ຊ່ວຍເຫຼືອປະຊາຊົນໂດຍບໍ່ຫວາດຫວັ່ນຕໍ່ຄວາມຫຍຸ້ງຍາກລໍາບາກ

ໃນຊຸມວັນກາງເດືອນຕຸລາຜ່ານມາ, ກອງພັນໃຫຍ່ທີ 3, ກອງພົນ 330 (ທະຫານເຂດ 9) ໄດ້ປະຕິບັດໜ້າທີ່ຝຶກຊ້ອມຢູ່ຕາແສງວິງເຟືອກ, ເທດສະບານເມືອງວິງເຈົາ (ແຂວງຊອກຈັງ). ໃນວິວັດການປະຕິບັດໜ້າທີ່, ທາງກົມກອງໄດ້ສົມທົບກັບຄະນະພັກ, ອຳນາດການປົກຄອງທ້ອງຖິ່ນ ແລະອົງການຈັດຕັ້ງມະຫາຊົນຂອງທ້ອງຖິ່ນປະຕິບັດວຽກງານຂົນຂວາຍປະຊາຊົນດ້ວຍຫຼາຍກິດຈະກຳທີ່ມີຄວາມໝາຍ. ເພື່ອຕອບສະໜອງອາລົມຈິດດັ່ງກ່າວ, ບັນດາສະມາຊິກໃນສະຫະພັນແມ່ຍິງເມືອງວິງເຈົາ ໄດ້ຫໍ່ເຂົ້າໜົມແຕັດກວ່າ 1.200 ອັນ ເພື່ອມອບໃຫ້ພະນັກງານ, ນັກຮົບບັນດາກົມກອງທີ່ເຂົ້າຮ່ວມການຝຶກຊ້ອມ. ນີ້ແມ່ນອາລົມຈິດຂອງແນວຫຼັງທີ່ມີຕໍ່ກັບພະນັກງານ, ນັກຮົບຂອງບັນດາກົມກອງ ເພື່ອແນໃສ່ລະດົມກຳລັງໃຈ, ສ້າງກຳລັງໜູນເພື່ອໃຫ້ພວກສະຫາຍປະຕິບັດໜ້າທີ່ທີ່ໄດ້ຮັບມອບໝາຍໃຫ້ເປັນຢ່າງດີ.”

leftcenterrightdel
ກໍາລັງປະກອບອາວຸດທະຫານເຂດ 9 ເຂົ້າຮ່ວມການຝຶກຊ້ອມຍິງລູກປືນແທ້ຢູ່ສະໜາມຍິງປືນກອງບັນຊາການທະຫານແຂວງຊອກຈັງ, ປີ 2023. ພາບ: ກວາງດຶກ-ວັນຕວ໋ນ

ໂດຍແມ່ນບໍລິເວນທີ່ມີສະໜາມຍິງປຶນກອງບັນຊາການທະຫານແຂວງຊອກຈັງ - ເຊິ່ງແມ່ນສະຖານທີ່ດຳເນີນການຝຶກຊ້ອມໃຫຍ່ຫຼາຍຄັ້ງຂອງບັນດາກົມກອງຂຶ້ນກັບທະຫານເຂດ 9, ສະນັ້ນໃນຫຼາຍປີຜ່ານມາ, ຮູບພາບທະຫານພ້ອມດ້ວຍເຄື່ອງອຸປະກອນການທະຫານທີ່ນໍາເອົາຮັບໃຊ້ການຝຶກຊ້ອມໄດ້ກາຍເປັນຄວາມລື້ງເຄີຍຕໍ່ກັບປະຊາຊົນຢູ່ຕາແສງວິງເຟືອກ. ໃນການເຄື່ອນທັບ, ຝຶກຊ້ອມແຕ່ລະຄັ້ງ,  ບັນດາກົມກອງ ລ້ວນແຕ່ຈັດຕັ້ງການເຄື່ອນໄຫວຂົນຂວາຍປະຊາຊົນ, ຄື: ຢ້ຽມຢາມ, ມອບຂອງຂວັນໃຫ້ຄອບຄົວເປົ້າໝາຍນະໂຍບາຍ; ກວດພະຍາດ ແລະແຈກຢາຍຢາໂດຍບໍ່ເສຍຄ່າ; ໜູນຊ່ວຍເບ້ຍໄມ້ ແລະແນວພັນສັດລ້ຽງ; ເຮັດອະນາໄມ ແລະຖາງຫຍ້າຢູ່ຕາມເສັ້ນທາງຄົມມະນາຄົມ; ກໍ່ສ້າງຂົວ, ເສັ້ນທາງຊົນນະບົດ, ຍົກລະດັບເສັ້ນທາງທີ່ຖືກເປ່ເພ... ຍ້ອນເຫດນັ້ນ, ເຖິງວ່າຊີວິດການເປັນຢູ່ຍັງປະສົບກັບຄວາມຫຍຸ້ງຍາກ, ອັດຕາຄອບຄົວທຸກຍາກຍັງສູງກໍຕາມ, ແຕ່ພໍ່ແມ່ປະຊາຊົນຍາມໃດກໍ່ຮັກແພງ ແລະສ້າງເງື່ອນໄຂສະດວກໃນທຸກດ້ານ.

leftcenterrightdel
ການນໍາທະຫານເຂດ 9 ຍ້ອງຍໍຊົມເຊີຍກົມກອງປະຕິບັດສໍາເລັດການຝຶກຊ້ອມຍິງລູກປືນແທ້ຢູ່ສະໜາມຍິງປືນກອງບັນຊາການທະຫານແຂວງຊອກຈັງ, ປີ 2023. ພາບ: ກວາງດຶກ-ວັນຕວ໋ນ

ຄ້າຍຄືກັບຕາແສງວິງເຟືອກ, ສະຫາຍ ກາວແທ່ັງດົງ, ຮອງປະທານຄະນະກຳມະການປະຊາຊົນຕາແສງ ຟອງໝີ, ເມືອງ ກາວແລ໊ງ (ແຂວງດົ່ງທາບ) ແບ່ງປັນວ່າ: “ພະນັກງານ, ນັກຮົບກອງພັນໃຫຍ່ 9, ກອງພົນ 8 (ທະຫານເຂດ 9) ຍາມໃດກໍສະໜິດຕິດພັນ, ຊ່ວຍເຫຼືອວຽກງານຫຼາຍຢ່າງໃຫ້ທ້ອງຖິ່ນ ແລະປະຊາຊົນ, ສະນັ້ນກົມກອງມີຄວາມຕ້ອງການຫຍັງ, ປະຊາຊົນກໍ່ໜູນຊ່ວຍຢ່າງເຕັມທີ່. ເມື່ອກົມກອງດໍາເນີນການຝຶກຊ້ອມ, ເຄື່ອນທັບ, ສະຫະພັນແມ່ຍິງຕາແສງ, ຄະນະຊາວໜຸ່ມ, ສະຫະພັນນັກຮົບເກົ່າ... ໄດ້ພ້ອມກັນແຕ່ງຢູ່ຄົວກິນ ແລະແຈກນ້ຳເຢັນໆ ເພື່ອລະດົມກໍາລັງໃຈພວກອ້າຍນ້ອງທະຫານ. ພໍ່ແມ່ປະຊາຊົນພ້ອມແລ້ວທີ່ຈະຊ່ວຍເຫຼືອ ເພື່ອໃຫ້ທະຫານກໍ່ສ້າງຄ້າຍທະຫານ ແລະສະໜາມຮົບຢູ່ທ້ອງຖິ່ນຂອງຕົນ”.

ເປັນຈິດໜຶ່ງໃຈດຽວປະຕິບັດຫຼາຍນະໂຍບາຍໃຫຍ່

ໃນຊຸມປີມໍ່ໆມານີ້, ຢູ່ແຂວງຊອກຈັງ ເຖິງວ່າຕົວເລກຄາດໝາຍຄັດເລືອກພົນລະເມືອງເຂົ້າເປັນທະຫານສູງຫຼາຍກໍຕາມ, ແຕ່ເທດສະບານເມືອງວິງເຈົາ ໄດ້ປະຕິບັດສຳເລັດ 100%. ພິເສດ, ອັດຕາສ່ວນພົນລະເມືອງເຂົ້າເປັນທະຫານທີ່ມີລະດັບວິຊາສະເພາະດ້ານເຕັກນິກກວມເອົາອັດຕາສູງ; ບໍ່ມີກໍລະນີພົນລະເມືອງໂຕນໜີປະຖັນແຖວ ຫຼື ລະເມີດລະບຽບວິໄນ ແລະຕ້ອງໄດ້ສົ່ງກັບຄືນທ້ອງຖິ່ນ. ນອກຈາກການເຂົ້າຮ່ວມຢ່າງຕັ້ງໜ້າຂອງລະບົບການເມືອງ, ຜົນສໍາເລັດດັ່ງກ່າວຍັງມີການຊ່ວຍເຫຼືອຈາກຜູ້ທີ່ມີຍົດສັກທາງສາສະໜາອີກດ້ວຍ. ພະສົງ ຢ້າເລິມກີກທາ, ເຈົ້າອາວາດວັດ ຈາເຊັດ ຢູ່ຕາແສງວິງຫາຍ, ເທດສະບານເມືອງວິງເຈົາ ໃຫ້ຮູ້ວ່າ: “ທາງວັດ ແມ່ນພ້ອມແລ້ວທີ່ຈະເຂົ້າຮ່ວມກັບທ້ອງຖິ່ນໃນການຂົນຂວາຍປະຊາຊົນປະຕິບັດຕາມແຜນນະໂຍບາຍຂອງພັກ, ນະໂຍບາຍ, ກົດໝາຍຂອງລັດ; ລະດົມຊາວໜຸ່ມທີ່ເປັນລູກຫຼານຂອງຊາວເຜົ່າຂະແມ ໄປປະຕິບັດທະຫານພັນທະ”.

leftcenterrightdel
ການນໍາແຂວງຊອກຈັງ ຢ້ຽມຢາມ, ມອບຂອງຂວັນ ໃຫ້ວັດ ຢູ່ໃນບໍລິເວນເທດສະບານເມືອງວິງເຈົາ ເນື່ອງໃນໂອກາດ “ທະຫານ-ປະຊາຊົນຊົມເຊີຍບຸນເຕັດ Chol Chnam Thmay” ປີ 2024. ພາບ: ກວາງດຶກ-ວັນຕວ໋ນ

ທ່ານພັນເອກພິເສດ ຟ້າມງອກກວາງ, ຫົວໜ້າການເມືອງ ກອງບັນຊາການນະຄອນເກິ່ນເທີ ຕີລາຄາວ່າ ວຽກງານຂົນຂວາຍປະຊາຊົນໄດ້ປະກອບສ່ວນນຳມາເຊິ່ງປະສິດທິຜົນອັນໃຫຍ່ຫຼວງໃຫ້ແກ່ວຽກງານການທະຫານ, ການປ້ອງກັນຊາດຢູ່ທ້ອງຖິ່ນ ແລະແບ່ງປັນຕື່ມອີກວ່າ: “ການຄັດເລືອກ ແລະຮຽກເອີ້ນເອົາພົນລະເມືຶອງເຂົ້າເປັນທະຫານນັບມື້ນັບມີຄວາມສະດວກ, ບໍ່ມີປະກົດການຫຼີກລ້ຽງ ຫຼືຕໍ່ຕ້ານ; ໃນການຝຶກຊ້ອມຄັ້ງຕ່າງໆຖ້າມີຄວາມຕ້ອງການຫຍັງ, ປະຊາຊົນລ້ວນແຕ່ໃຫ້ການສະໜັບສະໜູນ. ປະຊາຊົນມີຄວາມເຊື່ອໝັ້ນຕໍ່ພັກ, ຕໍ່ອໍານາດການປົກຄອງ, ກຳລັງປະກອບອາວຸດ, ດັ່ງນັ້ນ, ເຖິງວ່າແມ່ນໃຈກາງຂອງເຂດທົ່ງພຽງແມ່ນ້ຳຂອງກໍຕາມ, ແຕ່ທາງນະຄອນຊອກຈັງ ກໍບໍ່ປະໃຫ້ເກີດບັນຫາກາຍເປັນຈຸດເຄັ່ງຮ້ອນ”.

ເມື່ອແລກປ່ຽນກັບພວກຂ້າພະເຈົ້າ, ທ່ານພົນຈັດຕະວາ ຮີ່ງວັນງອນ, ຮອງຫົວໜ້າການເມືອງທະຫານເຂດ 9 ໃຫ້ຮູ້ວ່າ: “ພາຍໃຕ້ການອູ້ມຊູຊ່ວຍເຫຼືອຂອງປະຊາຊົນຢູ່ເຂດທົ່ງພຽງແມ່ນ້ຳຂອງ, ກຳລັງປະກອບອາວຸດທະຫານເຂດ 9 ໄດ້ຮັບການພັດທະນາຢ່າງບໍ່ຢຸດຢັ້ງດ້ານຄຸນນະພາບສັງລວມ, ກໍາລັງແຮງສູ້ຮົບ, ຕັ້ງໜ້າປ່ຽນແປງໃໝ່ປະດິດສ້າງ, ຍົກສູງຄຸນນະພາບທຸກໜ້າທີ່ວຽກງານ ແລະຂອດບຸກທະລຸ. ພິເສດ, ກໍາລັງປະກອບອາວຸດທະຫານເຂດ 9 ໄດ້ສົມທົບກັນຢ່າງແໜ້ນແຟ້ນກັບບັນດາທ້ອງຖິ່ນ ເພື່ອສ້າງພື້ນຖານປ້ອງກັນຊາດທ່ົວປວງຊົນຕິດພັນກັບທ່າສະໜາມປ້ອງກັນຄວາມສະຫງົບປະຊາຊົນ, ກໍ່ສ້າງກໍາລັງປະກອບອາວຸດດ້ວຍກອງທະຫານ 3 ປະເພດໃຫ້ນັບມື້ນັບເຕີບໃຫຍ່ເຂັ້ມແຂງ, ຮັກສາສະຖຽນລະພາບທາງດ້ານການເມືອງ, ຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມ, ສ້າງເງື່ອນໄຂເພື່ອພັດທະນາເສດຖະກິດ - ສັງຄົມ ຢູ່ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ...”.

ໂດຍ: ທູຈາງ