ທ່ານ ໂຕເລິມ ເລຂາທິການໃຫຍ່ ຕ້ອນຮັບຄະນະຜູ້ແທນຂັ້ນສູງພັກປະຊາຊົນກຳປູເຈຍ

ທ່ານ ໂຕເລິມ ໄດ້ສະແດງຄວາມປິຕິຊົມຊື່ນ ແລະຕີລາຄາສູງການພັດທະນາສາຍພົວພັນບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ໝັ້ນຄົງ ແລະຍາວນານລະຫວ່າງ ຫວຽດນາມ - ກໍາປູເຈຍ ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ ແລະການພັດທະນາໃນພາກພື້ນ ແລະໃນໂລກ; ຢືນຢັນວ່າ ພັກ, ລັດ ແລະປະຊາຊົນຫວຽດນາມ ຖືເປັນສຳຄັນພິເສດຕໍ່ການພັດທະນາການພົວພັນກັບກຳປູເຈຍ ແລະການພົວພັນ ຫວຽດນາມ - ກໍາປູເຈຍ - ລາວ. ທ່ານ ໂຕເລິມ ຫວັງວ່າ ໃນໄລຍະຈະມາເຖິງ, ສອງຝ່າຍຈະສືບຕໍ່ເປີດກວ້າງການຮ່ວມມືຢ່າງເລິກເຊິ່ງກວ້າງຂວາງ, ແທດຈິງ ແລະມີປະສິດທິຜົນກວ່າອີກໃນຂົງເຂດຕ່າງໆ, ໃນນັ້ນມີການເພີ່ມທະວີການແລກປ່ຽນ, ການພົບປະລະຫວ່າງການນຳຂັ້ນສູງສອງປະເທດ, ແລກປ່ຽນມາດຕະການຊຸກຍູ້ການເຊື່ອມຕໍ່ສອງພື້ນຖານເສດຖະກິດ, ຍົກສູງວົງເງິນການຄ້າສອງຝ່າຍ, ສົມທົບກັນຮັກສາສະຖຽນລະພາບດ້ານການເມືອງ, ຄວາມໝັ້ນຄົງ, ຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມຢູ່ແຕ່ລະປະເທດ.

ທ່ານ ໂຕເລິມ ເລຂາທິການໃຫຍ່ ແລະທ່ານ Ouch Borith ຮອງປະທານຜູ້ທີໜຶ່ງສະພາສູງກຳປູເຈຍ. ພາບ: ຟ້າມກຽນ

ທ່ານ Ouch Borith ໄດ້ສະແດງຄວາມຂອບອົກຂອບໃຈຢ່າງເລິກເຊິ່ງ ຕໍ່ການໜູນຊ່ວຍອັນໃຫຍ່ຫຼວງ, ລ້ຳຄ່າ, ທັນການ ແລະມີປະສິດທິຜົນ ເຊິ່ງຫວຽດນາມ ໄດ້ມອບໃຫ້ກຳປູເຈຍ ໃນພາລະກິດຕໍ່ສູ້ປົກປັກຮັກສາເອກະລາດ ແລະຊ່ວຍເຫຼືອ ກຳປູເຈຍ ຫຼຸດພົ້ນອອກຈາກລະບອບດັບສູນເຊື້ອຊາດໃນເມື່ອກ່ອນ ກໍ່ຄືໃນກິດຈະການສ້າງສາປະເທດຊາດໃນປັດຈຸບັນ. ທ່ານ Ouch Borith ຢືນຢັນຄວາມປາຖະໜາ ແລະຄວາມຕັດສິນໃຈສູງຂອງການນຳ ແລະປະຊາຊົນກຳປູເຈຍ ສືບຕໍ່ເພີ່ມພູນຄູນສ້າງ, ຮັກສາສາຍພົວພັນຖານບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ໝັ້ນຄົງ ແລະຍາວນານລະຫວ່າງ ກຳປູເຈຍ ແລະຫວຽດນາມ.

ໂດຍ: ຈາງຫງວຽນ