ຄະນະຜູ້ແທນການທະຫານຂັ້ນສູງຫວຽດນາມ ເຂົ້າຮ່ວມກອງປະຊຸມຄວາມໝ້ັນຄົງສາກົນ ມົດສະກູ ຄັ້ງທີ 7
ກປ.ອອນໄລ - ໂດຍຕອບສະໜອງຕາມຄຳເຊີນຂອງກະຊວງປ້ອງກັນປະເທດ ສະຫະພັນ ລັດເຊຍ, ວັນທີ 3 ເມສາ, ທ່ານພົນເອກ ໂງຊວນລິກ, ກຳມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ ນຳໜ້າຄະນະຜູ້ແທນການທະຫານຂັ້ນສູງຫວຽດນາມ ເດີນທາງເຂົ້າຮ່ວມກອງປະຊຸມຄວາມໝ້ັນຄົງສາກົນ ມົດສະກູ ຄັ້ງທີ 7 ເຊິ່ງຈະດໍາເນີນໃນລະຫວ່າງວັນທີ 4-5 ເມສາ, ທີ່ສະຫະພັນ ລັດເຊຍ.
ການເຂົ້າຮ່ວມກອງປະຊຸມຂອງທ່ານພົນເອກ ໂງຊວນລິກ ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ຢືນຢັນເຖິງບົດບາດຕັ້ງໜ້າ, ເປັນເຈົ້າການ ແລະຄວາມຮັບຜິດຊອບສູງຂອງຫວຽດນາມ ກ່ຽວກັບບັນດາບັນຫາສາກົນ ແລະພາກພື້ນ; ສະແດງທັດສະນະຂອງຫວຽດນາມກ່ຽວກັບບັນຫາຄວາມໝັ້ນຄົງ ແລະພັດທະນາ ເຊິ່ງໂລກ, ພາກພື້ນຕ່າງມີຄວາມສົນໃຈ.
    |
 |
|
ທ່ານພົນເອກ ໂງຊວນລິກ ລັດຖະມົນຕີກະຊວງປ້ອງກັນປະເທດຫວຽດນາມ ແລະທ່ານ Sergei Shoigu ລັດຖະມົນຕີກະຊວງປ້ອງກັນປະເທດ ລັດເຊຍ. ພາບ: Mod.gov.vn. |
ຄາດຄະເນ, ຢູ່ນອກກອງປະຊຸມ, ລັດຖະມົນຕີກະຊວງປ້ອງກັນປະເທດຫວຽດນາມ ຈະມີການພົບປະກັບທ່ານ Sergei Shoigu ລັດຖະມົນຕີກະຊວງປ້ອງກັນປະເທດ ລັດເຊຍ. ນີ້ກໍ່ແມ່ນກາລະໂອກາດເພື່ອໃຫ້ສອງຝ່າຍສືບຕໍ່ປຶກສາຫາລື, ແລກປ່ຽນ, ຍົກອອກບັນດາເນື້ອໃນ, ມາດຕະການໃໝ່ແນໃສ່ຊຸກຍູ້ການຮ່ວມມືດ້ານປ້ອງກັນຊາດລະຫວ່າງສອງຝ່າຍກວ່າອີກ, ປະກອບສ່ວນປັບປຸງການພົວພັນຮ່ວມມືມິດຕະພາບລະຫວ່າງກອງທັບສອງປະເທດເໝາະສົມກັບການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ-ສະຫະພັນ ລັດເຊຍ.
ແປໂດຍ: ຮຸຍດົງ