ແມ່ທັບນ້ອຍ 15 ມອບ-ຮັບນັກຮຽນການທະຫານຂອງລາວ ທີ່ຝຶກອົບຮົມຢູ່ວິທະຍາໄລເຕັກນິກວິຊາຊີບເລກ 21

ໃນໄລຍະ 3 ເດືອນ, ທາງວິທະຍາໄລເຕັກນິກວິຊາຊີບເລກ 21  ໄດ້ຈັດການຝຶກອົບຮົມ,  ຄົ້ນຄວ້າເນື້ອໃນ, ຄື: ສະພາບດິນຟ້າອາກາດ ແລະສະພາບດິນຢູ່ທ້ອງຖິ່ນຂອງລາວ; ແນະນຳຕົ້ນໄມ້ບາງຊະນິດທີ່ເໝາະສົມເພື່ອປູກຢູ່ລາວ; ເຕັກນິກການປູກ, ບົວລະບັດ ແລະປ້ອງກັນ, ຂ້າສັດຕູພືດໃຫ້ຕົ້ນໄມ້ສະບຽງອາຫານບາງຊະນິດ; ເຕັກນິກການປູກ, ບົວລະບັດ, ປ້ອງກັນ ແລະຂ້າສັດຕູພືດໃຫ້ຕົ້ນໄມ້ອຸດສາຫະກຳ, ຕົ້ນໄມ້ສະໝູນໄພບາງຊະນິດ; ເຕັກນິກການລ້ຽງສັດ, ສັດປີກ ແລະປານ້ຳຈືດບາງປະເພດ ໃຫ້ແກ່ພະນັກງານຂອງກະຊວງປ້ອງກັນປະເທດລາວ 20 ຄົນ. ຜົນການກວດກາມີຢູ່ວ່າ: ນັກຮຽນເກັ່ງມີ 5 ຄົນ, ນັກຮຽນດີມີ 15 ຄົນ.

ບັນຍາກາດທີ່ການມອບ-ຮັບ. ພາບ: qdnd.vn

ກ່າວຄຳເຫັນນະທີ່ນີ້, ທ່ານພັນເອກພິເສດ ເຈີ່ນຫງອກຫາຍ, ຮອງຜູ້ບັນຊາການ, ຫົວໜ້າເສນາທິການແມ່ທັບນ້ອຍ 15 ໄດ້ອວຍພອນບັນດານັກຮຽນທີ່ໄດ້ປະຕິບັດສຳເລັດເນື້ອໃນຊຸດຝຶກອົບຮົມ, ພ້ອມທັງຢືນຢັນວ່າ: ຊຸດຝຶກອົບຮົມສະແດງໃຫ້ເຫັນຄວາມໄວ້ເນື້ອເຊື່ອໃຈ ແລະປະສິດທິຜົນໃນການຮ່ວມມືດ້ານປ້ອງກັນຊາດລະຫວ່າງກະຊວງປ້ອງກັນປະເທດຫວຽດນາມ ແລະ ລາວ.

ຜູ້ຕາງໜ້າກະຊວງປ້ອງກັນປະເທດລາວ ກ່າວຄໍາເຫັນ. ພາບ: qdnd.vn

ທ່ານພັນເອກພິເສດ ເຈີ່ນຫງອກຫາຍ ປາດຖະໜາວ່າ ພາຍຫຼັງກັບຄືນບ້ານ, ບັນດານັກຮຽນບໍ່ພຽງແຕ່ໄດ້ປະກອບຄວາມຮູ້ເທົ່ານັ້ນ, ຫາກຍັງມີຄວາມຮັກຕໍ່ປະຊາຊົນຫວຽດນາມ ແລະແໝ່ທັບນ້ອຍ 15 ອີກດ້ວຍ, ຕັ້ງໜ້າເປັນເສນາທິການ ເພື່ອກໍ່ສ້າງອົງການ, ກົມກອງ, ກຸ່ມບ້ານໝັ້ນຄົງເຂັ້ມແຂງ, ພັດທະນາເສດຖະກິດ-ສັງຄົມ ຂອງທ້ອງຖິ່ນຢ່າງບໍ່ຢຸດຢັ້ງ. ໂຄສະນາກ່ຽວກັບສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ - ລາວ...

ໂດຍ: ທູຈາງ