ທ່ານພົນເອກ ຟານວັນຢາງ ໄດ້ສັງເກດ ແລະໃຫ້ຄຳເຫັນຊີ້ນໍາຕໍ່ລາຍການພິທີເປີດງານວາງສະແດງ; ກວດກາການຈັດຕັ້ງງານວາງສະແດງ; ຮັບຟັງລາຍງານຂອງບັນດາອົງການ, ກົມກອງຂອງກະຊວງປ້ອງກັນປະເທດກ່ຽວກັບວຽກງານກະກຽມ; ຊີ້ນຳແຕ່ລະເນື້ອໃນໃນວຽກງານກະກຽມຈັດຕັ້ງງານວາງສະແດງ, ຄື: ພິທີການ, ພະລາທິການ, ການຮັບປະກັນຄວາມໝັ້ນຄົງ, ຄວາມປອດໄພ...

leftcenterrightdel
ທ່ານພົນເອກ ຟານວັນຢາງ ກວດກາລາຍການວາງສະແດງ. ພາບ: qdnd.vn

ກ່າວຄຳເຫັນພາຍຫຼັງສັງເກດລາຍການຝຶກຊ້ອມ, ທ່ານພົນເອກ ຟານວັນຢາງ ໄດ້ຊົມເຊີຍບັນດາກໍາລັງທະຫານອາກາດ, ທະຫານຕີພິເສດ, ທະຫານຊາຍແດນ ແລະພະນັກງານ, ນັກຮົບ, ນັກຮ້ອງ, ນັກສະແດງໄດ້ສຳເລັດເນື້ອໃນລາຍການທີ່ບັນລຸຄຸນນະພາບ. ບັນດາກຳລັງສົມທົບກັນຢ່າງແໜ້ນແຟ້ນ, ສະແດງໃຫ້ເຫັນຄວາມຕັດສິນໃຈ ແລະຄວາມມານະພະຍາຍາມສູງຂອງບັນດາກຳລັງເຂົ້າຮ່ວມໃນຂະບວນການຝຶກແອບ.

ທ່ານພົນເອກ ຟານວັນຢາງ ຮຽກຮ້ອງຄະນະຈັດຕັ້ງ ຮຽບຮຽງຮ່າງລາຍການພິທີເປີດຄືນໃໝ່ເພື່ອສະແດງໃຫ້ເຫັນກຳລັງແຮງຂອງກອງທັບ, ຈິດໃຈສາມັກຄີ, ຄວາມເຫັນດີເຫັນພ້ອມຢ່າງສູງຂອງກອງທັບປະຊາຊົນຫວຽດນາມ ຢ່າງຈະແຈ້ງ. ທ່ານພົນເອກ ຟານວັນຢາງ ຊີ້ນໍາວ່າ: “ນີ້ແມ່ນກໍາລັງແຮງ, ແມ່ນຈິດໃຈເດດຂາດມີໄຊ. ພວກເຮົາຢືນຢັນຕໍ່ໂລກວ່າ ກອງທັບປະຊາຊົນຫວຽດນາມ ແມ່ນກອງທັບຕໍ່ສູ້, ກອງທັບປະຕິບັດງານ, ກອງທັບອອກແຮງງານຜະລິດ; ພັດທະນາຂະແໜງອຸດສາຫະກໍາປ້ອງກັນຊາດເພື່ອກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ, ສາມາດນຳໃຊ້ໃຫ້ຫຼາຍຈຸດປະສົງ, ທັນສະໄໝ...”.

ທ່ານພົນເອກ ຟານວັນຢາງ ຊົມເຊີຍບັນດາອົງການ, ກົມກອງຂອງກະຊວງປ້ອງກັນປະເທດທີ່ໄດ້ຕັ້ງໜ້າເຂົ້າຮ່ວມວຽກງານກະກຽມໃນຕະຫຼອດໄລຍະທີ່ຜ່ານມາ; ຮຽກຮ້ອງຄວນຖອດຖອນບົດຮຽນທີ່ດີ ແລະກ້າວໜ້າຂອງປະເທດອື່ນໆໃນການຈັດຕັ້ງບັນດາເຫດການຄ້າຍຄືກັນ.

ໂດຍ: ຈາງຫງວຽນ