    |
 |
|
ພົນໂທ ຫງວຽນເຕິນເກືອງ ແລະພົນໂທ ເຈິ່ນກ໊ວກຕໍ໊ ເປັນປະທານຮ່ວມກອງປະຊຸມ. ພາບ: qdnd.vn |
ກ່າວຄໍາເຫັນສະຫຼຸບກອງປະຊຸມ, ທ່ານພົນໂທ ຫງວຽນເຕິນເກືອງ ແລະທ່ານພົນໂທ ເຈິ່ນກ໊ວກຕໍ໊ ຮັບຮູ້, ຕີລາຄາສູງໝາກຜົນທີ່ບັນລຸໄດ້ໃນການເຄື່ອນໄຫວສົມທົບກັນລະຫວ່າງກະຊວງປ້ອງກັນປະເທດ ແລະກະຊວງຕໍາຫຼວດ, ຮຽກຮ້ອງໃຫ້ບັນດາອົງການ, ກົມກອງ ແລະພະນັກງານ, ພາລະກອນ, ນັກຮົບ ຊາບຊຶມແນວທາງ, ແຜນນະໂຍບາຍຂອງພັກ, ນະໂຍບາຍ ແລະກົດໝາຍຂອງລັດ ກ່ຽວກັບການປ້ອງກັນຊາດ, ປ້ອງກັນຄວາມສະຫງົບ ຢ່າງເລິກເຊິ່ງ, ສົມທົບກັນຢ່າງແໜ້ນແຟ້ນ; ເປັນເຈົ້າການຍົກສູງຄຸນນະພາບວຽກງານກໍາແໜ້ນຂໍ້ມູນ, ແລກປ່ຽນຂໍ້ມູນ, ໃຫ້ຂໍ້ສັງເກດ, ຕີລາຄາ, ຄາດຄະເນສະພາບການ; ສະເໜີໃຫ້ພັກ, ລັດ ບັນດາແຜນນະໂຍບາຍ, ມາດຕະການທີ່ແທດຈິງ, ປະຕິບັດໜ້າທີ່ປ້ອງກັນຊາດ, ປ້ອງກັນຄວາມສະຫງົບຢ່າງມີໄຊ, ຮັບປະກັນຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍ, ຄວາມປອດໄພໃນສັງຄົມ, ຮັບໃຊ້ການພັດທະນາເສດຖະກິດ-ສັງຄົມຂອງປະເທດ; ເປັນເສນາທິການໃຫ້ຄະນະພັກ, ອໍານາດການປົກຄອງທ້ອງຖິ່ນເພີ່ມທະວີການປັບປຸງລະບົບການເມືອງ, ແກ້ໄຂບັນດາບັນຫາ, ເຫດການແຕ່ຂັ້ນຮາກຖານຢ່າງເຖິງຖອງ.
|
|
 |
|
ພົນໂທ ຫງວຽນເຕິນເກືອງ ກ່າວຄໍາເຫັນໄຂກອງປະຊຸມ. ພາບ: qdnd.vn |
ການນໍາກະຊວງປ້ອງກັນປະເທດ ແລະກະຊວງຕໍາຫຼວດ ຮຽກຮ້ອງໃຫ້ພະນັກງານ, ນັກຮົບບັນດາກົມກອງຂຶ້ນກັບສອງກໍາລັງຕັ້ງໜ້າ, ເປັນເຈົ້າການສົມທົບກັນ, ເປັນເສນາທິການໃຫ້ຄະນະພັກ, ອໍານາດການປົກຄອງທ້ອງຖິ່ນ ລະດົມ, ຄຸ້ມຄອງ, ນໍາໃຊ້ບັນດາແຫຼ່ງກໍາລັງຢ່າງມີປະສິດທິຜົນ, ກໍ່ສ້າງພື້ນຖານທົ່ວປວງຊົນປ້ອງກັນຊາດ, ທ່າຮົບທົ່ວປວງຊົນປ້ອງກັນຊາດ ຕິດພັນກັບທ່າຮົບປ້ອງກັນຄວາມສະຫງົບປະຊາຊົນຢ່າງໜັກແໜ້ນ.
|
|
 |
|
ພົນໂທ ຫງວຽນເຕິນເກືອງ ກ່າວຄໍາເຫັນກໍານົດບາງເນື້ອໃນຈຸດສຸມທີ່ກະຊວງປ້ອງກັນປະເທດ, ກະຊວງຕໍາຫຼວດ ຄວນສຸມໃສ່ສົມທົບກັນປະຕິບັດໃນໄລຍະຈະມາເຖິງໃຫ້ມີປະສິດທິຜົນ. ພາບ: qdnd.vn |
|
|
 |
|
ບັນຍາກາດທີ່ກອງປະຊຸມ. ພາບ: qdnd.vn |
ຕໍ່ໜ້າສະພາບການບັນດາອິດທິກໍາລັງທີ່ເປັນປໍລະປັກຍູ້ແຮງການເຄື່ອນໄຫວຕ້ານທໍາລາຍ, ທ່ານພົນໂທ ຫງວຽນເຕິນເກືອງ ແລະທ່ານພົນໂທ ເຈິ່ນກ໊ວກຕໍ໊ ຮຽກຮ້ອງໃຫ້ບັນດາອົງການ, ກົມກອງຂອງສອງກະຊວງເພີ່ມທະວີການສົມທົບກັນຕໍ່ສູ້ເຮັດໃຫ້ທຸກກົນອຸບາຍ, ການເຄື່ອນໄຫວຕ້ານທໍາລາຍຂອງອິດທິກໍາລັງທີ່ເປັນປໍລະປັກຖືກປະລາໄຊ; ຜັນຂະຫຍາຍມາດຕະການສະກັດກັ້ນ, ຕໍ່ສູ້, ປາບປາມອາດຊະຍາກໍາປະເພດຕ່າງໆຢ່າງຂ້ຽວຂາດ, ໂດຍສະເພາະແມ່ນອາດຊະຍາກໍາທີ່ມີການຈັດຕັ້ງ, ຂ້າມຊາດ; ຄຸ້ມຄອງການເຄື່ອນໄຫວເຂົ້າອອກເມືອງ, ອາວຸດ, ວັດຖຸລະເບີດທຸກປະເພດ, ເຄື່ອງມືໜູນຊ່ວຍຢ່າງໜັກແໜ້ນ; ປະຕິບັດວຽກງານສົມທົບກັນປ້ອງກັນການເມືອງພາຍໃນກໍາລັງປະກອບອາວຸດໃຫ້ເປັນຢ່າງດີ, ຄົ້ນພົບ, ຕໍ່ສູ້ສະກັດກັ້ນກົນອຸບາຍ, ການເຄື່ອນໄຫວແຊກຊຶມທໍາລາຍພາຍໃນ, ແບ່ງແຍກຄວາມສາມັກຄີລະຫວ່າງກອງທັບ ແລະຕໍາຫຼວດ ຢ່າງທັນການ; ຮັກສາລະບອບລາຍງານ, ກວດກາ, ແລກປ່ຽນວຽກງານປະຈໍາໄລຍະຕາມຂໍ້ກໍານົດຢ່າງເຂັ້ມງວດ.
ໂດຍ: ໄຊຊະນະ