສດຖະກິດສູງ; ພ້ອມທັງມານະພະຍາຍາມຍູ້ແຮງການເຄື່ອນໄຫວສົ່ງເສີມການຄ້າ, ໄດ້ສົ່ງອອກບາງຜະລິດຕະພັນໂດຍຂະແໜງອຸດສາຫະກຳປ້ອງກັນຊາດຜະລິດ. ບັນດາກົມກອງຄົ້ນຄວ້າມີຄວາມສະໜິດຕິດພັນກັບກົມກອງຜະລິດ, ສ້ອມແປງ ແລະກົມກອງນຳໃຊ້; ພ້ອມທັງສືບຕໍ່ຫັນຕ່ອງໂສ້ການຜະລິດເຕັກໂນໂລຢີທີ່ມີຢູ່ຕາມໂຮງງານ, ບັນດາສະຖາບັນຄົ້ນຄວ້າເປັນທັນສະໄໝ.
ບັນດາໂຮງງານຈັດຕັ້ງການຜະລິດ, ສ້ອມແປງບັນດາຜະລິດຕະພັນອາວຸດຍຸດໂທປະກອນສຳລັບທະຫານບົກ, ສຳເລັດ 100% ປະເພດຜະລິດຕະພັນຮັບປະກັນຄວາມຄືບໜ້າ, ຄຸນນະພາບ; ຕໍ່ກຳປັ່ນໃໝ່ ແລະມອບກຳປັ່ນ, ເຮືອທະຫານ ຫຼາຍສີບລຳໃຫ້ແກ່ບັນດາກົມກອງ. ພິເສດ, ດ້ວຍຄວາມບຸກທະລຸໃໝ່, ຂະແໜງອຸດສາຫະກຳປ້ອງກັນຊາດ ໄດ້ປ່ຽນການຄົ້ນຄວ້າອອກແບບ, ປະດິດ, ຜະລິດຈາກອາວຸດຍຸດໂທປະກອນເຕັກນິກຕ່າງໆຂອງທະຫານບົກມາເປັນອາວຸດຍຸດໂທປະກອນໃຫ້ແກ່ບັນດາເຫຼົ່າທັບ, ເຫຼົ່າຮົບ; ພ້ອມທັງຮັບປະກັນອາວຸດຍຸດໂທປະກອນເຕັກນິກໃຫ້ກອງທັບ ໄດ້ຄ່ອຍໆຫັນປ່ຽນຈາກການຈັດຊື້, ຕິດຕັ້ງເປັນຕົ້ນໄປສູ່ການເປັນເຈົ້າຂອງຄົ້ນຄວ້າອອກແບບ, ປະດິດ, ຜະລິດ ຢູ່ພາຍໃນປະເທດ, ປະກອບໃຫ້ບັນດາກົມກອງ.
ໂດຍ: ແສງເດືອນ