ໃນບົດກ່າວປາໄສ, ທ່ານພົນເອກ ຟານວັນຢາງ ຊີ້ແຈ້ງວ່າ: ປະຕິບັດຄຳສັ່ງຂອງປະທານໂຮ່ຈີມິນ, ວັນທີ 22-12-1944, ກອງໂຄສະນາທະຫານປົດປ່ອຍຫວຽດນາມ, ກອງທັບປະຊາຊົນຫວຽດນາມ ໃນປະຈຸບັນໄດ້ຮັບການສ້າງຕັ້ງຂຶ້ນ. ສືບທອດ ແລະເສີມຂະຫຍາຍນ້ຳໃຈຮັກຊາດ, ສິລະປະການທະຫານທີ່ເປັນເອກະລັກສະເພາະຂອງປະເທດຫວຽດນາມ ແລະການສະໜັບສະໜູນຂອງເພື່ອນມິດສາກົນ, ພາຍຫຼັງ 80 ປີແຫ່ງການສ້າງຕັ້ງ, ຕໍ່ສູ້ ແລະເຕີບໃຫຍ່, ກອງທັບປະຊາຊົນຫວຽດນາມ ນັບມື້ນັບຂະຫຍາຍຕົວ ແລະເຕີບໃຫຍ່ເຂັ້ມແຂງຢ່າງບໍ່ຢຸດຢັ້ງ, ຍາມໃດກໍ່ສະແດງໃຫ້ເຫັນຄຸນນະທາດຂອງກອງທະຫານປະຕິວັດ, ມາຈາກປະຊາຊົນ, ຕໍ່ສູ້ເພື່ອປະຊາຊົນ, ສົມເປັນກຳລັງການເມືອງພິເສດ, ເປັນກຳລັງຕໍ່ສູ້ທີ່ຈົ່ງຮັກພັກດີ, ໄວ້ເນື້ອເຊື່ອໃຈຂອງພັກ, ລັດ ແລະປະຊາຊົນຫວຽດນາມ.
    |
 |
|
ທ່ານປະທານປະເທດ ເລືອງເກື່ອງ ແລະທ່ານລັດຖະມົນຕີກະຊວງປ້ອງກັນປະເທດຫວຽດນາມ ຟານວັນຢາງ ດຳເນີນພິທີເປີດນໍາໃຊ້ຫ້ອງວ່າການທູດປ້ອງກັນຊາດຫວຽດນາມ ປະຈໍາ ຈີເລ. ພາບ: qdnd.vn |
ພ້ອມກັນນັ້ນ, ທ່ານພົນເອກ ຟານວັນຢາງ ເນັ້ນໜັກວ່າ: ພັກ, ລັດໄດ້ເລືອກເອົາວັນທີ 22 ທັນວາ 1989 ເປັນວັນບຸນປ້ອງກັນຊາດທົ່ວປວງຊົນ ທັງສະແດງໃຫ້ເຫັນການສືບທອດມູນເຊື້ອທົ່ວປວງຊົນ ຕໍ່ສູ້ຕ້ານສັດຕູປົກປັກຮັກສາປະເທດຂອງຊາດຫວຽດນາມ ແລະທັງສືບຕໍ່ຢັ້ງຢືນທັດສະນະຂອງພັກກອມມູນິດຫວຽດນາມ ທີ່ວ່າທົ່ວປວງຊົນເຂົ້າຮ່ວມການສ້າງສາ ແລະປົກປັກຮັກສາປະເທດຊາດ, ໃນນັ້ນກຳລັງປະກອບອາວຸດປະຊາຊົນເປັນຫຼັກແຫຼ່ງ.
ທ່ານພົນເອກ ຟານວັນຢາງ ເນັ້ນໜັກວ່າ, ສຳລັບ ຈີເລ, ການປະຕິບັດແຜນນະໂຍບາຍຊຸກຍູ້ການພົວພັນຮອບດ້ານລະຫວ່າງສອງປະເທດ, ໃນນັ້ນມີຂົງເຂດການທະຫານ, ການປ້ອງກັນຊາດແມ່ນໄດ້ຮັບການເຫັນດີເປັນເອກະພາບຈາກການນຳຂັ້ນສູງສອງປະເທດໃນການພົບປະຕ່າງໆເມື່ອບໍ່ດົນມານີ້. ເນື່ອງໃນໂອກາດນີ້, ຕາງໜ້າກະຊວງປ້ອງກັນປະເທດຫວຽດນາມ, ທ່ານພົນເອກ ຟານວັນຢາງ ໄດ້ປະກາດເປີດນໍາໃຊ້ຫ້ອງວ່າການທູດປ້ອງກັນຊາດຫວຽດນາມ ປະຈໍາ ຈີເລ.
|
|
 |
|
ທ່ານລັດຖະມົນຕີ ຟານວັນຢາງ ກ່າວຄຳເຫັນທີ່ພິທີເປີດນໍາໃຊ້ຫ້ອງວ່າການທູດປ້ອງກັນຊາດ ຫວຽດນາມ ປະຈໍາ ຈີເລ. ພາບ: qdnd.vn |
ໃນເງື່ອນໄຂທີ່ໄດ້ຮັບການສ້າງຕັ້ງໃໝ່, ທັງປະຕິບັດໜ້າທີ່ເປັນປະຈຳ ແລະໂດຍບັງເອີນ ທັງປັບປຸງໂຄງປະກອບການຈັດຕັ້ງ, ກຳລັງເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ການທູດປ້ອງກັນຊາດນັບມື້ນັບສູງ, ທ່ານພົນເອກ ຟານວັນຢາງ ຮຽກຮ້ອງໃຫ້ພະນັກງານ, ພາລະກອນຂອງຫ້ອງວ່າການທູດປ້ອງກັນຊາດ ຕ້ອງກໍາແໜ້ນພະລາບົດບາດ, ໜ້າທີ່ເປັນປະຈຳ, ກໍານົດຄວາມຕັດສິນໃຈ, ແກ້ໄຂຄວາມຫຍຸ້ງຍາກ, ມານະພະຍາຍາມປະຕິບັດໜ້າທີ່ການເມືອງສຳເລັດຜົນ, ສ້າງກົມກອງໃຫ້ໝັ້ນຄົງເຂັ້ມແຂງຮອບດ້ານ “ເປັນແບບຢ່າງ, ພົ້ນເດັ່ນ”. ຄຽງຄູ່ກັນນັ້ນ, ທ່ານພົນເອກ ຟານວັນຢາງ ຮຽກຮ້ອງບັນດາອົງການ, ກົມກອງທີ່ຂຶ້ນກັບກະຊວງປ້ອງກັນປະເທດ ອີງຕາມພະລາບົດບາດ, ໜ້າທີ່ປະຕິບັດວຽກງານສົມທົບກັນໃຫ້ດີກວ່າອີກ, ຊີ້ນໍາຫ້ອງວ່າການທູດປ້ອງກັນຊາດຫວຽດນາມ ປະຈໍາ ຈີເລ ຜັນຂະຫຍາຍການປະຕິບັດທຸກໜ້າທີ່ຢ່າງມີປະສິດທິຜົນ, ເປັນເສນາທິການຈັດຕັ້ງບັນດາກິດຈະກຳເຄື່ອນໄຫວເປັນຢ່າງດີ ເພື່ອຊຸກຍູ້ການພົວພັນຮ່ວມມືດ້ານປ້ອງກັນຊາດຂອງຫວຽດນາມ ກັບ ຈີເລ ແລະປະເທດອື່ນໆ.
ໂດຍ: ຈາງຫງວຽນ