ກ່າວຄໍາເຫັນຊີ້ນໍາ ແລະຖອດຖອນບົດຮຽນພາຍຫຼັງຊົມການຝຶກແອບລາຍການພິທີໄຂຊົ່ວໂມງປາຍ, ທ່ານພົນໂທ ຝຸ່ງສີເຕີນ ຊົມເຊີຍຈິດໃຈຝຶກແອບຕັ້ງໜ້າຂອງບັນດາພະນັກງານ, ນັກຮົບ, ນັກສິລະປິນຈາກບັນດາອົງການ, ກົມກອງພາຍໃນ ແລະນອກກອງທັບ; ຕີລາຄາໝາກຜົນການຝຶກແອບ, ການສະແດງຂອງບັນດາກໍາລັງເຂົ້າຮ່ວມ, ໂດຍສະເພາະແມ່ນພາກສ່ວນສະແດງສິລະປະ. ບັນດາກໍາລັງໄດ້ມີຄວາມມານະພະຍາຍາມ, ຟັງການຊີ້ນໍາ, ຖອດຖອນບົດຮຽນຈາກການກວດກາຮ່ວມມືຫວ່າງແລ້ວນີ້; ຮຽກຮ້ອງບັນດາກໍາລັງສືບຕໍ່ຍົກສູງຈິດໃຈຮັບຜິດຊອບ, ປະຕິບັດລະບຽບວິໄນເພື່ອກະກຽມໃຫ້ການກວດຜ່ານຄັ້ງໃຫຍ່ໃນວັນທີ 30  ພະຈິກ ໂດຍລັດຖະມົນຕີກະຊວງປ້ອງກັນປະເທດຊີ້ນໍາໂດຍກົງ.

leftcenterrightdel
ທະຫານພິເສດຮ່ວມມືຝຶກແອບພິທີໄຂ. ພາບ: ຕ໋ວນຮຸຍ

ທ່ານພົນໂທ ຝຸ່ງສີເຕີນ ຮຽກຮ້ອງໃຫ້ບັນດາກໍາລັງທະຫານອາກາດ, ທະຫານພິເສດ, ກໍາລັງຝຶກແອບໝາວິຊາການຊາຍແດນສົມທົບຮ່ວມມືຢ່າງແໜ້ນແຟ້ນໃນວິວັດການຝຶກແອບ, ຮັບປະກັນລາຍການສະແດງບັນລຸຄຸນນະພາບດີ; ຮຽກຮ້ອງມາຍັງບັນດາກໍາລັງສະແດງຮັບປະກັນເສື້ອອາພອນໃຫ້ສອດຄ່ອງ, ປະສົມປະສານເຂົ້າກັນເປັນຢ່າງດີ, ພິເສດແມ່ນການສະແດງຕ້ອງຖືກເຕັກນິກ, ປອດໄພ, ງາມຕາ, ປະກອບສ່ວນເນັ້ນຈຸດໂດດເດັ່ນໃນພິທີໄຂ ແລະສ້າງຄວາມປະທັບໃຈທີ່ດີງາມຕໍ່ກັບເຫດການໂດຍກະຊວງປ້ອງກັນປະເທດຫວຽດນາມ ຈັດຕັ້ງ.

leftcenterrightdel
ທ່ານພົນໂທ ຝຸ່ງສີເຕີນ ເປັນປະທານກວດຜ່ານລາຍການຝຶກແອບງານວາງສະແດງ. ພາບ: ຕ໋ວນຮຸຍ

ພິທີໄຂແມ່ນຈຸດເນັ້ນຂອງງານວາງສະແດງປ້ອງກັນຊາດສາກົນຫວຽດນາມ 2024, ສົ່ງສານ “ສັນຕິພາບ-ການຮ່ວມມື-ການພັດທະນາ” ຂອງປະເທດເຈົ້າພາບຫວຽດນາມ ເຖິງເພື່ອນມິດສາກົນ; ແນະນໍາກ່ຽວກັບມູນເຊື້ອວັດທະນະທໍາທ່ີເຕັມໄປດ້ວຍລັກສະນະຊົນຊາດຂອງຫວຽດນາມ, ຮູບພາບ, ທີ່ຕັ້ງ ແລະອິດທິພົນຊື່ສຽງແຫ່ງຊາດໄດ້ຍົກສູງຂຶ້ນບົນເວທີປາໄສສາກົນຂອງປະເທດ; ຢັ້ງຢືນຄຸນນະທາດ, ກໍາລັງແຮງຂອງກໍາລັງປະກອບອາວຸດຫວຽດນາມ.

ງານວາງແດງປ້ອງກັນຊາດສາກົນຫວຽດນາມ 2024 ຈະດໍາເນີນແຕ່ວັນທີ 19 ຫາວັນທີ 22 ທັນວາ ທີ່ສະໜາມບິນຢາເລິມ (ຮ່າໂນ້ຍ).

ໂດຍ: ໄຊນີດາ