ນັກຂ່າວ: ຂໍຮຽນທ່ານເລຂາທິການໃຫຍ່, ໃນບັນຍາກາດແຫ່ງຄວາມພາກພູມໃຈ, ເອກອ້າງທະນົງໃຈໃນການຕ້ອນຮັບລະດູບານໃໝ່, ກໍ່ແມ່ນໂອກາດສະເຫຼີມສະຫຼອງ 95 ປີແຫ່ງວັນສ້າງຕັ້ງພັກກອມມູນິດຫວຽດນາມ ອັນສະຫງ່າງາມ, ຂໍໃຫ້ທ່ານແບ່ງປັນທ່າໄດ້ປຽບ, ໂອກາດນໍາປະເທດກ້າວເຂົ້າສູ່ສັງກາດໃໝ່, ສັງກາດບືນຕົວຂຶ້ນຂອງຊາດ?

ທ່ານເລຂາທິການໃຫຍ່ ໂຕເລິມ: ພາຍຫຼັງເກືອບ 95 ປີພາຍໃຕ້ການນຳພາຂອງພັກ, ຊົນຊາດຫວຽດນາມ ໄດ້ສ້າງສິ່ງມະຫັດສະຈັນໃນປະຫວັດສາດ, ຜ່ານຜ່າໄລຍະຕໍ່ສູ້ຍາດເອົາເອກະລາດແຫ່ງຊາດ, ກໍ່ສ້າງສັງຄົມນິຍົມ (1930-1975); ສັງກາດທ້ອນໂຮມປະເທດຊາດເປັນເອກະພາບ, ປ່ຽນແປງໃໝ່ (1975-2025). ແລະປະຈຸບັນ, ພວກເຮົາ ກ້າວເຂົ້າສູ່ສັງກາດບືນຕົວຂຶ້ນຂອງຊາດ, ໂດຍເລີ່ມຕົ້ນດ້ວຍເຫດການສຳຄັນ, ຄື: ກອງປະຊຸມໃຫຍ່ ຄັ້ງທີ XIV ຂອງພັກ. ສັງກາດກ່ອນການສ້າງປະຖົມປັດໄຈໃຫ້ສັງກາດຕໍ່ໄປ, ສັງກາດຕໍ່ໄປໄດ້ສືບທອດ ແລະພັດທະນາຜົນງານຂອງສັງກາດກ່ອນ, ເຮັດໃຫ້ຄວາມເປັນເອກະລາດແຫ່ງຊາດ ແລະສັງຄົມນິຍົມນັບມື້ນັບມີການປະສົມປະສານ ແລະພັດທະນາ ຢ່າງບໍ່ຢຸດຢັ້ງ. ຄວາມມຸ່ງມາດປາດຖະໜາຂອງພັກ ໄດ້ປະສົມປະສານກັບນ້ຳໃຈປະຊາຊົນ ແລະຄວາມຄາດຫວັງຢາກນຳປະເທດຊາດກ້າວເຂົ້າສູ່ສັງກາດໃໝ່.

ສັງກາດບືນຕົວຂຶ້ນຂອງຊາດ ແມ່ນສັງກາດພັດທະນາຢ່າງບຸກທະລຸ, ເລັ່ງຄວາມໄວພາຍໃຕ້ການນໍາພາຂອງພັກ, ສ້າງສາປະເທດຫວຽດນາມ ສັງຄົມນິຍົມໃຫ້ຮັ່ງມີເຂັ້ມແຂງ, ປະຊາທິປະໄຕ, ຍຸຕິທຳ, ຈະເລີນຮຸ່ງເຮືອງ, ຄວາມຜາສຸກ; ນຳທັນ, ກ້າວໄປຂ້າງໜ້າ, ຄຽງບ່າຄຽງໄຫຼ່ກັບປະເທດມະຫາອຳນາດໃນ 5 ທະວີບ. ໃຫ້ບຸລິມະສິດແຖວໜ້າໃນສັງກາດໃໝ່ແມ່ນປະຕິບັດເປົ້າໝາຍຍຸດທະສາດຮອດປີ 2030 ຢ່າງມີໄຊ, ຫວຽດນາມ ກາຍເປັນປະເທດທີ່ພວມພັດທະນາ, ມີອຸດສາຫະກຳທັນສະໄໝ ແລະລາຍຮັບສະເລ່ຍສູງ; ຮອດປີ 2045 ກາຍເປັນປະເທດສັງຄົມນິຍົມພັດທະນາ, ມີລາຍຮັບສູງ; ທຸກຄົນລ້ວນແຕ່ໄດ້ຮັບການພັດທະນາຢ່າງຮອບດ້ານ ແລະມີຊີວິດທີ່ອີ່ມໜຳສຳລານ, ເສລີພາບ,ຄວາມຜາສຸກ ແລະສີວິໄລ.

leftcenterrightdel
ທ່ານ ໂຕເລິມ ເລຂາທິການໃຫຍ່. ພາບ: ສໍານັກຂ່າວສານຫວຽດນາມ

ຈຸດເວລາເລີ່ມຕົ້ນສັງກາດໃໝ່ແມ່ນກອງປະຊຸມໃຫຍ່ ຄັ້ງທີ XIV ຂອງພັກ, ເມື່ອພວກເຮົາສຳເລັດກິດຈະການປ່ຽນແປງໃໝ່ພາຍຫຼັງ 40 ປີແຫ່ງການອອກແຮງງານ, ມີຫົວຄິດປະດິດສ້າງ ແລະບັນລຸໄດ້ຜົນງານອັນຍິ່ງໃຫຍ່. ຈາກປະເທດທີ່ທຸກຍາກ, ຫຼ້າຫຼັງ, ລະດັບຕ່ຳ, ຖືກປິດລ້ອມ, ຂວໍ້າບາດ, ຫວຽດນາມ ໄດ້ກາຍເປັນປະເທດພວມພັດທະນາ, ມີລາຍຮັບປານກາງ, ເຊື່ອມໂຍງເຂົ້າກັບພື້ນຖານການເມືອງຂອງໂລກ, ພື້ນຖານເສດຖະກິດທົ່ວໂລກ, ພື້ນຖານສີວິໄລຂອງມວນມະນຸດຢ່າງເລິກເຊິ່ງກວ້າງຂວາງ, ດຳລົງຕຳແໜ່ງສາກົນຫຼາຍໜ້າທີ່, ເສີມຂະຫຍາຍບົດບາດຢ່າງຕັ້ງໜ້າຢູ່ຫຼາຍອົງການຈັດຕັ້ງ, ເວທີປາໄສຫຼາຍຝ່າຍສຳຄັນ. ຮັກສາເອກະລາດ, ອະທິປະໄຕ, ເປັນເອກະພາບ ແລະຜືນແຜ່ນດິນອັນຄົບຖ້ວນ; ຮັບປະກັນຜົນປະໂຫຍດຂອງປະເທດ, ຂອງຊາດ. ຂະໜາດພື້ນຖານເສດຖະກິດປີ 2023 ຈະເພີ່ມຂຶ້ນ 96 ເທົ່າເມື່ອທຽບໃສ່ປີ 1986. ຫວຽດນາມ ຢູ່ໃນກຸ່ມ 40 ປະເທດທີ່ມີພື້ນຖານເສດຖະກິດໃຫຍ່ທີ່ສຸດໃນໂລກ, ມີ 20 ພື້ນຖານເສດຖະກິດແຖວໜ້າທາງດ້ານການຄ້າ ແລະດຶງດູດການລົງທຶນຕ່າງປະເທດ; ມີການພົວພັນທາງການທູດກັບ 194 ປະເທດ ແລະເຂດແຄ້ວນໃນທົ່ວ 5 ທະວີບ; ສ້າງການພົວພັນຄູ່ຮ່ວມມືຍຸດທະສາດ, ຄູ່ຮ່ວມມືຍຸດທະສາດຮອບດ້ານກັບບັນດາປະເທດປະເທດມະຫາອຳນາດໃນໂລກ. ຊີວິດການເປັນຢູ່ຂອງປະຊາຊົນ 105 ລ້ານຄົນໄດ້ຮັບການປັບປຸງຢ່າງຈະແຈ້ງ, ອັດຕາຄວາມທຸກຍາກໄດ້ຫຼຸດລົງຢ່າງແຮງ; ສຳເລັດເປົ້າໝາຍສະຫັດສະວັດໄວ. ກໍາລັງແຮງບົ່ມຊ້ອນດ້ານການເມືອງ, ເສດຖະກິດ, ວັດທະນະທຳ, ສັງຄົມ, ວິທະຍາສາດ-ເຕັກໂນໂລຢີ, ການປ້ອງກັນຊາດ-ປ້ອງກັນຄວາມສະຫງົບໄດ້ຮັບການຍົກສູງຢ່າງບໍ່ຢຸດຢັ້ງ.

ນັບແຕ່ນີ້ຮອດປີ 2030 ແມ່ນໄລຍະສຳຄັນທີ່ສຸດເພື່ອສ້າງຄວາມເປັນລະບຽບຮຽບຮ້ອຍຂອງໂລກໃໝ່, ນີ້ກໍ່ແມ່ນໄລຍະ, ແມ່ນໂອກາດຍຸດທະສາດ, ແມ່ນໄລຍະເຄື່ອນໄຫວຂອງການປະຕິວັດຫວຽດນາມ ເພື່ອບັນລຸເປົ້າໝາຍຍຸດທະສາດ 100 ປີພາຍໃຕ້ການນຳພາຂອງພັກ, ສ້າງປະຖົມປັດໄຈອັນໝັ້ນຄົງເພື່ອບັນລຸເປົ້າໝາຍ 100 ປີແຫ່ງການສ້າງຕັ້ງປະເທດ. ສິ່ງສຳຄັນແມ່ນພວກເຮົາເສີມຂະຫຍາຍກຳລັງແຮງແຫ່ງມະຫາສາມັກຄີທົ່ວປວງຊົນ, ຄວາມມານະພະຍາຍາມ ແລະຄວາມຕັດສິນໃຈອັນສູງຂອງທົ່ວພັກ, ທົ່ວປວງຊົນ, ທົ່ວກອງທັບ ແລະທັງລະບົບການເມືອງເພື່ອພ້ອມກັນບັນລຸຄວາມຄາດຫວັງຂອງທົ່ວປວງຊົນທັງຊາດ ຢາກພັດທະນາປະເທດໃຫ້ຈະເລີນຮຸ່ງເຮືອງ ແລະມີຄວາມສຸກຢ່າງສຸດຂີດ.

ນັກຂ່າວ: ປະເທດພວມຢືນຢູ່ຕໍ່ໜ້າຈຸດເວລາປະຫວັດສາດໃໝ່, ວາງອອກຄວາມຮຽກຮ້ອງຕ້ອງການອັນຮີບດ່ວນເພື່ອປ່ຽນແປງໃໝ່ແບບແຜນວິທີນຳພາຂອງພັກຢ່າງແຂງແຮງ. ຂໍຮຽນທ່ານເລຂາທິການໃຫຍ່ ໃຫ້ຮູ້ກ່ຽວກັບວຽກງານຈຸດສຸມເພື່ອສືບຕໍ່ຍົກສູງຄວາມສາມາດນໍາພາ, ກຳອຳນາດຂອງພັກ, ຮັບປະກັນໃຫ້ພັກເຮົາ ເປັນຜູ້ນຳພາທີ່ໃຫຍ່ຫຼວງ, ນຳປະເທດຊາດກ້າວຂຶ້ນຢ່າງແຂງແຮງ?

ທ່ານເລຂາທິການໃຫຍ່ ໂຕເລິມ: ໃນຂະບວນການນຳພາການປະຕິວັດ, ພັກເຮົາ ສືບຕໍ່ຄົ້ນຄວ້າ, ພັດທະນາ, ເພີ່ມເຕີມ, ປັບປຸງແບບແຜນວິທີນຳພາ, ຍົກສູງຄວາມສາມາດກຳອຳນາດ. ປະເທດພວມຢືນຢູ່ຕໍ່ໜ້າຈຸດເວລາປະຫວັດສາດໃໝ່, ວາງອອກຄວາມຮຽກຮ້ອງຕ້ອງການອັນຮີບດ່ວນຄວນປ່ຽນແປງໃໝ່ແບບແຜນວິທີນຳພາຢ່າງແຂງແຮງ, ຍົກສູງຄວາມສາມາດນໍາພາ, ກຳອຳນາດຂອງພັກ ເພື່ອນໍາປະເທດຊາດສືບຕໍ່ກ້າວຂຶ້ນຢ່າງແຂງແຮງ.

ກ່ອນອື່ນໝົດ, ພວກເຮົາ ຄວນເຕົ້າໂຮມຄວາມຮັບຮູ້ ແລະປະຕິບັດແບບແຜນວິທີນຳພາ, ກຳອຳນາດຂອງພັກ ໃນສະພາບການໃໝ່ຢ່າງມີຫົວຄິດປະດິດສ້າງ, ບໍ່ລະເຫຼີງການນຳພາ ແລະບໍ່ແກ້ຕົວແທນເດັດຂາດ. ສິ່ງດັ່ງກ່າວໄດ້ຮຽກຮ້ອງຕ້ອງດໍາເນີນການປ່ຽນແປງໃໝ່, ກົງຈັກການຈັດຕັ້ງຂອງລະບົບການເມືອງໃຫ້ກະທັດຮັດ, ຍອດຢ້ຽມ, ເຂັ້ມແຂງ-ມີປະສິດທິພາບ, ປະສິດທິຜົນ. ນີ້ແມ່ນຄວາມຮຽກຮ້ອງຕ້ອງການ, ຄວນດໍາເນີນຢ່າງ ແຂງແຮງ, ສຸດຂີດ, ມີວິທະຍາສາດ, ມະນຸດສະທຳ, ເຮັດແຕ່ເທິງລົງລຸ່ມດ້ວຍທິດນຳທີ່ວ່າ “ສູນກາງເປັນແບບຢ່າງ, ທ້ອງຖິ່ນຕອບສະໜອງ ”; ດ້ວຍຈິດໃຈ “ທັງແລ່ນທັງລຽນແຖວ”; “ບໍ່ປະໃຫ້ວຽກງານຂາດວັກຂາດຕອນ”, “ຮູບແບບການຈັດຕັ້ງໃໝ່ຕ້ອງດີກວ່າ ແລະມີປະສິດທິຜົນກວ່າຮູບແບບເກົ່າ”... ໃນນັ້ນສຸມໃສ່ການປັບປຸງກົງຈັກ, ການຈັດຕັ້ງບັນດາອົງການຂອງພັກ ແມ່ນແກ່ນສານແຫ່ງສະຕິປັນຍາ, ແມ່ນກອງປະຈັນບານນຳພາບັນດາອົງການຈັດຕັ້ງລັດ. ບັນດາອົງການເສນາທິການຂອງພັກ ຕ້ອງປະຕິບັດກະທັດຮັດ, ຍອດຢ້ຽມ; ພະນັກງານເສນາທິການມີຄຸນທາດດ້ານ ການເມືອງ, ມີຄວາມສາມາດ, ລະດັບວິຊາການເກັ່ງ, ມີຈິດໃຈຄວາມຮັບຜິດຊອບສູງ. ແບບແຜນວິທີເຮັດວຽກຄວນປ່ຽນແປງໃໝ່ຢ່າງແຂງແຮງຕາມທິດເປັນມືອາຊີບ, ມີປະສິດທິຜົນ ແລະຕ້ອງ “ເໝາະສົມກັບບົດບາດ, ຮູ້ໜ້າທີ່”.

ເພື່ອປ່ຽນແປງໃໝ່ແບບແຜນວິທີນຳພາຂອງພັກ, ຄວນປ່ຽນແປງໃໝ່ຢ່າງແຂງແຮງໃນການປະກາດໃຊ້ ແລະຊາບຊຶມ, ປະຕິບັດມະຕິຂອງພັກ; ກໍ່ສ້າງບັນດາອົງການຈັດຕັ້ງພັກຮາກຖານ, ສະມາຊິກພັກໃຫ້ເປັນ “ຈຸລັງ” ທີ່ແທ້ຈິງຂອງພັກ. ມະຕິຂອງສູນກາງ ແລະຄະນະພັກ, ອົງການຈັດຕັ້ງທຸກຂັ້ນຕ້ອງກະທັດຮັດ, ແນບແໜ້ນ, ເຂົ້າໃຈງ່າຍ, ຈື່ຈຳງ່າຍ, ຮັບເອົາໄດ້ງ່າຍ, ປະຕິບັດງ່າຍ; ຕ້ອງກຳນົດຄວາມຮຽກຮ້ອງຕ້ອງການ, ໜ້າທີ່, ເສັ້ນທາງພັດທະນາຂອງປະເທດ, ຂອງແຕ່ລະທ້ອງຖິ່ນ, ກະຊວງ, ຂະແໜງການຢ່າງຖືກຕ້ອງ; ຕ້ອງມີວິໄສທັດ, ມີລັກສະນະວິທະຍາສາດ ແລະພຶດຕິກຳຕົວຈິງ, ແທດຈິງ ແລະເປັນໄປໄດ້; ສ້າງຄວາມພາກພູມໃຈ, ຄວາມເຊື່ອໝັ້ນ, ຄວາມຄອງຄອຍ ແລະກໍາລັງໜູນການກະທໍາຂອງພະນັກງານ, ສະມາຊິກພັກ, ຂະແໜງການເສດຖະກິດ, ວິສາຫະກິດ ແລະປະຊາຊົນຜັນຂະຫຍາຍປະຕິບັດ. ໃນການຊາບຊຶມ, ປະຕິບັດມະຕິ, ຕ້ອງສ້າງຄວາມຮັບຮູ້, ເຊື່ອມຊຶມເອງ, ເປັນຕົ້ນແມ່ນທັດສະນະ, ແຜນນະໂຍບາຍ, ມາດຕະການໃໝ່; ສຸມໃສ່ກໍ່ສ້າງໜ່ວຍພັກທີ່ດີ, ສະມາຊິກພັກດີ, ຍົກສູງຄຸນນະພາບໃນການດໍາເນີນຊີວິດໜ່ວຍພັກຕິດພັນກັບການຜັນຂະຫຍາຍປະຕິບັດມະຕິ, ແຜນນະໂຍບາຍ, ແນວທາງຂອງພັກ.

ຄຽງຂ້າງນັ້ນ, ວຽກງານກວດກາ, ຕິດຕາມກວດກາຄວນສືບຕໍ່ປ່ຽນແປງໃໝ່, ຮັບປະກັນມະຕິຂອງພັກ ໄດ້ຮັບການຜັນຂະຫຍາຍໃນການດໍາລົງຊີວິດຕົວຈິງ, ກົງຈັກການຈັດຕັ້ງຂອງພັກ, ລັດ ຕ້ອງເຄື່ອນໄຫວຢ່າງມີປະສິດທິພາບ, ປະສິດທິຜົນ. ຜ່ານການກວກກາ, ຕິດຕາມກວດກາ, ຄົ້ນພົບປັດໄຈໃໝ່, ວິທີການເຮັດທີ່ດີ ແລະມີຫົວຄິດປະດິດສ້າງ; ພ້ອມທັງດັດແປງ, ປັງປຸງປະກົດການຜິດພາດຢ່າງທັນການ, ສະກັດກັ້ນການກະທຳຜິດ, ລະເມີດກົດລະບຽບຂອງພັກ ແລະກົດໝາຍຂອງລັດ.

ພັກຕ້ອງຍູ້ແຮງການຫັນເປັນດິີຈີຕອນໃນການເຄື່ອນໄຫວ, ເພື່ອໃຫ້ທຸກວຽກງານປະຕິບັດໄດ້ຢ່າງມີປະສິດທິຜົນກວ່າ, ຮັບໃຊ້ວຽກງານປົກປັກຮັກສາການເມືອງພາຍໃນ ແລະກໍ່ສ້າງພັກໃຫ້ປອດໃສເຂັ້ມແຂງ.

ນັກຂ່າວ: ຫວ່າງແລ້ວນີ້, ກົມການເມືອງ ໄດ້ບູລະນະຄະນະຊີ້ນໍາສູນກາງກ່ຽວກັບການສະກັດກັ້ນ, ຕ້ານການສໍ້ລາດບັງຫຼວງ, ຟຸມເຟືອຍ, ຫຍໍ້ທໍ້. ຂໍຮຽນທ່ານເລຂາທິການໃຫຍ່ ໃຫ້ຮູ້ວຽກງານສະກັດກັ້ນ, ຕ້ານການຟຸມເຟືອຍ ຕ້ອງໄດ້ຮັບການຜັນຂະຫຍາຍຢ່າງຂ້ຽວຂາດ ແລະຄົບຊຸດຄືແນວໃດເພື່ອສືບຕໍ່ກໍ່ສ້າງພັກເຮົາໃຫ້ໝັ້ນຄົງເຂັ້ມແຂງ, “ແມ່ນຄຸນສົມບັດ, ແມ່ນຄວາມສີວິໄລ”?

ທ່ານເລຂາທິການໃຫຍ່ ໂຕເລິມ: ໃນປະຈຸບັນໄດ້ປ່ອຍໃຫ້ເສຍເວລາໄປຊື່ໆ, ໃນຫຼາຍຮູບແບບທີ່ແຕກຕ່າງກັນ, ໄດ້ ແລະພວມກໍ່ຜົນສະທ້ອນຢ່າງຮ້າຍແຮງຫຼາຍຢ່າງ. ການຕໍ່ສູ້ສະກັດກັ້ນ, ຕ້ານການຟຸມເຟືອຍແມ່ນການຕໍ່ສູ້ທີ່ຫຍຸ້ງຍາກ ແລະສັບສົນຕໍ່ກັບ “ສັດຕູຈາກພາຍໃນ”, ເທົ່າກັບການຕໍ່ສູ້ສະກັດກັ້ນ, ຕ້ານການສໍ້ລາດບັງຫຼວງ, ຫຍໍ້ທໍ້.

ຕໍ່ໜ້າຄວາມຮຽກຮ້ອງຕ້ອງການເພີ່ມທະວີແຫຼ່ງກຳລັງ, ປຸກລະດົມກຳລັງແຮງຂອງປະຊາຊົນໃຫ້ແກ່ກິດຈະການກໍ່ສ້າງ ແລະພັດທະນາປະເທດຊາດ, ວັນທີ 29 ຕຸລາ 2024, ກົມການເມືອງ ໄດ້ປະກາດໃຊ້ຂໍ້ຕົກລົງເລກທີ 192-QĐ/TW ບູລະນະຄະນະຊີ້ນຳສູນກາງກ່ຽວກັບການສະກັດກັ້ນ, ຕ້ານການສໍ້ລາດບັງຫຼວງ, ຟຸມເຟືອຍ, ຫຍໍ້ທໍ້ໃຫ້ສົມບູນ, ໃນນັ້ນໄດ້ເພີ່ມເຕີມໜ້າທີ່ການສະກັດກັ້ນ, ຕ້ານການຟຸມເຟືອຍ, ຈຸດສຸມແມ່ນສະກັດກັ້ນ, ຕ້ານ ການຟຸມເຟືອຍໃນການຄຸ້ມຄອງ ແລະນຳໃຊ້ງົບປະມານພາກລັດ, ຊັບສິນຂອງລັດ, ກ້າວໄປທົ່ວສັງຄົມຕ້ອງປະຕິບັດການປະຢັດເງິນ, ຕ້ານການຟມເຟືອຍ. ຄວາມຮຽກຮ້ອງວາງອອກແມ່ນຕ້ອງຜັນຂະຫຍາຍວຽກງານສະກັດກັ້ນ, ຕ້ານການສໍ້ລາດບັງຫຼວງ, ຟຸ່ມເຟືອຍ, ຫຍໍ້ທໍ້ຈາກທ້ອງຖິ່ນ, ຮາກຖານຢ່າງເດັດຂາດ, ຄົບຊຸດ.

ໃນໄລຍະຈະມາເຖິງ, ຄວນສຸມໃສ່ໂຄສະນາຢ່າງເລິກເຊິ່ງກວ້າງຂວາງ, ຍົກສູງສະຕິ, ຄວາມຮັບຜິດຊອບໃນໝູ່ພະນັກງານ, ສະມາຊິກພັກ ແລະຜູ້ອອກແຮງງານ, ກ່ອນອື່ນໝົດແມ່ນຕ້ອງເປັນແບບຢ່າງຂອງການນຳແຕ່ລະສຳນັກງານ, ອົງການຈັດຕັ້ງ, ທັງຢູ່ພາກລັດ ແລະເອກະຊົນ, ກ່ຽວກັບຄວາມໝາຍ, ຄວາມສຳຄັນ ແລະຄວາມຮັບຜິດຊອບຂອງການປະຕິບັດການປະຢັດ, ຕ້ານຟຸມເຟືອຍ. ການປະຕິບັດການປະຢັດ, ຕ້ານຟຸມເຟືອຍຕ້ອງສະແດງໃຫ້ເຫັນຢ່າງຈະແຈ້ງຜ່ານຄຳໝັ້ນສັນຍາ, ແຜນການ, ຄາດໝາຍລະອຽດ, ຕ້ອງດໍາເນີນເປັນປະຈໍາ, ສຸດຂີດ, ແທດຈິງຜ່ານການຂົນຂວາຍ, ແຂ່ງຂັນຢ່າງເປັນຂະບວນຟົດຟື້ນ ແລະກວ້າງຂວາງໃນທົ່ວພັກ, ທົ່ວປວງຊົນ, ທົ່ວກອງທັບ; ຍ້ອງຍໍຊົມເຊີຍແບບຢ່າງໃນການປະຕິບັດການປະຢັດ, ຕ້ານຟຸມເຟືອຍຢ່າງທັນການ.

ຄຽງຂ້າງນັ້ນ, ຄວນປັບປຸງຂໍ້ກໍານົດ, ກົດບັງຄັບ, ແກ້ໄຂບຸກຄົນ, ໝູ່ຄະນະທີ່ມີການກະທຳກໍ່ໃຫ້ເກີດຄວາມເສຍຫາຍ ຫຼື ຟຸມເຟືອຍຊັບສິນຂອງລັດ, ຕາມເນື້ອໃນຈິດໃຈ “ແກ້ໄຂກໍລະກີເພື່ອປຸກສະຕິທົ່ວເຂດ, ທົ່ວຂົງເຂດ”; ຄວນສຸມໃສ່ແກ້ໄຂເພື່ອໃຫ້ສາຍເຫດທີ່ພາໃຫ້ເກີດການຟຸມເຟືອຍຊັບສິນຂອງລັດ, ຊັບພະຍາກອນທຳມະຊາດ, ແຫຼ່ງກໍາລັງເພື່ອສຸມໃສ່ເບິ່ງແຍງດູແລປະຊາຊົນ ແລະພັດທະນາປະເທດຊາດ.

ກໍ່ສ້າງວັດທະນະທໍາທີ່ຊື່ກົງບໍລິສຸດ, ບໍ່ສໍ້ລາດບັງຫຼວງ, ຟຸມເຟືອຍ, ຫຍໍ້ທໍ້ໃນໝູ່ພະນັກງານ, ສະມາຊິກພັກ ແລະປະຊາຊົນ, ແຜ່ຂະຫຍາຍໃນສັງຄົມຢ່າງແຂງແຮງ, ກາຍເປັນວຽກງານ “ຕື່ນຕົວ” ແລະ “ສະໝັກໃຈ” ຄື “ເຂົ້າກິນ, ນ້ຳດື່ມ, ເຄື່ອງນຸ່ງຫົ່ມທຸກໆມື້”. ສົ່ງເສີມພະນັກງານ, ສະມາຊິກພັກ ແລະປະຊາຊົນເພີ່ມທະວີການປະຕິບັດການປະຢັດ, ສ້າງນິໄສໃຫ້ຄວາມສຳຄັນຕໍ່ເວລາເຮັດວຽກ, ເງິນຄຳ, ຊັບສິນຂອງລັດ, ເຫື່ອແຮງຂອງປະຊາຊົນ. ເພີ່ມທະວີການນຳໃຊ້ເຕັກໂນໂລຢີ, ຫັນເປັນດີຈີຕອນ, ປະຕິຮູບດ້ານບໍລິຫານ, ແກ້ໄຂສະພາບການກໍ່ກວນປະຊາຊົນ,  ວິສາຫະກິດ, ຕ້ານການສໍ້ລາດບັງຫຼວງ, ແກ້ໄຂພະຍາດ “ຢ້ານຮັບຜິດຊອບ”, ບ່າຍບ່ຽງ, ຫຼີກລ່ຽງ, ຢ້ານຄວາມຜິດພາດ, ບໍ່ກ້າເຮັດ; ບໍ່ສວຍໃຊ້ການສະກັດກັ້ນ, ຕ້ານການສໍ້ລາດບັງຫຼວງ, ຟຸມເຟືອຍ, ຫຍໍ້ທໍ້ເພື່ອຂັດຂວາງການເຄື່ອນໄຫວພັດທະນາ ຫຼື ສະແຫວງຫາຜົນປະໂຫຍດ, ຄວາມລໍ້າລວຍ.

ບັນດາອົງການຈັດຕັ້ງພັກ, ສະມາຊິກພັກທີ່ເຮັດສິ່ງດັ່ງກ່າວນີ້ເປັນຢ່າງດີຊ່ວຍປະຊາຊົນມີຄວາມເຊື່ອໝັ້ນຕໍ່ການນຳພາຂອງພັກນັບມື້ນັບເພີ່ມຂຶ້ນ; ຊັບພະຍາກອນທຳມະຊາດ ແລະແຫຼ່ງກໍາລັງໄດ້ນຳໃຊ້ຢ່າງເໝາະສົມ, ປະກອບສ່ວນເຂົ້າໃນການພັດທະນາແບບຍືນຍົງບໍ່ພຽງແຕ່ສຳລັບປະເທດເທົ່ານັ້ນຫາກຍັງສຳລັບໂລກອີກດ້ວຍ.

ນັກຂ່າວ: ປີ 2025, ຈະດໍາເນີນກອງປະຊຸມໃຫຍ່ອົງຄະນະພັກທຸກຂັ້ນກ້າວໄປເຖິງກອງປະຊຸມໃຫຍ່ທົ່ວປະເທດ ຄັ້ງທີ XIV ຂອງພັກ. ເພື່ອເຮັດວຽກງານກະກຽມ ແລະດຳເນີນກອງປະຊຸມໃຫຍ່ອົງຄະນະພັກທຸກຂັ້ນໃຫ້ດີ, ຄວນເອົາໃຈໃສ່ບັນຫາໃດແດ່, ຂໍຮຽນທ່ານເລຂາທິການໃຫຍ່?

ທ່ານເລຂາທິການໃຫຍ່ ໂຕເລິມ: ກອງປະຊຸມໃຫຍ່ອົງຄະນະພັກທຸກຂັ້ນ ອາຍຸການ 2025-2030 ແມ່ນການດໍາເນີນຊີວິດການເມືອງຢ່າງເລິກເຊິ່ງກວ້າງຂວາງ ແລະກອງປະຊຸມໃຫຍ່ ຄັ້ງທີ XIV ຂອງພັກ ຈະເປັນຂີດໝາຍສຳຄັນໃນເສັ້ນທາງແຫ່ງການພັດທະນາຂອງປະເທດ ແລະຂອງຊາດ

ເພື່ອກະກຽມ ແລະດຳເນີນກອງປະຊຸມໃຫຍ່, ພວກເຮົາມີ 2 ໜ້າທີ່ສຳຄັນທີ່ສຸດ, ນັ້ນແມ່ນການສ້າງເອກະສານຍື່ນສະເໜີຕໍ່ກອງປະຊຸມໃຫຍ່ ແລະກະກຽມບຸກຄະລາກອນໃຫ້ແກ່ກອງປະຊຸມໃຫຍ່, ຕາມເນື້ອໃນຈິດໃຈຂອງຄຳສັ່ງເລກທີ 35-CT/TW ລົງວັນທີ 14 ມິຖຸນາ 2024 ຂອງກົມການເມືອງ. ເອກະສານກອງປະຊຸມໃຫຍ່ຄັ້ງນີ້ຕ້ອງມີຄຸນນະພາບຢ່າງແທ້ຈິງ, ແມ່ນໂຄງການທີ່ເຕົ້າໂຮມສະຕິປັນຍາໝູ່ຄະນະຂອງທົ່ວພັກ, ທົ່ວປວງຊົນ, ທົ່ວກອງທັບ, ເປັນພື້ນຖານກຳນົດທິດໃຫ້ເອກະສານຕ່າງໆ ແລະແມ່ນ “ແສງສະຫວ່າງສ່ອງແສງເສັ້ນທາງ” ໃຫ້ວຽກຕ້ອງເຮັດໃນອາຍຸການກອງປະຊຸມໃຫຍ່ ແລະໃນປີຕໍ່ໄປ.

ໃນການສ້າງເອກະສານ, ພວກເຮົາ ຕ້ອງສືບຕໍ່ຊາບຊຶມຢ່າງເລິກເຊິ່ງແນວຄິດການຊີ້ນຳຂອງອະດີດທ່ານເລຂາທິການໃຫຍ່ ຫງວຽນຝູຈ້ອງ, ພິເສດແມ່ນ 3 ຫຼັກການພື້ນຖານ, ຄື: ແນ່ວແນ່ ແລະປ່ຽນແປງໃໝ່; ການສືບທອດ ແລະການພັດທະນາ; ສົມທົບທິດສະດີ ແລະພຶດຕິກໍາຕົວຈິງຢ່າງກົມກຽວ, ລະຫວ່າງການຄົ້ນຄວ້າທິດສະດີ, ສະຫຼຸບພຶດຕິກໍາຕົວຈິງກັບກຳນົດທິດນະໂຍບາຍ. ເນື້ອໃນເອກະສານຕ້ອງສະແດງອອກທາງດ້ານທັດສະນະ ແລະແຜນນະໂຍບາຍ; ຕ້ອງສະຫຼຸບ ແລະຕີລາຄາຢ່າງຈະແຈ້ງບັນດາໝາກຜົນ ແລະຜົນງານທີ່ບັນລຸໄດ້ໃນອາຍຸການ ຊຸດທີ XIII ແລະ 40 ປີແຫ່ງການປ່ຽນແປງໃໝ່ພ້ອມກັບສາຍເຫດ ແລະຖອດຖອນບົດຮຽນ; ພິເສດແມ່ນເຮັດໃຫ້ຄວາມກະຈ່າງແຈ້ງກ່ຽວກັບໝາກຜົນ, ວິທີການໃໝ່, ພື້ນຖານທີ່ໄດ້ຮັບການສ້າງຕັ້ງຂຶ້ນ; ຄົ້ນພົບ, ຊອກຫາແຜນນະໂຍບາຍ, ໜ້າທີ່, ມາດຕະການທີ່ພວມປະກົດ, ມີກຳລັງຊີວິດຈາກພຶດຕິກໍາຕົວຈິງ; ແຜນນະໂຍບາຍ, ນະໂຍບາຍໄດ້ຮັບການຢືນຢັນຈາກຄວາມເປັນຈິງວ່າຖືກຕ້ອງ, ເໝາະສົມຄວນສືບຕໍ່ປ່ຽນແປງໃໝ່, ເພີ່ມເຕີມ ແລະພັດທະນາ. ບັນດາເອກະສານກອງປະຊຸມໃຫຍ່ຄວນປຸກລຸກຄວາມພາກພູມໃຈ, ຄວາມເຊື່ອໝັ້ນຂອງພະນັກງານ, ສະມາຊິກພັກ ແລະປະຊາຊົນໃນແນວທາງອັນຖືກຕ້ອງ, ສະຫຼາດສ່ອງໃສຂອງພັກ, ເຂົ້າໃນເປົ້າໝາຍ ແລະເສັ້ນທາງກ້າວຂຶ້ນສູ່ສັງຄົມນິຍົມເຊິ່ງລຸງໂຮ່ ທີ່ແສນຮັກ ແລະຊົນຊາດໄດ້ເລືອກເຟັ້ນ.

ໃນກອງປະຊຸມໃຫຍ່ແຕ່ລະຄັ້ງ, ວຽກງານບຸກຄະລາກອນ ສວມບົດບາດສຳຄັນທີ່ສຸດ, ແມ່ນ “ກຸນແຈ” ຂອງ “ກຸນແຈ”, ດັ່ງນັ້ນຕ້ອງໄດ້ກະກຽມຢ່າງລະມັດລະວັງ. ບຸກຄະລາກອນທີ່ຖືກຄັດເລືອກຕ້ອງມີຄວາມເປັນແບບຢ່າງ ແລະໂດດເດັ່ນຢ່າງແທ້ຈິງ, ມີຄຸນທາດ, ຄຸນສົມບັດ, ສະຕິປັນຍາ, ຄວາມສາມາດນຳພາ, ລະດັບວິຊາສະເພາະ, ມີອິດທິພົນຊື່ສຽງໃນໝູ່ປະຊາຊົນ, ພາຍໃນພັກເພື່ອແກ້ໄຂບັນຫາວຽກງານຕາມລະດັບຍຸດທະສາດ; ຕ້ອງມີຈິດໃຈຕໍ່ສູ້, ມີລະບຽບວິໄນສູງ, ມີຄວາມສະໜິດຕິດພັນກັບປະຊາຊົນ, ເຕົ້າໂຮມຄວາມສາມັກຄີ, ເປັນເອກະພາບໃນທົ່ວພັກ, ທົ່ວປວງຊົນ, ສົມກັບການນຳພາປະເທດໃນໄລຍະພັດທະນາໃໝ່. ສະນັ້ນ, ບັນດາອະນຸກໍາມະການທີ່ກະກຽມກອງປະຊຸມໃຫຍ່ຕ້ອງສືບຕໍ່ປະຕິບັດວຽກງານຢ່າງຮີບດ່ວນ, ດ້ວຍຄວາມຮັບຜິດຊອບສູງສຸດຕໍ່ພັກ ແລະປະຊາຊົນເພື່ອດໍາເນີນວຽກງານຢ່າງມີປະສິດທິຜົນ, ປະກອບສ່ວນເຂົ້າໃນຜົນສຳເລັດຂອງກອງປະຊຸມໃຫຍ່.

ນັກຂ່າວ: ລະດູບານໃໝ່ຈະມາເຖິງ, ນຳເອົາຄວາມຄາດຫວັງ, ຄວາມເຊື່ອໝັ້ນ ແລະຈິດໃຈອັນໃໝ່ມາໃຫ້, ທ່ານເລຂາທິການໃຫຍ່ ມີສານຍັງເພື່ອໃຫ້ພີ່ນ້ອງຮ່ວມຊາດ, ນັກຮົບໃນທົ່ວປະເທດ, ຊາວຫວຽດນາມ ອາໄສຢູ່ ຕ່າງປະເທດ, ກໍ່ຄືເພື່ອນມິດສາກົນ?

ທ່ານເລຂາທິການໃຫຍ່ ໂຕເລິມ: ຮອດປີ 2025, ທົ່ວພັກ, ທົ່ວປວງຊົນ, ທົ່ວກອງທັບເຮົາ ຈະອອກແຮງສູ້ຊົນ, ເລັ່ງຄວາມໄວ ແລະປະຕິບັດມະຕິກອງປະຊຸມໃຫຍ່ ຄັ້ງທີ XIII ຂອງພັກຢ່າງມີໄຊ, ແທດຈິງ, ສະເຫຼີມສະຫຼອງ 95 ປີແຫ່ງວັນສ້າງຕັ້ງພັກກອມມູນິດຫວຽດນາມ ອັນສະຫງ່າງາມ (3-2-1930 / 3-2-2025); 50 ປີແຫ່ງການປົດປ່ອຍພາກໃຕ້ ແລະທ້ອນໂຮມປະເທດຊາດເປັນເອກະພາບ (30-4-1975 / 30-4-2025); 135 ປີແຫ່ງວັນຄ້າຍວັນເກີດລຸງໂຮ່ ທີ່ແສນຮັກ (19-5-1890 / 19-5-2025); 80 ປີແຫ່ງວັນສ້າງຕັ້ງສາທາລະນະລັດປະຊາທິປະໄຕຫວຽດນາມ, ປະຈຸບັນແມ່ນສາທາລະນະລັດສັງຄົມນິຍົມຫວຽດນາມ (2-9-1945 / 2-9-2025)... ໃນສະພາບການໂລກມີຫຼາຍໂອກາດ ແລະຄວາມສະດວກ, ແຕ່ຍັງມີຄວາມຫຍຸ້ງຍາກ ແລະສິ່ງທ້າທາຍຫຼາຍຢ່າງ, ພາຍໃຕ້ການນຳພາຂອງພັກກອມມູນິດຫວຽດນາມອີງໃສ່ບົນພື້ນຖານກຳລັງແຮງແຫ່ງມະຫາສາມັກຄີທົ່ວປວງຊົນ, ສະໜິດຕິດພັນຢ່າງແໜ້ນແຟ້ນ ຈິດໃຈພັກກັບນໍ້າໃຈປະຊາຊົນ, ເສີມຂະຫຍາຍຈິດໃຈ “ເປັນເຈົ້າຕົນເອງ, ເຊື່ອໝັ້ນຕົນເອງ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ, ຄວາມເອກອ້າງທະນົງໃຈຂອງຊົນຊາດ”, ຈິດໃຈສາມັກຄີສາກົນບໍລິສຸດຜຸດຜ່ອງເປັນກຳລັງໜູນ, ແນ່ນອນວ່າ ຫວຽດນາມ ຈະກ້າວເຂົ້າສູ່ສັງກາດໃໝ່, ສັງກາດບືນຕົວຂຶ້ນຂອງຊາດ,  ປະກອບສ່ວນເພື່ອສັນຕິພາບ, ສະຖຽນລະພາບ, ການຮ່ວມມື ແລະການພັດທະນາຢູ່ພາກພື້ນ ແລະໃນໂລກ, ຕາມຄວາມຄາດຫວັງຂອງປະທານໂຮ່ຈີມິນ - ນັ້ນແມ່ນ “ສ້າງປະເທດຫວຽດນາມ ສັນຕິພາບ, ເປັນເອກະພາບ, ເອກະລາດ, ປະຊາທິປະໄຕ ແລະຮັ່ງມີເຂັ້ມແຂງ, ປະກອບສ່ວນເຂົ້າໃນພາລະກິດປະຕິວັດຂອງໂລກ”. ໃນໄລຍະທາງນັ້ນ, ພັກ, ລັດ ແລະປະຊາຊົນຫວຽດນາມ ຫວັງວ່າຈະສືບຕໍ່ໄດ້ຮັບການສະໜັບສະໜູນ ແລະການຮ່ວມມືຢ່າງແໜ້ນແຟ້ນຂອງເພື່ອນມິດ, ຄູ່ຮ່ວມມື ແລະປະຊາຊົນທີ່ຮັກຫອມສັນຕິພາບໃນທົ່ວໂລກ.

ເນື່ອງໃນໂອກາດປີໃໝ່ສາກົນ 2025 ນີ້, ໃນນາມການນຳພັກ ແລະລັດ, ຂ້າພະເຈົ້າ ຂໍສົ່ງຄວາມສະໜິດສະໜົມຮັກແພງມາຍັງພີ່ນ້ອງຮ່ວມຊາດ, ນັກຮົບໃນທົ່ວປະເທດ, ຊາວຫວຽດນາມ ອາໄສຢູ່ ຕ່າງປະເທດ ແລະເພື່ອນມິດສາກົນ ຈົ່ງມີສຸຂະພາບເຂັ້ມແຂງ, ຄວາມຜາສຸກ ແລະປະສົບຜົນສຳເລັດ!

ນັກຂ່າວ: ຂອບໃຈຢ່າງຈິງໃຈທ່ານເລຂາທິການໃຫຍ່! ຂໍອວຍພອນໃຫ້ທ່ານເລຂາທິການໃຫຍ່ ແລະຄອບຄົວ ຈົ່ງມີສຸຂະພາບເຂັ້ມແຂງ, ມີຄວາມຜາສຸກໃນປີໃໝ່; ນຳພາການປະຕິວັດຂອງພັກເຮົາ, ຊົນຊາດເຮົາກ້າວໄປສູ່ຄວາມສຳເລັດໃໝ່!

ໂດຍ: ເຈິ່ນຮວ່ຽນ