ທ່່ານພົນຕີ ເລດຶກທ໊າຍ ຜູ້ບັນຊາການທະຫານຊາຍແດນ ເຂົ້າຮ່ວມ ແລະຊີ້ນໍາພິທີໄຂ; ທ່ານພົນຈັດຕະວາ ເລວັນຝຸກ ຮອງຜູ້ບັນຊາການທະຫານຊາຍແດນ ເປັນປະທານພິທີໄຂ. ເຂົ້າຮ່ວມພີທີໄຂ ມີທ່ານພັນເອກ Cui zong Pang, ຮອງທີ່ປຶກສາທູດປ້ອງກັນຊາດ ຈີນ; ທ່ານພັນໂທ ສຸລາໄຊ ສຸກແສງຕາ ຮອງທີ່ປຶກສາທູດປ້ອງກັນຊາດລາວ; ທ່ານພົນຈັດຕະວາ Leang Sovannara ທູດທະຫານ ແຫ່ງລາຊະອານາຈັກກໍາປູເຈຍ.
    |
 |
|
ທ່ານພົນຕີ ເລດຶກທ໊າຍ ຜູ້ບັນຊາການທະຫານຊາຍແດນ ແລະບັນດາຜູ້ແທນເຂົ້າຮ່ວມພິທີໄຂ. ພາບ: qdnd.vn |
ການແຂ່ງຂັນໄດ້ແບ່ງເປັນ 3 ຂັ້ນ (ຂັ້ນທະຫານຊາຍແດນແຂວງ ລວມມີ 25 ກົມກອງ ແລະໄດ້ຈັດຕັ້ງຕາມ 3 ເສັ້ນຊາຍແດນ, ລວມມີ, ພາສາຈີນ ຢູ່ໂຮງຮຽນວິທະຍາໄລຊາຍແດນ, ພາສາລາວ ຢູ່ທະຫານຊາຍແດນແຂວງຮ່າຕິງ, ພາສາກໍາປູເຈຍ ຢູ່ທະຫານຊາຍແດນແຂວງ ໄຕນີງ). ຄະນະຈັດຕັ້ງ ເລືອກເອົາ 3 ກົມກອງ/1 ສາຍຊາຍແດນທີ່ມີຜົນງານດີເດັ່ນທີ່ສຸດເພື່ອເຂົ້າຮ່ວມການແຂ່ງຂັນຂັ້ນກອງບັນຊາການ, ລວມມີ: ທະຫານຊາຍແດນແຂວງລ້າງເຊີນ, ທະຫານຊາຍແດນແຂວງກວາງນີງ, ທະຫານຊາຍແດນແຂວງລາວກ໊າຍ (ເສັ້ນຊາຍແດນ ຫວຽດນາມ-ຈີນ); ທະຫານຊາຍແດນແຂວງແທ໊ງຮ໊ວາ, ທະຫານຊາຍແດນແຂວງເງະອານ, ທະຫານຊາຍແດນແຂວງຮ່າຕີງ (ເສັ້ນຊາຍແດນຫວຽດນາມ-ລາວ), ທະຫານຊາຍແດນແຂວງກອນຕຸມ, ທະຫານຊາຍແດນແຂວງດັກນົງ, ທະຫານຊາຍແດນແຂວງໄຕນີງ (ເສັ້ຍຊາຍແດນຫວຽດນາມ-ກໍາປູເຈຍ) ດ້ວຍ 110 ສະຫາຍ/9 ກົມກອງເຂົ້າຮ່ວມ.
|
|
 |
|
ທ່ານພົນຈັດຕະວາ ເລວັນຝຸກ ຮອງຜູ້ບັນຊາການທະຫານຊາຍແດນ ກ່າວຄໍາເຫັນໄຂການແຂ່ງຂັນ. ພາບ: qdnd.vn |
ທ່ານພົນຈັດຕະວາ ເລວັນຝຸກ ເນັ້ນໜັກວ່າ ການແຂ່ງຂັນແມ່ນໂອກາດເພື່ອໃຫ້ບັນດາສະຫາຍໄດ້ສຶກສາ, ບໍາລຸງສ້າງ, ນຳໃຊ້ພາສາປະເທດບ້ານໃກ້ເຮືອນຄຽງ, ແລກປ່ຽນ, ຮໍ່າຮຽນເຊິ່ງກັນ ແລະກັນ ເພື່ອແນໃສ່ປະກອບສ່ວນປະຕິບັດໜ້າທີ່ວຽກງານຊາຍແດນຢ່າງມີໄຊ; ພ້ອມທັງນໍາໃຊ້ພາສາປະເທດບ້ານໃກ້ເຮືອນຄຽງເພື່ອໂຄສະນາແນວທາງ, ແຜນນະໂຍບາຍຂອງພັກ, ນະໂຍບາຍ, ກົດໝາຍ ແລະວັດທະນະທໍາຂອງຫວຽດນາມ ເຖິງບັນດາປະເທດເພື່ອນມິດຈີນ, ລາວ ແລະກໍາປູເຈຍ. ທັງແມ່ນໂອກາດເພື່ອໃຫ້ບັນດາກົມກອງພ້ອມກັນແລກປ່ຽນ, ຖອດຖອນບົດຮຽນ, ຄວາມຮູ້, ວິທີການເຮັດທີ່ດີ, ບັນດາຮູບແບບປະດິດສ້າງຂອງກັນ. ຈາກນັ້ນ, ບັນດາອົງການ, ກົມກອງມີການຊີ້ນໍາ, ນໍາພາຍົກສູງຄຸນນະພາບ, ປະສິດທິຜົນໃນວິວັດການປະຕິບັດໜ້າທີ່ຢູ່ເສັ້ນຊາຍແດນ, ຕອບສະໜອງຄວາມຮຽກຮ້ອງຕ້ອງການຂອງໜ້າທີ່ໃນສະພາບການໃໝ່. ທ່ານພົນຈັດຕະວາ ເລວັນຝຸກ ຮຽກຮ້ອງໃຫ້ບັນດາພາກສ່ວນເຂົ້າຮ່ວມການແຂ່ງຂັນຍົກສູງຈິດໃຈຮັບຜິດຊອບ, ຕັ້ງໜ້າ, ເປັນເຈົ້າການເພື່ອໃຫ້ການແຂ່ງຂັນບັນລຸເປົ້າໝາຍທີ່ໄດ້ວາງອອກ.
|
|
 |
|
ບັນດາຜູ້ແທນທີ່ພິທີຕ້ອນຮັບ. ພາບ: qdnd.vn |
ກ່ອນໜ້ານັ້ນ, ການນໍາກອງບັນຊາການທະຫານຊາຍແດນ ໄດ້ຕ້ອນຮັບທ່ານພັນເອກ Cui zong Pang, ຮອງທີ່ປຶກສາທູດປ້ອງກັນຊາດ ຈີນ; ທ່ານພັນໂທ ສຸລາໄຊ ສຸກແສງຕາ ຮອງທີ່ປຶກສາທູດປ້ອງກັນຊາດ ລາວ; ທ່ານພົນຈັດຕະວາ Leang Sovannara ທູດທະຫານ ແຫ່ງລາຊະອານາຈັກກໍາປູເຈຍ ປະຈຳຫວຽດນາມ ເນື່ອງໃນໂອກາດເຂົ້າຮ່ວມພິທີໄຂການແຂ່ງຂັນ.
ໂດຍ: ດັ້ງເກື່ອງ