ພົນເອກ ຟານວັນຢາງ ພົບປະກັບຜູ້ມີສິດເລືອກຕັ້ງຢູ່ ກອງພົນ 346
ກປ.ອອນໄລ - ຕອນເຊົ້າວັນທີ 3 ທັນວາ, ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ, ສະມາຊິກສະພາແຫ່ງຊາດ ຊຸດທີ XV, ພ້ອມກັບຄະນະສະມາຊິກສະພາແຫ່ງຊາດແຂວງທ໊າຍງວຽນ ໄດ້ພົບປະກັບຜູ້ມີສິດເລືອກຕັ້ງດ້ວຍຫົວເລື່ອງສະເພາະກັບພະນັກງານ, ນັກຮົບກອງພົນ 346 (ທະຫານເຂດ 1) ພາຍຫຼັງກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ XV.
    |
 |
|
ທ່ານພົນເອກ ຟານວັນຢາງ ກ່າວຄໍາເຫັນທີ່ກອງປະຊຸມ. ພາບ: ຟູເຊີນ |
ກ່າວຄຳເຫັນທີ່ກອງປະຊຸມ, ທ່ານພົນເອກ ຟານວັນຢາງ ສະແດງຄວາມປິຕິຊົມຊື່ນຕໍ່ການພັດທະນາອັນໃຫຍ່ຫຼວງ ກໍ່ຄືຜົນງານພົ້ນເດັ່ນເຊິ່ງພະນັກງານ, ນັກຮົບກອງພົນ 346 ບັນລຸໄດ້ ແລະເນັ້ນໜັກວ່າ: ໃນກອງປະຊຸມຄັ້ງຜ່ານມາ, ກົດໝາຍທີ່ກະຊວງປ້ອງກັນປະເທດ ເປັນປະທານສ້າງ ໄດ້ຮັບການຮັບຮອງເອົາຈາກສະພາແຫ່ງຊາດ ດ້ວຍອັດຕາສ່ວນສະໜັບສະໜູນຈາກຜູ້ແທນເກືອບທັງໝົດ. ໝາກຜົນດັ່ງກ່າວແມ່ນຍ້ອນມີການກະກຽມຢ່າງຮອບຄອບຖີ່ຖ້ວນ, ຜັນຂະຫຍາຍວຽກງານຢ່າງຈິງຈັງ, ມີວິທະຍາສາດ, ດ້ວຍຄຸນນະພາບສູງຈາກບັນດາອົງການ, ກົມກອງທີ່ກ່ຽວຂ້ອງຂອງກະຊວງປ້ອງກັນປະເທດ. ແຈ້ງໃຫ້ຊາບກ່ຽວກັບສະພາບໂລກ, ພາກພື້ນທີ່ກ່ຽວຂ້ອງເຖິງການເຄື່ອນໄຫວການພົວພັນຕ່າງປະເທດດ້ານປ້ອງກັນຊາດຂອງຫວຽດນາມ, ທ່ານລັດຖະມົນຕີ ຟານວັນຢາງ ໄດ້ເຈາະຈີ້ມບັນຫາທີ່ແທດຈິງ, ຮຽກຮ້ອງມາຍັງພະນັກງານ, ຜູ້ບັນຊາການບັນດາກົມກອງມີຄວາມສົນໃຈຄົ້ນຄວ້າ; ກໍານົດທິດເນື້ອໃນສຳຄັນເພື່ອໃຫ້ພະນັກງານ, ນັກຮົບກົມກອງ ກໍາແໜ້ນ, ເປັນເອກະພາບໃນການຈັດຕັ້ງປະຕິບັດ.
|
|
 |
|
ທ່ານພົນເອກ ຟານວັນຢາງ ພ້ອມດ້ວຍຜູ້ແທນເຂົ້າຮ່ວມກອງປະຊຸມ ແລະການນໍາ, ຜູ້ບັນຊາການ ກອງພົນ 346. ພາບ: ຟູເຊີນ |
ຕໍ່ໜ້າການຜັນແປທີ່ສັບສົນຂອງສະພາບໂລກ, ພາກພື້ນ, ທ່ານພົນເອກ ຟານວັນຢາງ ຮຽກຮ້ອງມາຍັງກອງພົນໃຫ້ຮັກສາລະບອບກຽມພ້ອມສູ້ຮົບຢ່າງເຂັ້ມງວດ; ຕັ້ງໜ້າປ່ຽນແປງໃໝ່ເນື້ອໃນ, ຮູບການ, ມີໄຫວພິບໃນການຈັດຕັ້ງການຝຶກແອບ, ຝຶກຝົນຫຼໍ່ຫຼອມ, ຍົກສູງລະດັບເຕັກນິກ, ຍຸດທະວິທີຂອງທະຫານ, ຮັບປະກັນໃຫ້ກົມກອງມີຄວາມພ້ອມໃນການຮັບ ແລະປະສົບຜົນສຳເລັດໃນທຸກໜ້າທີ່ວຽກງານທີ່ໄດ້ຮັບມອບໝາຍ, ບໍ່ປະໃຫ້ຕົກຢູ່ໃນທ່າຮັບໂດຍບັງເອີນໃນທຸກສະຖານະການ.
ສໍາລັບຄໍາເຫັນສະເໜີ, ຂໍ້ສະເໜີແນະຂອງຜູ້ມີສິດເລືອກຕັ້ງ, ຕາງໜ້າໃຫ້ຄະນະສະມາຊິກສະພາແຫ່ງຊາດແຂວງທ໊າຍງວຽນ, ທ່ານພົນເອກ ຟານວັນຢາງ ໄດ້ຕອບ ແລະເຮັດແຈ້ງບັນດາເນື້ອໃນທີ່ຂຶ້ນກັບສິດອຳນາດຂອງຕົນ. ເນື່ອງໃນໂອກາດນີ້, ທ່ານລັດຖະມົນຕີ ຟານວັນຢາງ ໄດ້ມອບຂອງຂວັນໃຫ້ຜູ້ຕາງໜ້າກົມກອງໃນບໍລິເວນ, ນາຍ ແລະພົນທະຫານ 30 ຄົນທີ່ແມ່ນລູກຫຼານຂອງທະຫານເສຍອົງຄະ, ທະຫານເຈັບປ່ວຍ, ນາຍ ແລະພົນທະຫານທີ່ປະສົບກັບຄວາມຫຍຸ້ງຍາກຂອງກອງພົນ 346 ແລະກອງບັນຊາການທະຫານເມືອງຟູເລືອງ (ກອງບັນຊາການທະຫານແຂວງທ໊າຍງວຽນ).
ໂດຍ: ເຈິ່ນຮວ່ຽນ