ກາລະໂອກາດຈາກບັນດາຂີດໝາຍທີ່ຕັ້ງໜ້າຂອງການທູດ
ປີ 2024, ຫວຽດນາມ ໄດ້ບັນລຸລະດັບເຕີບໂຕສູງ, ດ້ວຍຜົນງານດີເດັ່ນໃນຂົງເຂດການທູດ. ຜ່ານນັ້ນ, ສືບຕໍ່ສ້າງຮູບພາບປະເທດຫວຽດນາມ ເຊື່ອມໂຍງຢ່າງເລິກເຊິ່ງກວ້າງຂວາງເຂົ້າກັບໂລກຕາມທິດນໍາຫັນການພົວພັນຕ່າງປະເທດເປັນຫຼາຍຝ່າຍ, ຫຼາຍຮູບຫຼາຍແບບ, ເປັນສະມາຊິກທີ່ຕັ້ງໜ້າ ແລະມີຄວາມຮັບຜິດຊອບຂອງປະຊາຄົມສາກົນ. ອາດເວົ້າໄດ້ວ່າ ບັນດາຜົນງານໃນການພົວພັນຕ່າງປະເທດ, ການທູດໄດ້ປະກອບສ່ວນສ້າງຖານະບົດບາດໃຫ້ປະເທດ ແລະເປັນຂົວເຊື່ອມຕໍ່ເພື່ອໃຫ້ ຫວຽດນາມ ພົ້ນເດັ່ນໃນແຜນທີ່ໂລກ.
    |
 |
|
ກອງປະຊຸມສະຫຼຸບວຽກງານຂອງຂະແໜງການການທູດປີ 2024 ແລະທິດທາງ, ໜ້າທີ່ປີ 2025. ພາບ: ຮ່າເຟືອງ |
ແຕ່ເດືອນມິຖຸນາ ຫາເດືອນສິງຫາ 2024 (3 ເດືອນ), ຜ່ານການເຄື່ອນໄຫວພົວພັນຕ່າງປະເທດ, ເປັນຕົ້ນແມ່ນການພົວພັນຕ່າງປະເທດຂັ້ນສູງ, ຫວຽດນາມ ໄດ້ດຶງດູດເງິນລົງທຶນຈາກຕ່າງປະເທດນັບຕື້ໂດລາສະຫະລັດ. ເດືອນມິຖຸນາປີ 2024, ທ່ານ Vladimir Putin ປະທານາທິບໍດີລັດເຊຍ ໄດ້ມາຢ້ຽມຢາມຫວຽດນາມ. ຫຼັງຈາກນັ້ນ, ໃນທ້າຍເດືອນກໍລະກົດ ຫາຕົ້ນເດືອນສິງຫາ, ທ່ານ ຟ້າມມິງຈິ໊ງ ນາຍົກລັດຖະມົນຕີ ໄດ້ໄປຢ້ຽມຢາມອິນເດຍ. ແລະກໍ່ໃນເດືອນສິງຫາ, ທ່ານ ໂຕເລິມ ໃນຖານະເປັນເລຂາທິການໃຫຍ່, ປະທານປະເທດ, ຍັງໄດ້ໄປຢ້ຽມຢາມ ຈີນ ເພື່ອຍົກສູງການພົວພັນຮ່ວມມືສອງຝ່າຍລະຫວ່າງສອງປະເທດບ້ານໃກ້ເຮືອນຄຽງ. ໜັງສືພິມ Japan Times ໃຫ້ຂໍ້ສັງເກດວ່າ ຫວຽດນາມ ໄດ້ສະແດງໃຫ້ເຫັນຄຸນຄ່າຍຸດທະສາດ ໃນການພົວພັນກັບບັນດາປະເທດມະຫາອຳນາດພາຍໃນ ແລະນອກມະຫາສະໝຸດອິນເດຍ-ປາຊີຟິກ. ປະເທດນີ້ມີບັນດາທ່າໄດ້ປຽບຢ່າງແນ່ນອນເມື່ອແກ່ງແຍ້ງກັບຈີນ ແລະອິນເດຍ ກ່ຽວກັບພື້ນຖານໂຄງລ່າງ, ກັບສະຫະລັດອາເມລິກາ ແລະຈີນ ກ່ຽວກັບເຕັກໂນໂລຢີກ້າວໜ້າ, ພ້ອມທັງເປັນຄູ່ຮ່ວມມືພ້ອມກັບລັດເຊຍ, ຈີນ ແລະອິນເດຍ ໃນການແກ້ໄຂສິ່ງທ້າທາຍໃນພາກພື້ນ. ບັນດາປະເທດຊີກໂລກໃຕ້ ສາມາດຮຽນຮູ້ບົດຮຽນຈາກຍຸດທະສາດການທູດອັນສະຫຼາດຄ່ອງແຄ້ວຂອງຫວຽດນາມ. ຄຽງຂ້າງນັ້ນ, ຫວຽດນາມ ຍັງຮັກສາຄວາມດຸ່ນດ່ຽງລະຫວ່າງຜົນປະໂຫຍດຈາກການຮ່ວມມືດ້ານເສດຖະກິດສາກົນ ແລະການຄິດໄລ່ດ້ານພູມສາດການເມືອງ ແລະຄວາມໝັ້ນຄົງໃນພາກພື້ນ.
ໜັງສືພິມລາຍວັນພາສາອັງກິດໃຫຍ່ທີ່ສຸດຂອງຍີ່ປຸ່ນ ໄດ້ຍົກຕົວຢ່າງກ່ຽວກັບການດຶງດູດທຶນພັດທະນາພື້ນຖານໂຄງລ່າງ ເພື່ອສະແດງໃຫ້ເຫັນຜົນສຳເລັດຂອງການທູດຫວຽດນາມ. ເຊັ່ນດຽວກັບບັນດາປະເທດພວມພັດທະນາ, ຫວຽດນາມ ໄດ້ຮັບເງິນກູ້ຢືມ ແລະການຊ່ວຍເຫຼືອຈາກບັນດາອົງການການເງິນສາກົນເພື່ອພັດທະນາພື້ນຖານໂຄງລ່າງ. ໃນຂະນະທີ່ຍາດແຍ່ງເອົາການລົງທຶນຈາກຈີນ, ຫວຽດນາມ ຍັງດຶງດູດນັກລົງທຶນຈາກ ຍີ່ປຸ່ນ, ສ.ເກົາຫຼີ ແລະຫວ່າງມໍ່ໆມານີ້, ກຸ່ມບໍລິສັດ Adani ແມ່ນໜຶ່ງໃນບັນດາກຸ່ມບໍລິສັດແຖວໜ້າຂອງອິນເດຍ ເຂົ້າຮ່ວມບັນດາໂຄງການພັດທະນາພື້ນຖານໂຄງລ່າງຂອງຫວຽດນາມ. ໜັງສືພິມ Japan Times ຖືວ່າ ການແກ່ງແຍ້ງເພີ່ມຂຶ້ນເຮັດໃຫ້ຫວຽດນາມ ມີທ່າໄດ້ປຽບ “ໃນເວທີສາກົນ. ຄຽງຂ້າງນັ້ນ, ນະໂຍບາຍການທູດທີ່ມີຄວາມສົມດູນຍັງຊ່ວຍໃຫ້ ຫວຽດນາມ ຊຸກຍູ້ການຮ່ວມມືໃນຫຼາຍຂົງເຂດ, ຄື: ການຄ້າ, ເຕັກໂນໂລຢີ ແລະຂົງເຂດໃໝ່, ເປີດກວ້າງກາລະໂອກາດຊ່ວຍໃຫ້ເສດຖະກິດ ຫວຽດນາມ ເຕີບໂຕ.
ເລື່ອງຫວຽດນາມ
ຫວຽດນາມ ພວມຢືນຢູ່ຕໍ່ໜ້າປະຕູປະຫວັດສາດເພື່ອກ້າວເຂົ້າສູ່ຍຸກໃໝ່ - ຍຸກແຫ່ງການເຕີບໂຕຂອງປະເທດຊາດ. ຈາກປະເທດທີ່ບໍ່ມີຊື່ໃນແຜນທີ່ໂລກ, ຈາກປະເທດທີ່ຖືກສົງຄາມທຳລາຍຢ່າງໜັກໜ່ວງ, ຫວຽດນາມ ໄດ້ກາຍເປັນສັນຍາລັກແຫ່ງສັນຕິພາບ, ສະຖຽນລະພາບ, ຮັກແຂກ, ແມ່ນຈຸດນັດພົບຂອງບັນດານັກລົງທຶນ ແລະນັກທ່ອງທ່ຽວສາກົນ. ຈາກພື້ນຖານເສດຖະກິດທີ່ຫຼ້າຫຼັງ, ຫວຽດນາມ ໄດ້ບືນຕົວຂຶ້ນໃນຕອບ 40 ພື້ນຖານເສດຖະກິດແຖວໜ້າ, ດ້ວຍຂະໜາດການຄ້າຢູ່ໃນ ທອັບ 20 ປະເທດໃນໂລກ, ແມ່ນຕາໂສ້ສຳຄັນໃນ 17 ສັນຍາການຄ້າເສລີ (FTA) ເຊື່ອມຕໍ່ກັບກ່ວາ 60 ພື້ນຖານເສດຖະກິດຕົ້ນຕໍໃນພາກພື້ນ ແລະທົ່ວໂລກ. ຈາກປະເທດຖືກປິດລ້ອມໂດດດ່ຽວ, ຫວຽດນາມ ໄດ້ສ້າງຕັ້ງການພົວພັນທາງການທູດກັບ 194 ປະເທດໃນໂລກ, ມີການພົວພັນຄູ່ຮ່ວມມືຮອບດ້ານ, ຄູ່ຮ່ວມມືຍຸດທະສາດ ແລະຄູ່ຮ່ວມມືຍຸດທະສາດຮອບດ້ານກັບ 32 ປະເທດ, ໃນນັ້ນມີບັນດາສະມາຊິກສະພາຄວາມໝັ້ນຄົງສະຫະປະຊາຊາດ, ບັນດາປະເທດໃຫຍ່ ແລະບັນດາສະມາຊິກຕັ້ງໜ້າຂອງກວ່າ 70 ອົງການຈັດຕັ້ງໃນພາກພື້ນ ແລະສາກົນ. ຖືຄວາມຜາສຸກ, ຄວາມອິ່ມໜຳສຳລານຂອງປະຊາຊົນແມ່ນຈຸດໝາຍສູ້ຊົນ, ສະຫະປະຊາຊາດ ແລະບັນດາເພື່ອນມິດສາກົນຖືຫວຽດນາມ ວ່າແມ່ນປະເທດໄດ້ຮັບຜົນສຳເລັດ, ແມ່ນຈຸດພົ້ນເດັ່ນໃນການລົບລ້າງຄວາມອຶດຫີວ, ຫຼຸດຜ່ອນຄວາມທຸກຍາກ, ຍົກສູງຊີວິດທາງດ້ານວັດຖຸ, ຈິດໃຈຂອງປະຊາຊົນຢ່າງບໍ່ຢຸດຢັ້ງ
|
|
 |
|
ຜູ້ແທນເຂົ້າຮ່ວມກອງປະຊຸມສະຫຼຸບວຽກງານຂອງຂະແໜງການທູດ ປີ 2024 ແລະທິດທາງ, ໜ້າທີ່ ປີ 2025. ພາບ: ຮ່າເຟືອງ |
ເຖິງຢ່າງໃດກໍຕາມ, ຫວຽດນາມ ກໍ່ພວມປະເຊີນໜ້າກັບບັນດາສິ່ງທ້າທາຍທີ່ບໍ່ເຄີຍມີມາກ່ອນໃນສະພາບການພາກພື້ນ ແລະສາກົນຜັນແປຢ່າງສັບສົນ. ຄຽງຂ້າງນັ້ນ, ຄວາມບໍ່ຍຸຕິທຳໃນການພົວພັນດ້ານການຄ້າ, ການເງິນສາກົນ, ການປ່ຽນແປງຂອງດິນຟ້າອາກາດ, ການຊຸດໂຊມຂອງສິ່ງແວດລ້ອມ, ຄວາມສ່ຽງຕົກຢູ່ເບື້ອງຫຼັງ, ລັດທິຝ່າຍດຽວ, ລັດທິກໍ່ການຮ້າຍສາກົນ... ນັບມື້ນັບສັບສົນ ແລະບໍ່ມີປະເທດໃດສາມາດແກ້ໄຂເອງໄດ້.
ເມື່ອຫວນຄືນບັນດາການປ່ຽນແປງຢ່າງສັບສົນ, ເລິກເຊິ່ງກວ້າງຂວາງຢູ່ພາກພື້ນ ແລະໂລກໃນປີ 2024, ພື້ນຖານການພົວພັນຕ່າງປະເທດ - ການທູດຫວຽດນາມ ພວມມີການຫັນປ່ຽນທີ່ເໝາະສົມກັບສະພາວະການ. ບົນພື້ນຖານຫຼັກໝັ້ນນຳພາຂອງພັກ, ຄວາມສະໜິດຕິດພັນຢ່າງແໜ້ນແຟ້ນລະຫວ່າງ 3 ເສົາຄ້ຳ: ການທູດພັກ, ການທູດແຫ່ງລັດ ແລະການທູດປະຊາຊົນ, ການທູດສືບຕໍ່ເສີມຂະຫຍາຍບົດບາດນໍາໜ້າໃນການສ້າງ ແລະຮັກສາສະພາບແວດລ້ອມສັນຕິພາບ, ສະຖຽນລະພາບໃຫ້ແກ່ການພັດທະນາປະເທດຊາດ; ພ້ອມທັງປ່ຽນແປງໃໝ່ ແລະມີຫົວຄິດປະດິດສ້າງກວ່າໃນການນຳໃຊ້ບັນດາເຄື່ອງມືພົວພັນຕ່າງປະເທດ, ມຸ່ງໄປເຖິງບັນດາໝາກຜົນຢ່າງລະອຽດໃນສະພາບການສືບຕໍ່ເຊື່ອມໂຍງຢ່າງເລິກເຊິ່ງກວ້າງຂວາງ, ປະກອບສ່ວນຊຸກຍູ້ການພັດທະນາແບບຍືນຍົງ, ປັບປຸງທີ່ຕັ້ງຂອງຫວຽດນາມ ໃນຕ່ອງໂສ້ການຜະລິດ, ການສະໜອງໃນທົ່ວໂລກ. ຜ່ານທາງການທູດເພື່ອສ້າງຄວາມໄວ້ເນື້ອເຊື່ອໃຈດ້ານຍຸດທະສາດ, ຮັດແຄບຊ່ອງວ່າງ, ແກ້ໄຂຄວາມຂັດແຍ່ງກັນ, ຫຼຸດຜ່ອນຄວາມບໍ່ລົງລອຍກັນໃນບັນດາບັນຫາທີ່ກ່ຽວຂ້ອງເຖິງອະທິປະໄຕຜືນແຜ່ນດິນ ແລະຜົນປະໂຫຍດຂອງຊາດ, ຊົນເຜົ່າ. ຜ່ານການຮ່ວມມືກັບສາກົນເພື່ອສ້າງທີ່ຕັ້ງດີທີ່ສຸດດ້ານການເມືອງ - ຄວາມໝັ້ນຄົງດີທີ່ສຸດໃນຂອບຍຸດທະສາດຢູ່ພາກພື້ນ ແລະທົ່ວໂລກ.
ໂດຍ: ຈາງຫງວຽນ